សៀមរាបៈ កម្លាំងមូលដ្ឋានកងរាជអាវុធហត្ថក្រុងសៀមរាប បានធ្វើការបង្ក្រាបករណីពាក់ព័ន្ធជាមួយសារធាតុញៀន ០១លើក ដោយឃាត់ខ្លួនបានជនសង្ស័យចំនួន០៤នាក់ នៅវេលាម៉ោង១៦ និង៣០នាទី ថ្ងៃទី០៩ ខែសីហា ឆ្នាំ២០១៦ ស្ថិតនៅចំណុចភូមិចុងកៅស៊ូ សង្កាត់ ស្លក្រាម ក្រុងសៀមរាប ។
បើតាមប្រភពពត៌មានពីភ្នាក់ងារ GRK News បានឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថធ្វើការឃាត់ខ្លួននោះមានឈ្មោះៈ
០១. នី ហ៊ាង ភេទប្រុស អាយុ១៨ឆ្នាំ មុខរបរនៅផ្ទះ ទីលំនៅភូមិអញ្ចាញ សង្កាត់នគរធំ ក្រុងសៀមរាប
០២.សូ បូរី ភេទប្រុស អាយុ១៨ឆ្នាំ មុខរបរសន្តិសុខ ទីលំនៅភូមិចុងកៅស៊ូសង្កាត់ស្លក្រាម ក្រុងសៀមរាប
០៣. ធន់ រាក់ ភេទប្រុស អាយុ២០ឆ្នាំ មុខរបរសន្តិសុខ ទីលំនៅភូមិអារក្សស្វាយ សង្កាត់នគរធំ ក្រុងសៀមរាប
០៤. សេង សុខុម ភេទប្រុស អាយុ១៨ឆ្នាំ មុខរបរនៅផ្ទះ ទីលំនៅភូមិសាលាកំរើក សង្កាត់សាលាកំរើក ក្រុងសៀមរាប
បន្ថែមពីនោះ កម្លាំងបានចាប់យកវត្ថុតាងមួយចំនួនពីជនសង្ស័យរួមមានៈ
០១.ថ្នាំញៀនប្រភេទម៉ាទឹកកកចំនួន ០២កញ្ចប់ ដែលមានទម្ងន់ស្មើ ០.២២ក្រាម
០២. ទូរស័ព្ទ ចំនួន០៤គ្រឿង។

ជនសង្ស័យនិងវត្ថុតាង ត្រូវបានបញ្ជូនទៅការិយាល័យប្រឆាំងបទល្មើសគ្រឿងញៀន កងរាជអាវុធហត្ថខេត្តសៀមរាប ដើម្បីកសាងសំណុំរឿង ចាត់ការបន្តតាមនីតិវិធី៕