បន្ទាយមានជ័យ៖ កម្លាំងមូលដ្ឋាន កងរាជអាវុធហត្ថស្រុកថ្មពួក ដឹកនាំដោយលោក វរសេនីយ៍ត្រី ដុំ ចិត្រ មេបញ្ជាការមូលដ្ឋាន កងរាជអាវុធហត្ថស្រុក បានធ្វើការចុះល្បាតការពារសន្តិសុខនៅក្នុងភូមិសាស្ត្រស្រុកថ្មពួក រហូតដល់វេលាម៉ោង១៦ និង២០នាទី ថ្ងៃទី២២ ខែមករា ឆ្នាំ២០២១ នៅចំណុចសាលាបឋមសិក្សាថ្មពួក ដោយមានការសង្ស័យកម្លាំង ក៏បានឃាត់ខ្លួនមកសួរនាំ ហើយធ្វើការឆែកឆេរលើដងខ្លួនរកឃើញគ្រឿងញៀនមេតំហ្វេតាមីនទឹកកកចំនួន០២កូនថង់កិប ស្មើនឹងទម្ងន់១,៥៧ក្រាម ព្រមទាំងធ្វើតេស្តទឹកនោមរកសារធាតុញៀនឃើញថាលទ្ធផលវិជ្ជមាន ព្រមទាំងដកហូតម៉ូតូ០១គ្រឿង និងសម្ភារៈមួយចំនួន។
បច្ចុប្បន្នមន្ត្រីជំនាញ បានកសាងសំណុំរឿងតាមនីតិវិធី។