ភ្នំពេញៈ កម្លាំងមូលដ្ឋានកងរាជអាវុធហត្ថខណ្ឌដូនពេញ បានធ្វើការបង្ក្រាបករណីរក្សាទុក និងជួញដូរនូវសារធាតុញៀន ០១លើក ដោយឃាត់ខ្លួនបានមនុស្សចំនួន០៨នាក់ នៅវេលាម៉ោង៤ រសៀលថ្ងៃទី៧ ខែសីហា ឆ្នាំ២០១៦ ស្ថិតនៅចំណុចខាងក្រោយ ស្ថានទូតបារាំង ភូមិ២០ សង្កាត់ស្រះចក រាជធានីភ្នំពេញ។
បើតាមប្រភពពត៌មានពីមន្រ្តីកងរាជអាវុធហត្ថ បានឱ្យដឹងថា មុននឹងឈានទៅដល់ការឃាត់ ខ្លួនជនសង្ស័យនេះ កម្លាំងកងរាជអាវុធហត្ថបានធ្វើការ តាមដានស្រាវជ្រាវជាយូរមកហើយនូវ សកម្មភាពរបស់ជនសង្ស័យ និងទទួលបានការសហការពីគណៈបញ្ជាការខណ្ឌដូនពេញ។ បន្ថែមពីនោះ កម្លាំងបានចាប់យកវត្ថុតាងមួយចំនួនពីជនសង្ស័យរួមមានៈ
០១.ថ្នាំញៀនប្រភេទម៉ាទឹកកកចំនួន ២៥កញ្ចប់
០២. ជញ្ជីងសំរាប់ថ្លឹង ចំនួន០១គ្រឿង
០៣. ម៉ូតូចំនួន០៣គ្រឿង
០៤. សម្ភារៈសំរាប់វេចខ្ចប់ និងសេពគ្រឿងញៀនមួយចំនួនផងដែរ។
ជនសង្ស័យនិងវត្ថុតាង ត្រូវបានបញ្ជូនទៅការិយាល័យប្រឆាំងបទល្មើសគ្រឿងញៀន កងរាជអាវុធហត្ថរាជធានី ដើម្បីចាត់ការបន្តតាមនីតិវិធី៕
