ក្រចេះៈ នៅវេលាម៉ោង០០ និង២០នាទី ឈានចូល ថ្ងៃទី១១ ខែសីហា ឆ្នាំ២០១៦ កម្លាំងមូលដ្ឋានកងរាជអាវុធហត្ថក្រុងក្រចេះ បានធ្វើការឃាត់ខ្លួនបានជនសង្ស័យចំនួន០២នាក់ ជាប់ពាក់ព័ន្ធជាមួយសារធាតុញៀន ស្ថិតនៅចំណុចភូមិក្រចេះ សង្កាត់ក្រចេះ ក្រុង ក្រចេះ ខេត្តក្រចេះ ។

បើតាមប្រភពពត៌មានពីភ្នាក់ងារ GRK News ប្រចាំខេត្តក្រចេះ បានឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថក្រុងក្រចេះ ឃាត់ខ្លួននោះ មានឈ្មោះៈ
០១. មហន្ត កែវមន្នី ភេទប្រុស អាយុ១៨ឆ្នាំ មុខរបរមិនពិតប្រាកដ មានទីលំនៅភូមិត្រពាំងព្រីញ សង្កាត់ក្រចេះ ក្រុងក្រចេះ ខេត្តក្រចេះ
០២. សា ពិសិទ្ធ ភេទប្រុស អាយុ២០ឆ្នាំ មុខរបរសិស្ស មានទីលំនៅភូមិរកាកណ្ណាល2 សង្កាត់រកាកណ្ណាល ខេត្តក្រចេះ។

ភ្នាក់ងារដដែលបានបន្តឱ្យដឹងទៀតថា កម្លាំងកងរាជអាវុធហត្ថបានចាប់យកវត្ថុតាង មួយចំនួនពីជនសង្ស័យរួមមានៈ
០១.ថ្នាំញៀនប្រភេទម៉ាទឹកកកចំនួន ០២កញ្ចប់ ដែលមានទម្ងន់ស្មើ ១.៦៨ក្រាម
០២. ទូរស័ព្ទ ចំនួន០៣គ្រឿង
០៣. ម៉ូតូ ចំនួន០១គ្រឿង។

ជនសង្ស័យនិងវត្ថុតាង ត្រូវបានបញ្ជូនទៅការិយាល័យប្រឆាំងបទល្មើសគ្រឿងញៀន កងរាជអាវុធហត្ថរាជធានីខេត្តក្រចេះ ដើម្បីសាកសួរពត៌មានបន្ថែម និងកសាងសំណុំរឿង ចាត់ការបន្តតាមនីតិវិធី៕