តាកែវ៖ លោក វរសេនីយ៍ឯក ឈឹម សវ៉ាត់ឌី មេបញ្ជាការរង និងជានាយសេនាធិការ តំណាងលោក ឧត្តមសេនីយ៍ត្រី ឡា ឡៃ មេបញ្ជាការ កងរាជអាវុធហត្ថខេត្តតាកែវ និងមន្ត្រីក្រោមឱវាទអញ្ជើញចុះសាករសុខទុក្ខអ្នកស្រី ជា លាក់ ដែលទើបនឹងសម្រាលកូន បច្ចុប្បន្នកំពុងស្នាក់នៅលំនៅដ្ឋាននៅភូមិស្នួល ឃុំស្រងែ ស្រុកទ្រាំង ខេត្តតាកែវ។
អំណោយយកទៅប្រគល់ជូនមានទឹកបរិសុទ្ធ ១កេស, ទឹកផ្លែឈើ ១កេស, មី ១កេស, ទឹកដោះគោ ២យួរ និង ថវិកាចំនួន ៩១៥,០០០៛។ ក្នុងពេលឱកាសនោះផងដែរ លោក វរសេនីយ៍ឯក បានឈ្លៀតពេលចុះសាកសួរសុខទុក លោកតាជន្មាយុ ៩៧ ឆ្នាំ លោកយាយ ៨៧ ឆ្នាំ និងបានប្រគល់ជូននូវភេសជ្ជៈមួយចំនួនដល់លោកតា លោក យាយផងដែរ។