កំពង់ឆ្នាំង : នៅវេលាម៉ោង ១៥:៣៥ នាទី ថ្ងៃទី២៤ ខែធ្នូ ឆ្នាំ២០២០ នៅចំណុចភូមិធ្លករលីង ឃុំក្រាំងល្វា ស្រុកសាមគ្គីមានជ័យ កម្លាំងកងរាជអាវុធហត្ថខេត្ត ដឹកនាំដោយលោក វរសេនីយ៍ទោ ហង្ស សុជាតិ មេបញ្ជាការរង ទទួលផែនយុត្តិធម៌ បានចុះធ្វើការឃាត់ខ្លួនជនសង្ស័យចំនួន ០១ នាក់ ឈ្មោះ ហាក់ សំអូន ភេទប្រុស អាយុ ២៥ ឆ្នាំ មុខរបរជាងជួសជុលម៉ូតូ ទីលំនៅ ភូមិ-ឃុំ កើតហេតុខាងលើ ពីបទរក្សាទុក ចែកចាយ និងប្រើប្រាស់ដោយខុសច្បាប់នូវសារធាតុញៀន និងដកហូតវត្ថុតាងម្សៅក្រាមពណ៌សថ្លា (ម៉ាទឹកកក) ចំនួន ០២ កញ្ចប់, ម៉ូតូចំនួន ០១ គ្រឿង, ទូរស័ព្ទដៃចំនួន ០២ គ្រឿង និងដាវចំនួន ០៣ ដើម។
បច្ចុប្បន្នជនសង្ស័យ និងវត្ថុតាងការិយាល័យជំនាញកំពុងកសាងសំណុំរឿងតាមនីតិវិធី។
