សៀមរាបៈ វេលាម៉ោង១០ និង០០នាទី ថ្ងៃទី៣១ ខែកក្កដា ឆ្នាំ២០១៦ កម្លាំងមូលដ្ឋានកងរាជអាវុធហត្ថក្រុងសៀមរាប បានធ្វើការបង្ក្រាប ករណីពាក់ព័ន្ធជាមួយនូវសារធាតុញៀន០១លើក និងឃាត់ខ្លួនជនសង្ស័យបានចំនួន០៣នាក់ ស្ថិតនៅចំណុចភូមិសាលាកន្សែង សង្កាត់ស្វាយដង្គំ ក្រុងសៀមរាប ។
បើតាមសំដីមន្ត្រីកងរាជអាវុហត្ថក្រុងសៀមរាប បានឱ្យដឹងថា មុននឹងឈានទៅដល់ការឃាត់ខ្លួនជនសង្ស័យ កម្លាំងកងរាជអាវុធហត្ថក្រុងសៀមរាប បានធ្វើការតាមដាន និងកំណត់មុខសញ្ញាជនសង្ស័យជាយូរមកហើយ។ បន្ទាប់ពីទទួលបានដំណឹង ថា ជនសង្ស័យកំពុងធ្វើការជួញដូរសារធាតុញៀន កម្លាំងក៏បានចុះទៅអន្តរាគមន៍បង្ក្រាបភ្លាមៗ។
មន្ត្រីដដែលបានប្រាប់ថា ជនសង្ស័យដែលត្រូវឃាត់ខ្លួននោះមានឈ្មោះ ៈ
០១. អ៊ុល សារ៉ាត់ ភេទប្រុស អាយុ៣០ឆ្នាំ មុខរបររត់ម៉ូតូឌុប ទីលំនៅភូមិស្ទឹងថ្មី សង្កាត់ស្វាយដង្គំ ក្រុងសៀមរាប។
០២. ខែម វាសនា ភេទប្រុស អាយុ៣៦ឆ្នាំ មុខរបរកម្មករ ទីលំនៅភូមិសាលាកន្សែង សង្កាត់ស្វាយដង្គំ ក្រុង សៀមរាប។
០៣. ខែម សៀងហ៊ី ភេទប្រុស អាយុ២៧ឆ្នាំ មុខរបរជាងកាត់សក់ ទីលំនៅភូមិសាលាកន្សែង សង្កាត់ស្វាយដង្គំ ក្រុងសៀមរាប។
មន្ត្រីដដែលបានបន្តទៀតថា កម្លាំងបានចាប់យកវត្ថុតាងមួយចំនួនពីជនសង្ស័យរួមមានៈ
០១. ថ្នាំញៀនប្រភេទម៉ាទឹកក ចំនួន០៨កញ្ចប់ ដែលមានទម្ងន់ ១.១៣ក្រាម
០២.ទូរស័ព្ទដៃចំនួន ០៣គ្រឿង។
ជនសង្ស័យ និងវត្ថុតាង ត្រូវកម្លាំងកងរាជអាវុធហត្ថក្រុងសៀមរាប កំពុងសាកសួរ និងកសាងសំណុំរឿងដើម្បីចាត់ការបន្តតាមនីតិវិធី។