ស្វាយរៀង ៖ នាព្រឹកថ្ងៃសុក្រ ទី០១ ខែមីនា ឆ្នាំ២០២៤ នៅបញ្ជាការដ្ឋានកងរាជអាវុធហត្ថខេត្តស្វាយរៀង លោក វរសេនីយ៍ឯក សុខា រ៉ានាថ មេបញ្ជាការ ស្ដីទី កងរាជអាវុធហត្ថខេត្តស្វាយរៀង បានអញ្ជើញជាអធិបតីភាពក្នុងពិធីបើកការត្រួតពិនិត្យ ស្វ័យបច្ចុប្បន្នភាពចំនួនទ័ព-កូន និងយុទ្ធោបករណ៍ កងរាជអាវុធហត្ថខេត្តស្វាយរៀង។ សមាសភាពចូលរួមមាន៖ លោក លោកស្រី មេបញ្ជាការរង នាយ នាយសេនាធិការរង ប្រធាន អនុប្រធានមន្ទីរទាំង៧ និងនាយការិយាល័យចំណុះមន្ទីរ នាយលេខាធិការដ្ឋាន នាយការិយាល័យហិរញ្ញវត្ថុ នាយការិយាល័យអធិការកិច្ច និងលោក មេបញ្ជាការមូលដ្ឋានកងរាជអាវុធហត្ថក្រុង-ស្រុកទាំង៨…

តាកែវ៖ នៅបញ្ជាការដ្ឋានកងរាជអាវុធហត្ថខេត្តតាកែវថ្មី ព្រឹកថ្ងៃទី២៩ ខែកុម្ភៈ ឆ្នាំ២០២៤ លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ បានដឹកនាំ លោកមេបញ្ជាការរង លោកនាយសេនាធិការ នាយទាហាន នាយទាហានរង នៃកងរាជអាវុធហត្ថខេត្ត រៀបចំពិធីតម្លើងរូបសំណាកគ្រុឌមហាជ័យ នៅទីតាំងដីថ្មីរបស់បញ្ជាការដ្ឋានកងរាជអាវុធហត្ថខេត្តតាកែវ ស្ថិតក្នុងភូមិត្រពាំងអង្គ សង្កាត់រកាក្រៅ ក្រុងដូនកែវ ខេត្តតាកែវ។

ប៉ៃលិន៖ នាព្រឹកថ្ងៃទី២៩ ខែកុម្ភៈ ឆ្នាំ២០២៤ នៅបញ្ជាការដ្ឋានកងរាជអាវុធហត្ថខេត្តប៉ៃលិន លោកឧត្ដមសេនីយ៍ត្រី កែវ សុផល មេបញ្ជាការកងរាជអាវុធហត្ថខេត្តប៉ៃលិន បានអញ្ជើញជាអធិបតីភាពក្នុងពិធីប្រកាសតែងតាំងផ្លាស់ប្តូរមុខតំណែង និងបំពាក់ឋានន្តរសក្ដិ ជូនដល់យោធិននៃកងរាជអាវុធហត្ថខេត្តប៉ៃលិន ។ ក្នុងពិធីនេះដែរមានការអញ្ជើញចូលរួមពីលោកមេបញ្ជាការរង នាយសេនាធិការ នាយសេនាធិការរង ប្រធានមន្ទីរ អនុប្រធានមន្ទីរ នាយការិយាល័យ នាយរងការិយាល័យ មេបញ្ជាការមូលដ្ឋានកងរាជអាវុធហត្ថក្រុង ស្រុក មេបញ្ជាការកងអនុសេនាធំចល័ត មេក្រុម និងនាយ នាយរងអាវុធហត្ថខេត្តជាច្រើនទៀត ។

បន្ទាយមានជ័យ៖ នៅល្ងាចថ្ងៃពុធ ទី២៨ ខែកុម្ភៈ ឆ្នាំ២០២៤ ឯកឧត្តម នាយឧត្ដមសេនីយ៍ សៅ សុខា ឣគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជឣាវុធហត្ថលើផ្ទៃប្រទេស បានឣញ្ជើញត្រួតពិនិត្យឣតីតអគារសាលាស្រុកស៊ីសុផុន ដែលសាងសង់ឡើងនៅទស្សវត្ស ឆ្នាំ៦០ (បច្ចុប្បន្នស្ថិតនៅក្នុងបរិវេណបញ្ជាការដ្ឋានកងរាជអាវុធហត្ថខេត្តបន្ទាយមានជ័យ) ដើម្បីអភិរក្ស និងកែលំអរទៅជាឣគារវប្បធម៌ នៃបញ្ជាការដ្ឋានកងរាជឣាវុធហត្ថខេត្តបន្ទាយមានជ័យ។

ពោធិ៍សាត់៖ ព្រឹកថ្ងៃទី២៨ ខែកុម្ភៈ ឆ្នាំ២០២៤ កម្លាំងកងរាជអាវុធហត្ថខេត្តពោធិ៍សាត់ សហការជាមួយកម្លាំងចម្រុះ ចុះបង្ក្រាបបទល្មើសនេសាទ នៅចំណុចចាប់ពីឃុំ កំពង់លួង រហូតដល់ចំនុច ប្រឡាយតាពេជ្រ ព្រំប្រទល់ ខេត្ដពោធិ៍សាត់ កំពង់ឆ្នាំង-កំពង់ធំ។ លទ្ធផលបង្ក្រាបបានរបាំងសាច់អួនក្រឡាល្អិតចំនួន៧ខ្សែ ប្រវែង ១,២៥០ម៉ែត្រ, លូកងសាច់អួនចំនួន១០មាត់, បង្គោលចំនួន១៥០ដើម, លែងត្រីចម្រុះចំនួន៦០គីឡូក្រាមចូលបឹងទន្លេសាបវិញ ចំណែកវត្ថុតាងត្រូវបានរក្សាទុកនៅផ្នែករដ្ឋបាលជលផលស្រុកក្រគរ។

នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ ព្រឹកថ្ងៃទី២៨ ខែកុម្ភៈ ឆ្នាំ២០២៤ លោកឧត្តមសេនីយ៍ត្រី មាស សុវណ្ណ នាយកមជ្ឈមណ្ឌល បានដឹកនាំក្រុមការងារធ្វើស្វ័យបច្ចុប្បន្នភាពចំនួនទ័ព-កូន និងយុទ្ធោបករណ៍ ដោយមានការចូលរួមពីនាយ នាយរង និងបុគ្គលិកមជ្ឈមណ្ឌលទាំងអស់។

ព្រៃវែង៖ រសៀលថ្ងៃទី២៨ ខែកុម្ភៈ ឆ្នាំ២០២៤ នៅសាលប្រជុំបញ្ជាការដ្ឋានកងរាជអាវុធហត្ថខេត្តព្រៃវែង លោកវរសេនីយ៍ឯក គឹម ផានី មេបញ្ជាការរង ទទួលការងារស្រាវជ្រាវ និងបង្រ្កាបបទល្មើស តំណាងលោកឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង បានដឹកនាំមន្រ្តីជំនាញការិយាល័យរបស់មន្ទីរស្រាវជ្រាវ និងបង្រ្កាបបទល្មើស កងរាជអាវុធហត្ថខេត្ត និងមេបញ្ជាការ មូលដ្ឋានកងរាជអាវុធហត្ថក្រុង ស្រុក ទំាង១៣ អញ្ជើញទទួលក្រុមការងារនៃមហាអយ្យការអមសាលាឧទ្ធរណ៍ រាជធានីភ្នំពេញ ដឹកនាំដោយ ឯកឧត្តម ស៊ិន រិទ្ធ អគ្គព្រះរាជអាជ្ញារង…

សៀមរាប៖ នាព្រឹកថ្ងៃពុធ ទី២៨ ខែកុម្ភៈ ឆ្នាំ២០២៤ នៅសាលប្រជុំអគារសេនាធិការដ្ឋាន នៃបញ្ជាការដ្ឋានកងរាជអាវុធហត្ថខេត្តសៀមរាប បានប្រជុំប្រុងប្រៀបពិនិត្យការងារស្វ័យបច្ចុប្បន្នភាពចំនួនទ័ព កូន និងយុទ្ធោបករណ៍ កងរាជអាវុធហត្ថខេត្តសៀមរាប ដឹកនាំដោយលោកវរសេនីយ៍ឯក ស៊ូ កណ្ឋារដ្ឋ មេបញ្ជាការរង ទទួលការងារកសាងកម្លាំង ដោយមានការចូលរួមពីលោកប្រធានមន្ទីរ លោកនាយការិយាល័យជំនាញ ។

ស្ទឹងត្រែង៖ ព្រឹកថ្ងៃទី២៨ ខែកុម្ភៈ ឆ្នាំ២០២៤ នៅបញ្ជាការដ្ឋានកងរាជអាវុធហត្ថខេត្តស្ទឹងត្រែង បានធ្វើការប្រជុំផ្សព្វផ្សាយការងារស្វ័យបច្ចុប្បន្នភាពចំនួនទ័ពកូន និងយុទ្ធោបករណ៍កងរាជអាវុធហត្ថខេត្តស្ទឹងត្រែង ក្រោមអធិបតីភាព លោកឧត្តមសេនីយ៍ត្រី អៀង វ៉ាន់ឌី មេបញ្ជាការកងរាជអាវុធហត្ថខេត្តស្ទឹងត្រែង សមាសភាពចូលរួមមេបញ្ជាការរង ប្រធានមន្ទីរ នាយការិយាល័យ មេបញ្ជាការមូលដ្ឋានក្រុង-ស្រុក។

កំពង់ស្ពឺ៖ អនុវត្តបទបញ្ជា លោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ កម្លាំងអាវុធហត្ថខេត្តកំពង់ស្ពឺ បានត្រៀមអន្តរាគមន៍ រង់ចាំបទបញ្ជា និងកម្លាំងល្បាត ការពារសន្តិសុខ សុវត្តិភាព តាមទីតាំងបានកំណត់ក្នុងភូមិសាស្ត្រខេត្ត ។