កណ្តាល៖ លោក វរសេនីយ៍ឯក សៅ សុគន្ធា មេបញ្ជាការរង និងជានាយសេនាធិការ តំណាង លោក ឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល ព្រឹកថ្ងៃសុក្រ ទី១២ ខែកុម្ភៈ ឆ្នាំ២០២១ បានដឹកនាំប្រតិភូក្រោមឱវាទអញ្ជើញចូលរួមគោរពវិញ្ញាណក្ខន្ធសព លោក អនុសេនីយ៍ត្រី គឹម ច័ន្ទគ្រឹស្នា ជំនួយការ ការិយាល័យបំភ័ន្តអក្ខរៈ នៃបញ្ជាការដ្ឋាន កងរាជអាវុធ ហត្ថខេត្តកណ្ដាល ដែលបានទទួលមរណភាពដោយគ្រោះថ្នាក់ចរាចរណ៍ កាលពីវេលាម៉ោង ១៨:៣៥ នាទី ថ្ងៃទី១១ ខែកុម្ភៈ ឆ្នាំ២០២១។ ក្នុងឱកាសនោះលោក មេបញ្ជាការរង ក៏បាននាំយកនូវបច្ច័យមូលនិធិរបស់កងរាជអាវុធហត្ថខេត្តកណ្តាល ចំនួន ៨,៤៣៥, ០០០រៀល និងគ្រឿងឧបភោគ បរិភគ មួយចំនួនជូនដល់ក្រុមគ្រួសារសពផងដែរ។ ពិធីបុណ្យនេះបានប្រារព្ធធ្វើឡើងនៅក្នុងវត្ត ទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ។