តាកែវ៖ អនុវត្តបទបញ្ជាលោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងមានការសម្របសម្រួលនីតិវិធីដោយឯកឧត្តម ឯក ឆេងហួត ព្រះរាជាអាជ្ញាអមសាលាដំបូងខេត្តតាកែវ នៅវេលាម៉ោង១៦:១៧នាទី ថ្ងៃទី២៨ ខែកុម្ភៈ ឆ្នាំ២០២៤ កម្លាំងការិយាល័យព្រហ្មទណ្ឌ មន្ទីរស្រាវជ្រាវ និងបង្រា្កបបទល្មើស ដឹកនាំដោយលោកវរសេនីយ៍ត្រី ប៊ិន តារាវុឌ្ឍ នាយការិយាល័យ ចុះបង្រ្កាបករណីហិង្សាដោយចេតនា ដែលប្រព្រឹត្តកាលពីវេលាម៉ោង ២១:១០នាទី ថ្ងៃទី២៤ ខែកុម្ភៈ ឆ្នាំ២០២៤ ត្រង់ចំណុចភូមិឈូកសខាងត្បូង ឃុំសឹង្ហ ស្រុកសំរោង ខេត្តតាកែវ…

កំពង់ធំ៖ នៅថ្ងៃទី២៩ ខែកុម្ភៈ ឆ្នាំ២០២៤ លោក វរសេនីយ៍ឯក គង់ សុភាព មេបញ្ជាការរងកងរាជអាវុធហត្ថខេត្តកំពង់ធំ បានដឹកនាំកម្លាំងកងរាជអាវុធហត្ថ សហការជាមួយកម្លាំងចម្រុះចុះប្រតិបត្តិការត្រួតពិនិត្យបង្រ្កាបបទល្មើសនេសាទនៅចំណុចមុខភូមិបឡត ស្ថិតឃុំពាមបាង ស្រុកស្ទោង ខេត្តកំពង់ធំ ដោយបានរុះរើកាប់បំផ្លាញរបាំងសាច់អួនចំនួន ០៣របាំង ប្រវែង ១,៨០០ម៉ែត្រ នៅនឹងកន្លែង, ឡុកចំនួន ៦គ្រឿង, លបលូចំនួន ១២ មាត់, បង្គោលឈើចំនួន ២,០០០ ដើម, ចាក់លែងត្រីចម្រុះចូលទន្លេចំនួន ២០គីឡូក្រាម។

បន្ទាយមានជ័យ៖ នៅថ្ងៃទី២៩ ខែកុម្ភៈ ឆ្នាំ២០២៤ មន្ត្រីជំនាញកងរាជអាវុធហត្ថខេត្តបន្ទាយមានជ័យ បញ្ជូនជនសង្ស័យម្នាក់ទៅសាលាដំបូងខេត្តអនុវត្តតាមនីតិវិធីពាក់ព័ន្ធករណីហិង្សាដោយចេតនា ដែលប្រព្រឹត្តិកាលពីវេលាម៉ោង០១និង០០នាទី ថ្ងៃទី២៨ ខែកុម្ភៈ ឆ្នាំ២០២៤ នៅចំណុចខារ៉ាអូខេJASSMINE ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។

បន្ទាយមានជ័យ៖ នៅថ្ងៃទី២៩ ខែកុម្ភៈ ឆ្នាំ២០២៤ មន្ត្រីជំនាញកងរាជអាវុធហត្ថខេត្តបន្ទាយមានជ័យ បញ្ជូនជនសង្ស័យម្នាក់ ទៅសាលាដំបូងខេត្តអនុវត្តតាមនីតិវិធី ពាក់ព័ន្ធករណីលួចទូរស័ព្ទ។

បន្ទាយមានជ័យ៖ នៅថ្ងៃទី២៩ ខែកុម្ភៈ ឆ្នាំ២០២៤ មន្ត្រីជំនាញកងរាជអាវុធហត្ថខេត្តបន្ទាយមានជ័យ បានបញ្ជូនជនសង្ស័យម្នាក់ ទៅសាលាដំបូងខេត្តអនុវត្តតាមនីតិវិធី  ពាក់ព័ន្ធករណីលួចម៉ូតូ ដែលម្លាំងបង្ក្រាបបាននៅវេលាម៉ោង១២និង៣៥នា ទីថ្ងៃទី២៨ ខែកុម្ភៈ ឆ្នាំ២០២៤ ភូមិអូរជ្រៅ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។

ព្រះសីហនុ៖ នាវេលាម៉ោង១៣:៣០នាទី ថ្ងៃទី២៩ ខែកុម្ភៈ ឆ្នាំ២០២៤ មានករណីគ្រោះអគ្គីភ័យឆេះស្មៅព្រៃក្នុងដីឡូត៍មួយកន្លែង តាមបណ្តោយផ្លូវបេតុងចំណុចភូមិមឹក ស្ថិតក្នុងភូមិ៤ សង្កាត់លេខ៤ ក្រុងព្រះសីហនុ។ កម្លាំងជំនាញនៃការិយាល័យជំនួយមនុស្សធម៌ និងសង្រ្គោះគ្រោះមហន្តរាយ កងរាជអាវុធហត្ថខេត្ត ដឹកនាំដោយ លោកវរសេនីយ៍ត្រី ឆឹម ផល្លី នាយការិយាល័យ បានចេញប្រតិបត្តិការជួយសង្គ្រោះបាញ់ទឹកពន្លត់ភ្លើងនៅទីតាំងកើតហេតុ។ ប្រតិបត្តិការនេះបានប្រើប្រាស់រថយន្តសង្រ្គោះកងរាជអាវុធហត្ថខេត្ត ចំនួន ០១គ្រឿង អស់ទឹកចំនួន ០២ឡាន បាញ់ទឹកពន្លត់ភ្លើងទាំងស្រុង នៅវេលាម៉ោង១៤:៣០នាទី ថ្ងៃខែឆ្នាំដដែល។

មណ្ឌលគិរី៖ នាព្រឹកថ្ងៃ០១ ខែមីនា ឆ្នាំ២០២៤ នៅបញ្ជាការដ្ឋានកងរាជអាវុធហត្ថខេត្តមណ្ឌលគិរី លោកឧត្តមសេនីយ៍ត្រី ហែម បូណារ៉ែល មេបញ្ជាការកងរាជអាវុធហត្ថខេត្តមណ្ឌលគិរី បានដឹកនាំប្រជុំជួរបញ្ជាការ ដោយមានវត្តមានមេបញ្ជាការរង នាយរងសេនាធិការ ប្រធានមន្ទីរ អនុប្រធានមន្ទីរ។

ត្បូងឃ្មុំ៖ ដោយមានការគិតគូរយកចិត្តទុកដាក់ដ៏ខ្ពង់ខ្ពស់ ពីសំណាក់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស នាព្រឹកថ្ងៃសុក្រ ទី០១ ខែមីនា ឆ្នាំ២០២៤ លោកឧត្តមសេនីយ៍ត្រី រ័ត្ន ចាន់ណា មេបញ្ជាការ កងរាជអាវុធហត្ថខេត្តត្បូងឃ្មុំ បានដឹកនាំមន្ត្រីអាវុធហត្ថក្រោមឱវាទអញ្ជើញពិនិត្យហេដ្ឋារចនាសម្ព័ន្ធនានា នៅតំបន់ប្រវត្តិសាស្រ្តយោធាតេជោកោះថ្ម អ៊ិច១៦ ស្ថិតក្នុងភូមិកោះថ្ម ឃុំទន្លូង ស្រុកមេមត់ ខេត្តត្បូងឃ្មុំ។

កំពង់ស្ពឺ៖ នៅបញ្ជាការដ្ឋានកងរាជអាវុធហត្ថខេត្តកំពង់ស្ពឺ នាព្រឹកថ្ងៃទី២៩ ខែកុម្ភៈ ឆ្នាំ២០២៤ លោកវរសេនីយ៍ឯក ចាន់ ដា មេបញ្ជាការរង នាយសេនាធិការ តំណាងលោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ​ បានដឹកនាំកិច្ចប្រជុំផ្សព្វផ្សាយផែនការ និងសង្គ្រោះបន្ទាន់ ដោយមានសមាសភាពចួលរួម លោកមេបញ្ជាការរង នាយសេនាធិការរង អនុប្រធានមន្ទីរ មេបញ្ជាការរងមូលដ្ឋានកងរាជអាវុធហត្ថក្រុង-ស្រុក ព្រមទាំងនាយ នាយរងអាវុធហត្ថខេត្តដែលមានការពាក់ព័ន្ធ។