សៀមរាបៈ វេលាម៉ោង២០ និង៣០នាទី ថ្ងៃទី០១ ខែកក្កដា ឆ្នាំ២០១៦ ដោយមានការទទួលសហការពីប្រជាពលរដ្ឋ បានផ្តល់ដំណឹងមកកាន់ កម្លាំងមូលដ្ឋានកងរាជអាវុធហត្ថក្រុងសៀមរាបថា នៅចំណុចភូមិសាលាកន្សែង សង្កាត់ស្វាយដង្គំ ក្រុង សៀមរាប
មានយុវជនមួយក្រុមកំពុងជួបជុំគ្នាសេពគ្រឿងញៀន ទើបកម្លាំងមូលដ្ឋានកងរាជអាវុធហត្ថក្រុងសៀមរាប ក៏បានចុះទៅភ្លាមៗ នៅកន្លែងដែលប្រជាពលរដ្ឋបានរាយការណ៍។ មន្ត្រីកងរាជអាវុធហត្ថបានប្រាប់ភ្នាក់ងារ GRK News ឱ្យដឹងថា កម្លាំងកងរាជអាវុធហត្ថបានធ្វើការឃាត់ខ្លួនបានជនសង្ស័យចំនួន០៩នាក់ ជាមួយនឹងវត្ថុតាងមួយចំនួនរួមមានៈ

០១. ថ្នាំញៀនប្រភេទម៉ាទឹកកកចំនួន ០១កញ្ចប់ ដែលមានទម្ងន់ស្មើ ១.១៩ក្រាម
០២. ទូរស័ព្ទដៃចំនួន ០៩គ្រឿង។

ជនសង្ស័យ និងវត្ថុតាង ត្រូវកម្លាំងកងរាជអាវុធហត្ថក្រុងសៀមរាប កំពុងសាកសួរបន្ថែម និងកសាងសំណុំរឿង ដើម្បីចាត់ការបន្តតាមនីតិវិធី។