ព្រះសីហនុៈ នៅវេលាម៉ោង២២ និង០៨នាទី ថ្ងៃទី០៥ ខែសីហា ឆ្នាំ២០១៦ កម្លាំងមូលដ្ឋានកងរាជអាវុធហត្ថក្រុងព្រះសីហនុ បានធ្វើការឃាត់ខ្លួនជនសង្ស័យ ចំនួន០៣នាក់ ពាក់ព័ន្ធករណីគ្រឿងញៀន ស្ថិតនៅចំណុចក្រុមទី១៧ ភូមិ០៤ សង្កាត់០៤ ក្រុងព្រះសីហនុ ។
ប្រភពពត៌ពីភ្នាក់ងារ GRK News បានឱ្យដឹងថា ជនសង្ស័យដែលត្រូវឃាត់ខ្លួនមានឈ្មោះៈ
០១. សុខ ងួន ភេទប្រុសអាយុ ៣៥ឆ្នាំមុខរបរ រត់ម៉ូតូឌុប ទីលំនៅ ក្រុម៤២ ភូមិ១ សង្កាត់៤ ក្រុងព្រះសីហនុ
០២. សេក សារ៉ែន ភេទប្រុស អាយុ៣២ឆ្នាំ មុខរបរ រត់ម៉ូតូកង់បី ទីលំនៅភូមិ៤ សង្កាត់៤ ក្រុង ព្រះសីហនុ
០៣. កន សារិទ្ធិ ភេទប្រុស អាយុ២៩ឆ្នាំ មុខរបរ រត់ម៉ូតូឌុប ទីលំនៅសង្កាត់៤ ក្រុងព្រះសីហនុ។
ភ្នាក់ងារដដែលបានបន្តប្រាប់ទៀតថា កម្លាំងបានចាប់យកវត្ថុតាងមួយចំនួនពីជនសង្ស័យរួមមានៈ
០១. ថ្នាំញៀនប្រភេទក្រាមសថ្លាចំនួន ០៥កញ្ចប់ ដែលមានទម្ងន់ស្មើ ១.៤៥ក្រាម
០២. ថ្នាំញៀនប្រភេទក្រាមខ្មៅថ្លាចំនួន ០៣កញ្ចប់ ដែលមានទម្ងន់ស្មើ ១.៦៦ក្រាម
០៣. កញ្ឆាគ្រៀចំនួន០២កញ្ចប់ ដែលមានទម្ងន់ស្មើ ១៨.៨១ក្រាម
០៤. ទូរសព្ទ័ដៃចំនួន០៤គ្រឿង
០៥. ម៉ូតូម៉ាកAIR BLADE ចំនួន០១គ្រឿង
០៦. ម៉ូតូកង់បី(តុក តុក) ចំនួន០១គ្រឿង
ជនសង្ស័យ និងវត្ថុតាង ត្រូវកម្លាំងមូលដ្ឋានកងរាជអាវុធហត្ថក្រុងព្រះសីហនុ កំពុងសាកសួរ បន្ថែមនូវបក្ខពួក និងកសាងសំណុំរឿង ដើម្បីបញ្ចូនបន្តតាមនីតិវិធី។
