កែប៖ នៅវេលាម៉ោង ១៣ និង ៣០នាទី ថ្ងៃទី១៨ ខែកុម្ភៈ ឆ្នាំ២០២១ កម្លាំមន្ទីស្រាវជ្រាវ និងបង្ក្រាបបទល្មើសកងរាជអាវុធហត្ថខេត្តកែប ដឹកនាំដោយ លោក វរសេនីយ៍ឯក អ៊ុក រិទ្ធស័ក្តិ មេបញ្ជាការ រងទទួលការងារស្រាវជ្រាវ និងបង្ក្រាបបទល្មើស បានចុះអនុវត្តដីកាបង្កាប់ឱ្យចាប់ខ្លួន និងឃុំខ្លួនចំនួន៣ដីកា លេខ៣៣០,៣៣១ និងលេខ៣៣២ ចាប់មនុស្សចំនួន៣នាក់ នៅភូមិ អន្ទង់ស និងភូមិចំការបី ឃុំពងទឹក ស្រុកដំណាក់ចង្អើរខេត្តកែប (ពីបទក្លែងបន្លំ និងប្រើប្រាស់ឯកសារក្លែង) ចេញដោយ ឯកឧត្តម ទ្បុង កេសភីរម្យ ចៅក្រមស៊ើបសួរ និងជាប្រធានសាលាដំបូងខេត្តកំពត។ ជាលទ្ធផលឃាត់ខ្លួនចំនួន ៣នាក់ឈ្មោះ ឃុត ឃាន ភេទប្រុស អាយុ ៤២ឆ្នាំ, ឈ្មោះ មាស អាង ភេទប្រុស អាយុ ៥៥ ឆ្នាំ និងឈ្មោះ យ៉ាវ រុន ភេទប្រុសអាយុ ៤៩ ឆ្នាំ។