ភ្នំពេញ ៖ ព្រឹកថ្ងៃចន្ទ ទី០៤ ខែមករា ឆ្នាំ២០២១ លោក ឧត្តមសេនីយ៍ឯក ហុង វិណុល, លោក ឧត្តមសេនីយ៍ឯក ម៉ន សាម៉ុន, លោក ឧត្តមសេនីយ៍ឯក អន សុខុន លោក ឧត្តមសេនីយ៍ឯក ប៉ោ វណ្ណៈ,លោក ឧត្តមសេនីយ៍ឯក ជា សារិន និងលោកស្រី ឧត្តមសេនីយ៍ទោ ហ៊ាង ឆវី មេបញ្ជាការរង កងរាជអាវុធហត្ថលើផ្ទៃប្រទេស និងលោក ឧត្តមសេនីយ៍ទោ ស សំបូរធន នាយសេនាធិការ កងរាជអាវុធហត្ថលើផ្ទៃប្រទេស បានអញ្ជើញជាអធិបតីក្នុងពិធីប្រជុំបូកសរុបលទ្ធផលការងារប្រតិបត្តិការ និងជំនាញពាក់ព័ន្ធ ឆ្នាំ២០២០ ទិសដៅឆ្នាំ២០២១ ។ ពិធីនេះត្រូវបានធ្វើឡើងនៅសាលប្រជុំបញ្ជាការដ្ឋានកងរាជអាវុធហត្ថលើផ្ទៃប្រទេស ដោយមានការអញ្ជើញចូលរួមពីសំណាក់លោក ឧត្តមសេនីយ៍ ស្នងការ ស្នងការរង នាយការិយាល័យ ព្រមទាំងនាយអាវុធហត្ថតាមបណ្តារាជធានី–ខេត្តដែលមានការពាក់ព័ន្ធក៏បានចូលរួមក្នុងពិធីនេះតាមរយៈមធ្យោបាយប្រព័ន្ធបច្ចេកវិទ្យា (Video Conference) ផងដែរ៕
