តាកែវ៖ នៅវេលាម៉ោង ០១ និង៤០នាទីទៀបភ្លឺថ្ងៃទី២៣ ខែធ្នូ ឆ្នាំ២០២០ កម្លាំងមូលដ្ឋានកងរាជអាវុធហត្ថស្រុកព្រៃកប្បាស ដឹកនាំដោយលោក អនុសេនីយ៍ឯក សោម វណ្ណៈ មេបញ្ជាការរង មូលដ្ឋានកងរាជអាវុធហត្ថស្រុកព្រៃកប្បាស ល្បាតដល់ចំណុចភូមិព្រៃល្វាខាងកើត ឃុំព្រៃល្វា ស្រុកព្រៃកប្បាស ខេត្តតាកែវ បានឃាត់ខ្លួនជនសង្ស័យបាន០១នាក់ ពាក់ព័ន្ធករណីគ្រឿងញៀន និងបានដកហូតវត្ថុតាងម្សៅក្រាមសថ្លាចំនួន០២កញ្ចប់, ទូរស័ព្ទ ០១គ្រឿង, ដែកកេះ០២។
បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្ត កសាងសំណុំរឿងតាមនីតិវិធី។