ភ្នំពេញ៖ ​នៅព្រឹកថ្ងៃសុក្រ ទី០៥ ខែកុម្ភៈ ឆ្នាំ២០២១ លោកឧត្តមសេនីយ៍​ទោ ខៀវ សាម៉េត នាយខុទ្ទកាល័យ​ កងរាជអាវុធហត្ថលើផ្ទៃប្រទេស តំណាង លោកនាយឧត្តមសេនីយ៍ សៅ សុខា អគ្គមេបញ្ជាការរង​នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស បានដឹកនាំប្រតិភូកងរាជអាវុធហត្ថ​ អញ្ជេីញជូនពរលោកវរសេនីយ៍ឯកពិសេស Li Jing feng(លី ជីញ ង្វៀង) អនុព័ន្ធយោធាចិន ប្រចាំព្រះរាជាណាចក្រកម្ពុជា នាឱកាសទទួលអំណរឆ្នាំថ្មី ប្រពៃណីចិន ជូនចំពោះថ្នាក់ដឹកនាំ ស្ថានទូត អនុព័ន្ធយោធា សូមមានសុខភាពល្អ កម្លាំងខ្លាំងខ្លា ប្រាជ្ញាឈ្លាសវៃ​ សម្រេចបានភារកិច្ចថ្មីៗថែមទៀត ជាពិសេស​សូមឲ្យ ចំណងមិត្តភាព កម្ពុជា-ចិន មានភាពរីកចំរើន និងអភិវឌ្ឍន៍ កាន់តែខ្លាំង​ថែមទៀត!