កំពង់ចាម៖ បញ្ជាការដ្ឋាន កងរាជអាវុធហត្ថខេត្តកំពង់ចាម ដឹកនាំដោយ លោក ឧត្តមសេនីយ៍ត្រី សោ សាវឿន មេបញ្ជាការ កងរាជអាវុធហត្ថខេត្តកំពង់ចាម និងលោក មេបញ្ជាការរង នៅព្រឹកថ្ងៃទី២៥ ខែធ្នូ ឆ្នាំ២០២០ បាននាំយកថវិការឧបត្ថម្ភ របស់អង្គភាពកងរាជអាវុធហត្ថខេត្តកំពង់ចាមចំនួន ៥,៥០០,០០០៛ (ប្រាំលានប្រាំសែនរៀល) ដើម្បីចូលរួមជាមួយរាជរដ្ឋាភិបាលកម្ពុជាតាមរយៈ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មាធិការខេត្តប្រយុទ្ធប្រឆាំងនឹងជំងឺកូវីដ-១៩ សម្រាប់ទិញវ៉ាក់សាំងកូវីដ-១៩ ដើម្បីចាក់ជូនប្រជាពលរដ្ឋកម្ពុជាដោយឥតគិតថ្លៃក្នុងជំហានមួយ។