រតនគិរី៖ នៅថ្ងៃទី១៥ ខែមករា ឆ្នាំ២០២១ កម្លាំងកងរាជអាវុធហត្ថខេត្តរតនគិរីបាន​ឃាត់ខ្លួនជនសង្ស័យម្នាក់ ពាក់ព័ន្ធនឹងករណីរំលោភសេព​សន្ថវៈលើអនីតិជន ដែលកើតឡើងកាល​ពីថ្ងៃទី១៤ ខែមករា ឆ្នាំ២០២១ វេលាម៉ោង២៣:៣០នាទី នៅចំណុចការដ្ឋាន ក្រុមហ៊ុនហ័ងអាញយ៉ាឡាយ ស្ថិតនៅភូមិ៣ ឃុំស្រែអង្គ្រង ស្រុកកូនមុំ ខេត្តរតនគីរី។ ជនសង្ស័យឈ្មោះ ផា សុខ ភេទប្រុស អាយុ២៦ឆ្នាំ ជនជាតិខ្មែរ ទីលំនៅបច្ចុប្បន្ន ភូមិ៣ ឃុំស្រែអង្គ្រង ស្រុកកូនមុំ ខេត្តរតនគីរី។ ចំណែកជនរងគ្រោះ ភេទស្រី អាយុ៧ឆ្នាំ មានទីលំនៅភូមិឃុំកើតហេតុខាងលើ។ ជនសង្ស័យត្រូវបានសមត្ថកិច្ចជំនាញកសាងសំណុំរឿងចាត់ការបន្តតាមនីតិវិធី៕