បាត់ដំបង ៖ ថ្ងៃទី ១៤ ខែ តុលា ឆ្នាំ ២០២០ នៅចំណុចផ្ទះសំណាក់ អាយហៅ ស្ថិតក្នុងភូមិ កម្មករ សង្កាត់ ស្វាយប៉ោ ក្រុង បាត់ដំបង កម្លាំងការិយាល័យជំនាញបានធ្វើការឃាត់ខ្លួនជនសង្ស័យ៥នាក់ឈ្មោះ ១-ឈ្មោះ សូវៀត រតនា ភេទ ប្រុស អាយុ ២៩ ឆ្នាំ មុខរបរ គ្មាន ទីលំនៅភូមិ ឱម៉ាល់ សង្កាត់ ឱម៉ាល់ ក្រុង បាត់ដំបង។ ២-ឈ្មោះ ម៉ៅ វិតា ភេទ ប្រុស អាយុ ៣២ ឆ្នាំ មុខរបរ គ្មាន ទីលំនៅភូមិ កន្សៃបន្ទាយ ឃុំ មោង ស្រុក មោងឬស្សី ខេត្ត បាត់ដំបង។ ៣-ឈ្មោះ ឆាប ឈីណា ភេទ ប្រុស អាយុ ២០ ឆ្នាំ មុខរបរ គ្មាន ទីលំនៅភូមិ ពោធិ៍១ ឃុំ គារ ស្រុក មោងឬស្សី ។ ៤-ឈ្មោះ ហេង សុម៉ាវត្តី ភេទ ស្រី អាយុ ២៣ ឆ្នាំ មុខរបរ គ្មាន ទីលំនៅភូមិ កម្មករ សង្កាត់ ស្វាយប៉ោ ក្រុង បាត់ដំបង ។ ៥-ឈ្មោះ ជុំ ពិសី ភេទ ស្រី អាយុ ២០ ឆ្នាំ មុខរបរ គ្មាន ទីលំនៅភូមិ ដង្កោទាប សង្កាត់ ទួលតាឯក ក្រុង បាត់ដំបង ។ វត្ថុតាងចាប់យករួមមាន គ្រឿងញៀនម៉ាទឹកកក២កញ្ចប់ ទម្ងន់ ១,៣៧ ក្រាម ទូរសព្ទដៃ៥គ្រឿង ម៉ូតូ២គ្រឿង ម៉ាកហុងដាឌ្រីម សេ១២៥ ពណ៌ខ្មៅ ស៊េរីឆ្នាំ២០២០ គ្មានផ្លាកលេខ និង ម៉ាកហុងដា ហ្សូមមឺអ៉ិច ពណ៌ ក្រហមលាយស ពាក់ផ្លាកលេខ បាត់ដំបង 1AH 1181។ បច្ចុប្បន្នជនសង្ស័យ និងវត្ថុតាងកំពុងឃាត់ខ្លួននៅការិយាល័យ​ជំនាញដើម្បីបន្តនីតិវិធី។