ក្រចេះៈ វេលាម៉ោង១៤ និង៣០នាទី ថ្ងៃទី៣០ ខែកក្កដា ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកចិត្របុរី សហការជាមួយផ្នែករដ្ឋបាលព្រៃឈើក្រចេះ និង សង្កាត់រដ្ឋបាលព្រៃឈើថ្មគ្រែ បង្ក្រាបបទល្មើសព្រៃឈើចំនួន០១លើក
ដោយឃាត់រថយន្តយីឌុបពណ័ខៀវ ក្រហម ចំនួន០១គ្រឿង ពាក់ស្លាកលេខ ភ្នំពេញ3A 4057 ដែលបានដឹកឈើប្រណិតខុសច្បាប់ ដែលជាឈើប្រភេទ ថ្លុង ចំនួន ៧ម៉ែត្រគូប ឆ្លងកាត់ខេត្តក្រចេះ នៅចំណុចភូមិចង្រ្កង ឃុំចង្រ្កង ស្រុកចិត្របុរី ខេត្តក្រចេះ ។
វត្ថុតាងដែលចាប់យកបាន ត្រូវកម្លាំងកងរាជអាវុធហត្ថខេត្តក្រចេះ ប្រគល់ជូនខណ្ឌរដ្ឋបាលព្រៃឈើ ដើម្បីកសាងសំណុំរឿង ចាត់ការបន្តតាមនីតិវិធី។