ព្រះសីហនុៈ នៅវេលាម៉ោង១៤ និង០៥នាទី ថ្ងៃទី០៥ ខែសីហា ឆ្នាំ២០១៦ ជនសង្ស័យម្នាក់ត្រូវបាន កម្លាំងមូលដ្ឋានកងរាជអាវុធហត្ថក្រុង ព្រះសីហនុ ធ្វើការឃាត់ខ្លួន ពាក់ព័ន្ធករណីលួច ស្ថិតនៅចំណុច ក្រុម០៤ ភូមិ០៤ សង្កាត់០៤ ក្រុងព្រះសីហនុ។

ប្រភពពត៌មានពីមន្ត្រីកងរាជអាវុធហត្ថ បានឱ្យដឹងថា ជនសង្ស័យនេះគឺត្រូវបានប្រជាពលរដ្ឋធ្វើការ ឃាត់ខ្លួនស្របពេលគេកំពុងធ្វើសកម្មភាពកាច់សោរ ក ម៉ូតូ។ បន្ទាប់ពីធ្វើការឃាត់ខ្លួនមក ប្រជាពលរដ្ឋក៏បានផ្តល់ដំណឹងមកកាន់ កម្លាំងកងរាជអាវុធហត្ថ អោយមកកន្លែងកើតហេតុភ្លាមៗ ។

មន្ត្រីដដែលបានបន្តទៀតថា ជនសង្ស័យដែលត្រូវឃាត់ខ្លួននោះមានឈ្មោះ យេត វណ្ណា ភេទប្រុស អាយុ៣៥ឆ្នាំ មុខរបរកម្មករសំណង់ មានទីលំនៅផ្ទះជួល ក្រុម០៤ ភូមិ០៤ សង្កាត់០៤ ក្រុងព្រះសីហនុ។

មន្ត្រីដដែលបានបន្តប្រាប់ទៀតថា កម្លាំងបានចាប់យកវត្ថុតាងមួយចំនួនពីជនសង្ស័យរួមមានៈ
០១. ឆ្នាំងសាកទូរសព្ទ័ចំនួន០១គ្រឿង
០២. ទូរសព្ទ័ដៃម៉ាកណូគាពណ៌ខៀវចំនួន០១គ្រឿង
០៣. ការបូបលុយពណ៌ខ្មៅចំនួន០១
០៤. ដែកកេះចំនួន០២
០៥. ប្រាក់រៀលចំនួន១៣៤៥០០រៀល( ដប់បីម៉ឺនបួនពាន់ប្រាំរយរៀល)
០៦. ស្លាកលេខម៉ូតូ ព្រះសីហនុ ១D៣៣៧៤ ចំនួន០១

ជនសង្ស័យ និងវត្ថុតាង ត្រូវកម្លាំងមូលដ្ឋានកងរាជអាវុធហត្ថក្រុងព្រះសីហនុ កំពុងសាកសួរបន្ថែម និងកសាងសំណុំរឿង ដើម្បីបញ្ចូនបន្តតាមនីតិវិធី។