ស្វាយរៀង ៖ លោក ឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង នៅព្រឹកថ្ងៃទី០៨ ខែកក្កដា ឆ្នាំ២០២០នេះ បានអញ្ជើញជាអធីបតីភាព ក្នុងពិធីសម្ពោធដាក់អោយប្រើប្រាស់ជាផ្លូវការណ៍នូវមូលដ្ឋានកងរាជអាវុធហត្ថស្រុករំដួល អគារថ្មី រួមនឹងសមិទ្ធផលនានា ដែលត្រូវបានផ្លាស់ប្តូរមកទីតាំងថ្មីស្ថិតនៅភូមិតាជោ ឃុំសង្កែ ស្រុករំដួល ខេត្តស្វាយរៀងដោយសារទីតាំងចាស់មានទីធ្លា និងផ្លូវចូលបន្ទាយតូចចង្អៀតពិបាកក្នុងការបំពេញតួនាទី ភារកិច្ចរបស់ខ្លួន។ ក្នុងពិធីនេះដែរ ក៏មានការអញ្ជើញចូលរួមពីសំណាក់អាជ្ញាធរដែនដីរួមនឹងស្ថាប័ន ដែលមានការពាក់ព័ន្ធជាច្រើនកុះករផងដែរ ។

ភ្នំពេញ៖ នារសៀលថ្ងៃទី១៧ ខែមិថុនា ឆ្នាំ២០២០ លោក ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ បានចុះពិនិត្យ ការងារសាងសង់អគាររដ្ឋបាល មូលដ្ឋាន កងរាជអាវុធហត្ថខណ្ឌដូនពេញ។ អគាររដ្ឋនេះកសាងបានប្រមាន ៨០% នឹងត្រូវបញ្ចប់ក្នុងពេលដ៏ខ្លីខាងមុខ។ ឆ្លៀតក្នុងឱកាសចុះត្រួតពិនិត្យនោះផងដែរ លោក ឧត្តមសេនីយ៍ឯក មេបញ្ជាការ បាននាំយកនូវភេសជ្ជៈមួយចំនួយចែកជូនដល់ក្រុមកម្មករសំណង់ ក៏ដូចជាកងកម្លាំងផងដែរ។

ត្បូងឃ្មុំ ៖ នៅរសៀលថ្ងៃព្រហស្បតិ៍ ទី០៤ ខែមិថុនា ឆ្នាំ២០២០ នេះ លោក នាយឧត្តមសេនីយ៍ សៅ សុខា អគ្គមេបញ្ជការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញចុះត្រួតពិនិត្យការងារសាងសង់ អគារសេនាធិការដ្ឋាន បញ្ជាការដ្ឋាន កងរាជអាវុធហត្ថខេត្តត្បូងឃ្មុំ ដែលកំពុងដំណើរ។

កំពង់ឆ្នាំង៖ នៅព្រឹកថ្ងៃអង្គារ ទី២៦ ខែឧសភា ឆ្នាំ២០២០ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញជាអធិបតីក្នុងពិធីក្រុងពាលី ឈូសឆាយពង្រាយដីសម្រាប់សាងសង់ទីលានបាញ់កាំភ្លើងទ័ពជើងគោកអាស៊ាន និង សាងសង់ស្ថានីយ៍ផលិតទឹកស្អាតបន្ថែមសម្រាប់ប្រើប្រាស់នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជំរាយ។  

កំពង់ឆ្នាំង៖ នៅព្រឹកថ្ងៃទី២០ ខែឧសភា ឆ្នាំ២០២០ លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញចុះត្រួតពិនិត្យការងារសាងសង់នៅមជ្ឈមណ្ឌលហ្វឹកហ្វឺននាយទាហានរងកងរាជអាវុធហត្ថភ្នំជំរាយ៕

ព្រៃវែង៖ នៅថ្ងៃទី០២ ខែកុម្ភៈ ឆ្នាំ២០២០ លោក វរសេនីយ៍ឯក គឹម ផានី មេបញ្ជាការង តំណាង លោក ឧត្តសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង បាមអញ្ជើញជាអធិបតីក្នុងពិធីក្រុងពាលី ដើម្បីបើការដ្ឋានសាងសង់អគារ មូលដ្ឋាន កងរាជអាវុធហត្ថស្រុកពាមរក៍ ដែលមានទំហំទទឹង៨ម បណ្តោយ ១២ម ស្មើនឹង ៩៦ ម៉ែត្រការរ៉េ ស្ថិតនៅភូមិព្រែកខ្សាយ ឃុំព្រែកខ្សាយ(ក) ស្រុកពាមរក៍ ខេត្តព្រៃវែង។

អគារទទួលភ្ញៀវ នៅបញ្ជាការដ្ឋានកងរាជអាវុធហត្ថលើផ្ទៃប្រទេស ចំណាយថវិកាប្រមាណជាង ៣០ម៉ឺនដុល្លារអាមេរិក ត្រូវបានប្រារព្ធពិធីក្រុងពាលី និងបុកគ្រឹះ នៅព្រឹកថ្ងៃពុធ ទី០៨ ខែមករា ឆ្នាំ២០២០ ក្រោមអធិបតីភាព ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ បញ្ជាការកងរាជអាវុធហត្ថលើផ្ទៃប្រទេស។ ហេដ្ឋារចនាសម្ព័ន្ធក្នុងកងរាជអាវុធហត្ថ ត្រូវបានយកទុកដាក់ធ្វើការសាងសង់ អគាររីកស្គុះស្គាយ ចាប់ពីបញ្ជាការដ្ឋានលើផ្ទៃប្រទេស រហូតដល់បញ្ជាការដ្ឋានរាជធានី ខេត្ត ។

ដោយអនុវត្តតាមការណែនាំចង្អុលបង្ហាញ របស់លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស ដែលតែងតែណែនាំដល់មេបញ្ជាការអាវុធហត្ថគ្រប់ថ្នាក់ ត្រូវយកចិត្តទុកដាក់ កសាងហេដ្ឋារចនាសម្ព័ន្ធ សាងសង់អាគារជំរំជម្រក បន្ទាយស្នាក់នៅ ពីថ្នាក់ជាតិរហូតដល់រាជធានី-ខេត្ត-ក្រុង-ស្រុក-ខណ្ឌ នាព្រឹកថ្ងៃទី៨ ខែធ្នូ ឆ្នាំ២០១៩ លោកឧត្តមសេនីយ៍ឯក រ័ត្ន ស៊្រាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ បានអញ្ជើញជាអធិបតី ក្នុងពិធីសែនក្រុងពាលី បញ្ចុះបឋមសិលាសាងសង់អាគារថ្មី ទីបញ្ជាការមូលដ្ឋានកងរាជអាវុធហត្ថខណ្ឌដូនពេញ ប្រកបដោយស្តង់ដាទំនើបទាន់សម័យ មានការចូលរួមពីលោក…

ក្រចេះ៖ នៅបញ្ជាការរដ្ឋាន កងរាជអាវុធហត្ថខេត្តក្រចេះ បានរៀបចំពិធីក្រុងពាលីសុំម្ចាស់ទឹកដី កសាងអាគារថ្មីមួយខ្នងប្រក់ក្បឿង ដែលមានទំហំទទឹងប្រវែង ៧,២០ ម៉ែត្រ និងបណ្តោយប្រវែង ៣៦ ម៉ែត្រ ។ ពិធីនេះប្រព្រឹត្តឡើងក្រោមអធិបតីភាពលោក ឧត្តមសេនីយ៍ត្រី សាន្ដ ប៊ុនថាន មេបញ្ជាការកងរាជអាវុធហត្ថខេត្តក្រចេះ និងមានការអញ្ជើញចូលរួមពីសំណាក់ មេបញ្ជាការរង នាយរងសេនាធិការដ្ឋាន ប្រធានមន្ទីរ នាយការិយាល័យ និងនាយ - នាយរងអាវុធហត្ថខេត្តជាច្រើននាក់ផងដែរ។ ពិធិនេះប្រព្រឹត្តទៅនៅរសៀលថ្ងៃសៅរ៍ ទី១៤ ខែកញ្ញា ឆ្នាំ២០១៩។

លោកឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង បានដឹកនាំក្រុមការងារ ការិយាល័យវិស្វកម្ម ស្នងការ ស្នងការដ្ឋានភស្តុភារ កងរាជអាវុធហត្ថលើផ្ទៃប្រទេស និងក្រុមការងារមន្ទីរដែនដីនគរូបណីយ្យកម្ម និងសំណង់ខេត្ត អញ្ជើញចុះវាស់វែងដីទីតាំងបញ្ជាការដ្ឋានកងរាជអាវុធហត្ថខេត្តថ្មី នៅភូមិបារាយណ៍កើត សង្កាត់បារាយណ៍ ក្រុងព្រៃវែង ខេត្តព្រៃវែង ។