កំពង់ឆ្នាំង៖ នៅវេលាម៉ោង០៨:៣០នាទីព្រឹកថ្ងៃទី០៧ ខែកញ្ញា ឆ្នាំ២០២៣ កម្លាំងមូលដ្ឋានកងរាជអាវុធហត្ថស្រុកបរិបូណ៌ ខេត្តកំពង់ឆ្នាំង ដឹកនាំដោយលោកអនុសេនីយ៍ឯក ហឿន មាស មេបញ្ជាការរងមូលដ្ឋានកងរាជអាវុធហត្ថស្រុក សហការជាមួយកម្លាំងចម្រុះចុះបង្ក្រាបបទល្មើសនេសាទ តាមដងទន្លេស្ថិតក្នុងភូមិកំពង់អួរ ឃុំខុនរ៉ង ស្រុកបរិបូណ៌ ខេត្តកំពង់ឆ្នាំង ជាលទ្ធផលបានរុះរើរបាំងសាច់អួនចំនួន០៥ កន្លែង ប្រវែងសរុប ៥០០ ម៉ែត្រ, លបលូសាច់អួន០៥ មាត់, បង្គោលចម្រុះ ចំនួន ៣០០ ដើម, ចាក់លែងកូនត្រីចម្រុះចំនួនប្រមាណ ២០គីឡូ ចំណែកសម្ភារល្មើសត្រូវបានបំផ្លាញចោលនៅនឹងកន្លែង។

កំពង់ធំ៖ អនុវត្តតាមបទបញ្ជាលោក ឧត្តមសេនីយ៍ត្រី មាស យ៉ត មេបញ្ជាការកងរាជអាវុធហត្ថខេត្តកំពង់ធំ និងមានការសម្របសម្រួលនីតិវិធីពីព្រះរាជអាជ្ញារងអមសាលាដំបូងខេត្តកំពង់ធំ នៅវេលាម៉ោង ១៧:០៥នាទីថ្ងៃទី០៤ ខែកញ្ញា ឆ្នាំ២០២៣ រហូតដល់ម៉ោង២០:០០នាទីថ្ងៃទី០៦ ខែកញ្ញា ឆ្នាំ២០២៣ កម្លាំងមន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថខេត្តកំពង់ធំ ដឹកនាំដោយលោកវរសេនីយ៍ទោ ផុន សុផល ប្រធានមន្ទីរស្រាវជ្រាវ និងបង្ក្រាបបទល្មើស បានចុះស្រាវជ្រាវ និងបង្រាបករណីជួញដូរនិងប្រើប្រាស់ដោយខុសច្បាប់នូវសារធាតុញៀន ចំនួន ០៤ គោលដៅ និងបានឃាត់ខ្លួនជនសង្ស័យបានចំនួន ១៤ នាក់ និងចាប់យកវត្ថុតាងពាក់ព័ន្ធ។…

កំពង់ស្ពឺ៖ រសៀលថ្ងៃទី៧ ខែកញ្ញា ឆ្នាំ២០២៣ លោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានឣញ្ជើញដឹកនាំកិច្ចប្រជុំត្រួតពិនិត្យការអនុវត្តតួនាទី-ភារកិច្ច និងវឌ្ឍនភាពការងារកងរាជអាវុធហត្ថខែសីហា ទិសដៅការងារខែកញ្ញា ឆ្នាំ២០២៣ និងផ្សព្វផ្សាយផែនការការពារសន្តិសុខ រក្សាសុវត្តិភាព និងសណ្តាប់ធ្នាប់ និងប្រជុំឆ្លងរបាយការណ៍ត្រួតពិនិត្យការអនុវត្តតួនាទី-ភារកិច្ចការងារកងរាជអាវុធហត្ថ៩ខែ ទិសដៅការងារឆមាសទី២ ឆ្នាំ២០២៣។

កំពត៖ ព្រឹកថ្ងៃទី០៧ ខែកញ្ញា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តកំពត លោកឧត្តមសេនីយ៍ត្រី ចាប សុទ្ធាវុឌ្ឍន៍ មេបញ្ជាការកងរាជអាវុធហត្ថខេត្តកំពត បានប្រជុំជួបញ្ជាការ ការបែងចែកតួនាទីភារកិច្ចទទួលខុសត្រូវ ជួយមេបញ្ជាការ លើការងារជំនាញតាមមន្ទីរនីមួយៗ សមាសភាពចូលរួម លោកមេបញ្ជាការរង លោកនាយការិយាល័យបុគ្គលិក និងនាយលេខា។

ព្រៃវែង៖ នៅព្រឹកថ្ងៃសុក្រ ទី៨ ខែកញ្ញា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តព្រៃវែង បានរៀបចំពិធីប្រជុំត្រួតពិនិត្យការអនុវត្តតួនាទី ភារកិច្ច ការងារកងរាជអាវុធហត្ថ ប្រចាំខែសីហា និងទិសដៅខែកញ្ញា ឆ្នាំ២០២៣ ក្រោមអធិបតីភាពលោក ឧត្ដមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង ដោយមានការអញ្ជើញចូលរួមពីមេបញ្ជាការរង ប្រធានមន្ទីរ នាយការិយាល័យ មេបញ្ជាការ មូលដ្ឋានក្រុង/ស្រុក ស្នាក់ការសន្តិសុខ និងនាយទាហាន នៃកងរាជអាវុធហត្ថខេត្ត ដែលមានការពាក់ព័ន្ធ។

ភ្នំពេញ៖ ដោយបានការអនុញ្ញាតពី ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ព្រឹកថ្ងៃសុក្រ ទី០៨ ខែកញ្ញា ឆ្នាំ២០២៣ នៅសាលប្រជុំអគារសេនាធិការដ្ឋាន បញ្ជាការដ្ឋានកងរាជអាវុធហត្ថលើផ្ទៃប្រទេស លោកឧត្តមសេនីយ៍ទោ ស សំបូរធន នាយសេនាធិការកងរាជអាវុធហត្ថលើផ្ទៃប្រទេស បានដឹកនាំអង្គប្រជុំផ្សព្វផ្សាយផែនការ ការពារសន្តិសុខ រក្សាសណ្ដាប់ធ្នាប់ និងសង្គ្រោះបន្ទាន់ ពិធីសមយុទ្ធសុខាភិបាលយោធារួមគ្នា«ទេវតាសន្តិភាព-ឆ្នាំ២០២៣»ក្រោមប្រធានបទ«ប្រតិបត្តិការសង្គ្រោះសុខាភិបាល មនុស្សធម៌អន្តរជាតិរួមគ្នា នៅតំបន់គ្រោះមហន្តរាយ ខ្យល់ព្យុះ និងទឹកជំនន់ធ្ងន់ធ្ងរ»។ កិច្ចប្រជុំនេះមានការអញ្ជើញចូលរួមពីស្នងការ ស្នងការដ្ឋានទាំង៧ ការិយាល័យជំនាញ…

ភ្នំពេញ៖ ព្រឹកថ្ងៃទី០៧ ខែកញ្ញា ឆ្នាំ២០២៣ នៅអគារសេនាធិការដ្ឋានជាន់ផ្ទាល់ដី នៃបញ្ជាការដ្ឋានកងរាជអាវុធហត្ថលើផ្ទៃប្រទេស លោកឧត្តមសេនីយ៍ឯក ភួង ស៊ីភិន មេបញ្ជាការរង កងរាជអាវុធហត្ថលើផ្ទៃប្រទេស បានដឹកនាំកិច្ចប្រជុំផែនការហ្វឹកហ្វឺន វគ្គបណ្ដុះបណ្ដាលមន្ដ្រីនគបាលយុត្ដិធម៌ជំនាន់២៦, ត្រៀមបើកវគ្គបណ្ដុះបណ្ដាលពលទាហានកងរាជអាវុធហត្ថជំនាញ, ត្រៀមបើកវគ្គវិក្រឹត្ដការនាយទាហានថ្នាក់វរសេនីយ៍ និងនាយទាហានរង ពលទាហានកងរាជអាវុធហត្ថ និងត្រៀមហ្វឹកហាត់ផែនឈរក្នុងពិធីបុណ្យឯករាជជាតិ។

នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ ព្រឹកថៃ្ងពុធទី០៦ ខែកញ្ញា ឆ្នាំ២០២៣ បានធើ្វការផ្សព្វផ្សាយស្តីពីខ្លឹមសារសៀវភៅសការពារជាតិ ក្រោមអធិបតីភាពលោក ឧត្តមសេនីយ៍ទោ សុគន្ធ វិសាល នាយក នាយកដ្ឋានរដ្ឋបាល នៃអគ្គនាយកដ្ឋានស្រាវជ្រាវចារកិច្ច ក្រសួងការពារជាតិ និងជាអនុប្រធានក្រុមការងារសៀវភៅសការពារជាតិ ព្រមទាំងសហការី ដោយមានការចូលរួមពីលោក ឧត្តមសេនីយ៍ត្រី មាស សុវណ្ណ នាយកមជ្ឈមណ្ឌលហ្វឹកហ្វឺន និងនាយករង ប្រធាន- អនុប្រធានមន្ទីរ នាយការិយាល័យ ព្រមទាំងបុគ្គលិករបស់សាលាទាំងអស់។

នៅព្រឹកថ្ងៃពុធ ទី០៦ ខែកញ្ញា ឆ្នាំ២០២៣ លោកឧត្តមសេនីយ៍ត្រី រ័ត្ន ចាន់ណា មេបញ្ជាការកងរាជអាវុធហត្ថខេត្តត្បូងឃ្មុំ បានដឹកនាំប្រតិភូកងរាជអាវុធហត្ថខេត្តអញ្ជើញចូលរួមប្រជុំកិច្ចសហប្រតិបត្តិការ ការពារព្រំដែនរវាងកងទ័ពការពារព្រំដែនខេត្តតៃនិញ ប្រទេសវៀតណាម ជាមួយស្នងការដ្ឋាននគរបាល តំបន់ប្រតិបត្តិការសឹករង និងកងរាជអាវុធហត្ថខេត្តត្បូងឃ្មុំ ប្រទេសកម្ពុជា ប្រចាំឆ្នំា២០២២ ព្រមទាំងពិធីចុះហត្ថលេខាលើកំណត់ហេតុកិច្ចប្រជុំរវាងបញ្ជាការដ្ឋានកងរាជអាវុធហត្ថខេត្តត្បូងឃ្មុំ នៃព្រះរាជាណាចក្រកម្ពុជា ជាមួយបញ្ជាការដ្ឋានកងទ័ពការពារព្រំដែនខេត្តតៃនិញ នៃសាធារណរដ្ឋសង្គមនិយមវៀតណាម នៅអគារទទួលភ្ញៀវកិច្ចការបរទេស ប៉ុស្តិ៍ការពារព្រំដែនច្រកទ្វារអន្តរជាតិម៉ុកបាយ ដោយបានការទទួលស្វាគមន៍យ៉ាងកក់ក្តៅ និងស្និទ្ធស្នាលក្រៃលែងពីសំណាក់លោកវរសេនីយ៍ឯក ឡេ វ៉ាន់វី មេបញ្ជាការកងទ័ពការពារព្រំដែនខេត្តតៃនិញ នៃសាធារណរដ្ឋសង្គមនិយមវៀតណាមផងដែរ៕