សៀមរាបៈ ការបង្ក្រាបរាល់បទល្មើសក្នុងសង្គម គឺជាកាតព្វកិច្ច របស់កងរាជអាវុធហត្ថ ជាក់ស្តែង នៅវេលាម៉ោង០៥ និង០៨នាទី ថ្ងៃទី០៥ ខែសីហា ឆ្នាំ២០១៦ ជនសង្ស័យ០២នាក់ ត្រូវបានកម្លាំងមូលដ្ឋានកងរាជអាវុធហត្ថក្រុងសៀមរាប ឃាត់ខ្លួន ពាក់ព័ន្ធករណីគ្រឿងញៀន និងរក្សាទុកគ្រឿងផ្ទុះ ស្ថិតនៅចំណុចភូមិទក្សិណត្បូង សង្កាត់គោកចក ក្រុងសៀមរាប។

ប្រភពពត៌ពីមន្ត្រីកងរាជអាវុធហត្ថ បានប្រាប់ភ្នាក់ងារ GRK News ឱ្យដឹងថា ជនសង្ស័យដែលត្រូវឃាត់ខ្លួនមានឈ្មោះៈ
០១. អ៊ុក ខួច ភេទប្រុស អាយុ៣១ឆ្នាំ មុខរបរកម្មករ ទីលំនៅភូមិព្រះដាក ឃុំព្រះដាក ស្រុកបន្ទាយស្រី ខេត្តសៀមរាប
០២. សយ សែនសុវណ្ណ ភេទប្រុស អាយុ១៦ឆ្នាំ មុខរបរនៅផ្ទះ ទីលំនៅភូមិទួលក្រឡាញ់ ឃុំខ្នារសណ្តាយ ស្រុបន្ទាយស្រី ខេត្តសៀមរាប។

មន្ត្រីដដែលបានបន្តប្រាប់ទៀតថា កម្លាំងបានចាប់យកវត្ថុតាងមួយចំនួនពីជនសង្ស័យរួមមានៈ
០១. ថ្នាំញៀនប្រភេទម៉ាទឹកកកចំនួន ០២កញ្ចប់ ដែលមានទម្ងន់ស្មើ ២.៣៥ក្រាម
០២. គ្រាប់កាំភ្លើងAK៤៧ ចំនួន២០គ្រាប់
០៣. ផ្លាកលេខ ម៉ូតូ០២បន្ទះ

ជនសង្ស័យ និងវត្ថុតាង ត្រូវកម្លាំងមូលដ្ឋានកងរាជអាវុធហត្ថក្រុងសៀមរាប កំពុងសាកសួរ បន្ថែមនូវបក្ខពួក និងកសាងសំណុំរឿង ដើម្បីបញ្ចូនបន្តតាមនីតិវិធី។