ព្រះសីហនុ៖ រសៀលថ្ងៃសុក្រ ទី៣០ ខែតុលា ឆ្នាំ២០២០ លោក ឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ បានទទួលជួបស្វាគមន៍ជាមួយប្រតិភូនៃសមាគមពាណិជ្ជកម្មចិនឆោសាន នៅកម្ពុជា ដឹកនាំដោយលោក Chen Yi Long ប្រធានសមាគមពាណិជ្ជកម្មចិនឆោសាន ក្នុងដំណើរចុះមកសួរសុខទុក្ខ ដល់កងកម្លាំងកងរាជអាវុធហត្ថខេត្តព្រះសីហនុ និងនាំយកនូវអំណោយសប្បុរសធម៌ អង្ករចំនួន ៤០តោន ឧបត្ថម្ភដល់បញ្ជាការដ្ឋាន កងរាជអាវុធហត្ថខេត្តព្រះសីហនុ សម្រាប់យកទៅប្រើប្រាស់តាមតម្រូវការចាំបាច់ចំពោះមុខ។

នាឱកាសនោះដែរ លោក ឧត្តមសេនីយ៍ត្រី មេបញ្ជាការ បានថ្លែងអំណរគុណយ៉ាងជ្រាលជ្រៅដល់ម្ចាស់អំណោយ ដែលមានទឹកចិត្តល្អប្រពៃ គាំទ្រមកលើបញ្ជាការដ្ឋានកងរាជអាវុធហត្ថខេត្តព្រះសីហនុ និងជូនពរដល់ប្រតិភូនៃសមាគមពាណិជ្ជកម្មចិនឆោសាន ព្រមទាំងសហការីទាំងអស់ ឱ្យមានសុខភាពល្អមាំមួន ជួបតែសំណាងល្អ រកទទួលទានមានបាន មានសុភមង្គលក្នុងក្រុមគ្រួសារ។