បន្ទាយមានជ័យ៖ យោងតាមពាក្យបណ្ដឹងចុះថ្ងៃទី០៦ ខែតុលា ឆ្នាំ២០២០ របស់ជនរងគ្រោះឈ្មោះ នាង រ៉ាវុទ្ធ ភេទប្រុស អាយុ ៣៧ឆ្នាំ រស់នៅភូមិមិត្តភាព សង្កាត់/ក្រុងប៉ោយប៉ែត ខេត្តបន្ទាយមានជ័យ និងជនរងគ្រោះឈ្មោះ នៅ រតនា ភេទប្រុស អាយុ ២៧ឆ្នាំ រស់នៅភូមិកបាលស្ពាន២ សង្កាត់/ក្រុងប៉ោយប៉ែត ខេត្តបន្ទាយមានជ័យ ពាក់ព័ន្ធករណីលួចម៉ូតូ។
ក្រោយពីទទួលបានពាក្យបណ្តឹង លោក វរសេនីយ៍ត្រី នួន នីណារ៉ូ មេបញ្ជាការ មូលដ្ឋាន កងរាជអាវុធហត្ថក្រុងប៉ោយប៉ែត បានចាត់តាំងកម្លាំងចុះធ្វើការស្រាវជ្រាវរហូតដល់វេលាម៉ោង០១ និង០០នាទី ឈានចូលថ្ងៃទី០៧ ខែតុលា ឆ្នាំ២០២០ កម្លាំងបានធ្វើការឃាត់ខ្លួនជនសង្ស័យម្នាក់ឈ្មោះ ម៉ម វីរៈ (ហៅចក់) ភេទប្រុស អាយុ២៨ឆ្នាំ និងដកហូតបានម៉ូតូ០១គ្រឿង ម៉ាកឃ្លិច ពណ៌ស ផលិតឆ្នាំ២០១៣ ដូចក្នុងពាក្យបណ្ដឹងខាងលើ នៅចំណុចកាស៊ីណូប៉ោយប៉ែតផាលេសផ្លាស (ផ្សារយួន) ស្ថិតក្នុងភូមិក្បាលស្ពន១ សង្កាត់/ក្រុងប៉ោយប៉ែត។ ក្រោយពីកម្លាំងជំនាញសួរនាំរួច ក៏ឃាត់ខ្លួនបក្សពួកជនសង្ស័យជាបន្តបន្ទាប់បានចំនួន០៣នាក់បន្ថែមទៀត ១/-ឈ្មោះ សៅ ទិត្យ (ហៅខ្មៅ) ភេទប្រុស អាយុ១៨ឆ្នាំ រស់នៅភូមិចាន់គិរី សង្កាត់/ក្រុងប៉ោយប៉ែត ២/- ឈ្មោះ ឌី ខួច (ហៅធិ) ភេទប្រុស អាយុ២៧ឆ្នាំ រស់នៅភូមិអូរឫស្សី សង្កាត់ផ្សារកណ្ដាល ក្រុងប៉ោយប៉ែត ៣/- ឈ្មោះ អាង ថុនា (ហៅទូ) ភេទប្រុស អាយុ២៣ឆ្នាំ រស់នៅភូមិសាមគ្គីមានជ័យ សង្កាត់/ក្រុងប៉ោយប៉ែត រួមនឹងដកហូតវត្ថុតាងពាក់ព័ន្ធមួយចំនួន។
បច្ចុប្បន្ន ជនសង្ស័យត្រូវបានបញ្ជូនទៅអយ្យការអមសាលាដំបូងខេត្ត ចំណែកម៉ូតូជនរបស់ជនរងគ្រោះ ត្រូវបានកម្លាំងអាវុធហត្ថប្រគល់ឱ្យម្ចាស់ដើមវិញ៕