អហ តាកែវ៖ នៅវេលាម៉ោង១៦និង៣០នាទី ថ្ងៃទី២២ ខែសីហា ឆ្នាំ២០១៥ កម្លាំងអាវុធហត្ថដឹកនាំដោយលោក ទិន ចិត្រា ព្រះរាជអាជ្ញារង​អម​សាលាដំបូងខេត្តតាកែវ បានបង្ក្រាបល្បែងស៊ីសង (កន្ទុយលេខ) នៅផ្ទះទី០១ របស់ឈ្មោះ សៀន គីមអាង ភេទស្រី អាយុ៣៤ឆ្នាំ នៅភូមិអង្គចង្អេរ ឃុំស្លា ស្រុកសំរោង ខេត្តតាកែវ។ ចាប់យកវត្ថុតាម សៀវភៅ០២ក្បាល, ម៉ាស៊ីនគិតលេខ ០២គ្រឿង, លុយខ្មែរ ២.២១០.០០០រៀល, លុយដុល្លារ ២៣០$ និងរថយន្ត០១គ្រឿង ម៉ាកហាយលិនដឺ។ នៅផ្ទះទី០២ ធ្វើការឆែកឆេរផ្ទៈឈ្មោះ ឌឿ សេង។ ចាប់យកវត្ថុតាង សៀវភៅ០៣ក្បាល, លុយចំនួន ២.៣៤៧.០០០រៀល ម៉ាស៊ីនគិតលេខ ០៤គ្រឿង, ទូរសព្ទ ៦គ្រឿង និងរថយន្ត០១គ្រឿង។ ឃាត់ខ្លួនជនសង្ស័យ ០៣នាក់ (ស្រី២នាក់)។