កំពង់ស្ពឺៈ នៅវេលាម៉ោង២២ និង១៥នាទី ថ្ងៃទី០៨ ខែសីហា ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកច្បារមន បានធ្វើការបង្ក្រាបករណីពាក់ព័ន្ធជាមួយនូវសារធាតុញៀនចំនួន០១លើក ដោយឃាត់ខ្លួនបានជនសង្ស័យចំនួន០២នាក់ ស្ថិតនៅចំណុចភូមិទួលគោក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។

បើតាមប្រភពពត៌មានពីមន្រ្តីកងរាជអាវុធហត្ថខេត្តកំពង់ស្ពឺ បានឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថធ្វើការឃាត់ខ្លួននោះមានឈ្មោះៈ
០១. ឈ្មោះ ប៊ុត សាវុធ ភេទប្រុស អាយុ២៤ឆ្នាំ មុខរបរមិនពិតប្រាកដ មានទីលំនៅ ភូមិក្រាំងពលទេព សង្កាត់ច្បារមន ក្រុងច្បារមន ខេត្តកំពង់ស្ពឺ
០២. សុខ វិរះ ភេទ ប្រុសអាយុ ២៤ ឆ្នាំ មានទីលំនៅភូមិស្នោរទី១ សង្កាត់ រកាធំ ក្រុងច្បារមន ខេត្តកំពង់ស្ពឺ
បន្ថែមពីនោះ កម្លាំងកងរាជអាវុធហត្ថបានចាប់យកវត្ថុតាងមួយចំនួនពីជនសង្ស័យរួមមានៈ
០១.ថ្នាំញៀនប្រភេទម៉ាទឹកកកចំនួន ០១កញ្ចប់ធំ ដែលមានទម្ងន់ស្មើ ១៣.១៩ក្រាម
០២. ទូរស័ព្ទ ចំនួន០២គ្រឿង
០៣. ម៉ូតូ ចំនួន០១គ្រឿង
០៤. ប្រាក់រៀលចំនួន១ម៉ឹន ៣ពាន់រៀល
ជនសង្ស័យនិងវត្ថុតាង ត្រូវបានបញ្ជូនទៅការិយាល័យប្រឆាំងបទល្មើសគ្រឿងញៀន កងរាជអាវុធហត្ថខេត្តកំពង់ស្ពឺ ដើម្បីសាកសួរបក្ខពួកបន្ថែម និងកសាងសំណុំរឿង ចាត់ការបន្តតាមនីតិវិធី៕