កោះកុង៖ ថ្ងៃទី១៣ ខែកុម្ភៈ ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តកោះកុង បានប្រារព្ធពិធីបើកវគ្គហ្វឹកហ្វឺន បំប៉នជំនាញកងរាជអាវុធហត្ថលើកទី១ ឆ្នាំ២០១៩ ក្រោមអធិបតីភាព លោកវរសេនីយ៍ឯក តាំង ឈុនស្រេង មេបញ្ជាការរង និងជានាយសេនាធិការ តំណាងលោក ឧត្តមសេនីយ៍ត្រី ថុង ណារុង មេបញ្ជាការ កងរាជអាវុធហត្ថខេត្តកោះកុង ដោយមានការអញ្ជើញចូលរួមពីសំណាក់មេបញ្ជាការរង នាយរងសេនាធិការ ប្រធានមន្ទីរ នាយការិយាល័យ មេបញ្ជាការ មូលដ្ឋានកងរាជអាវុធហត្ថក្រុង-ស្រុក និងស្នាក់ការសន្តិសុខ និងសិក្ខាកាមជាច្រើនរូបទៀត។

ភ្នំពេញ៖ អនុវត្ថតាមគោលការណ៍ដឹកនាំរបស់លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងមេបញ្ជាការកងរាជអាវុធហត្ថលើផ្ទៃប្រទេស នៅព្រឹកថ្ងៃសុក្រ ទី០៨ខែកុម្ភៈ ឆ្នាំ២០១៩ នៅវិទ្យាស្ថាន កងរាជអាវុធហត្ថកំបូល នៃបញ្ជាការដ្ឋានកងរាជអាវុធហ្ថលើផ្ទៃប្រទេស លោក ឧត្តមសេនីយ៍ឯក ភូងស៊ីភិន មេបញ្ជាការរង កងរាជអាវុធហត្ថលើផ្ទៃប្រទេស បានអញ្ជើញជាអធិបតីក្នងពិធីប្រឡងវាស់ស្ទង់សមត្ថភាព មន្រ្តីនគរបាលយុត្តិធម៌ជំនាន់ទី២៤ សម្រាប់ឆ្នាំសិក្សា២០១៩ នេះ។ សមាសភាពមន្ត្រីចូលរួមក្នុងពិធីប្រឡងនេះ រួមមានលោក ឧត្តមសេនីយ៍នាយករង លោកវរសេនីយ៍ គណៈកម្មការអនុរក្ស នាយការិយាល័យពាក់ព័ន្ធ និងសិក្ខាកាមចំនួន១៤៥ ផងដែរ។

រតនគិរី៖ ថ្ងៃទី៣១ ខែមករា ឆ្នាំ២០១៩ លោកឧត្តមសេនីយ៍ត្រី ថាវ យ៉េន មេបញ្ជាការរង និងជានាយសេនាធិការ កងរាជអាវុធហត្ថខេត្តរតនគិរី តំណាងលោក ឧត្តមសេនីយ៍ត្រី គឹម រស្មី មេបញ្ជាការកងរាជអាវុធហត្ថខេត្ត បានដឹកនាំកម្លាំង អញ្ជើញចូលរួមក្នុងពិធីក្រុងពាលី សាងសង់អគាររដ្ឋបាលមូលដ្ឋានកងរាជអាវុធហត្ថស្រុកលំផាត់ ចំនួន ០១ខ្នង ដែលមានបណ្តោយ ១៣ម៉ែត្រគុណនឹង ១៤ម៉ែត្រ ធ្វើអំពីថ្មប្រក់ក្បឿង ស្ថិតក្នុងភូមិលំផាត់ ឃុំជ័យឧត្តម ស្រុកសលំផាត់ ខេត្តរតនគិរី ដោយមានការអញ្ជើញចូលរួមពីសំណាក់មេបញ្ជាការរងកងរាជអាវុធហត្ថខេត្ត មេបញ្ជាការ…

រតនគិរី៖ នាព្រឹកថ្ងៃសុក្រ ទី១៨ ខែមករា ឆ្នាំ២០១៩ លោកឧត្តមសេនីយ៍ត្រី គឹម រស្មី មេបញ្ជាការកងរាជអាវុធហត្ថខេត្ត អញ្ជើញចុះត្រួតពិនិត្យ និងវាស់វែងការសាងសង់ អគាររដ្ឋបាលមូលដ្ឋាន កងរាជអាវុធហត្ថស្រុកលំផាត់ ដែលមានទំហំ ១៣ម៉ែត្រ គុណនឹង១១ម៉ែត្រ សាងសង់អំពីថ្មប្រក់ក្បឿង។

ប៉ៃលិន៖ ថ្ងៃពុធ ៤កើត ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៩ ខែមករា ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តប៉ៃលិន បានរៀបចំពិធីបិទវគ្គហ្វឹកហ្វឺនឈរផែន និងដើរស្មើដល់នាយ នាយរង នៃកងរាជអាវុធហត្ថ ខេត្តប៉ៃលិន ក្រោមអធិបតីភាពលោក ឧត្ដមសេនីយ៍ត្រី វ៉ាន់ ណាឡុង មេបញ្ជាការកងរាជអាវុធហត្ថខេត្តប៉ៃលិន។ ក្នុងពិធីនោះ មានការអញ្ជើញចូលរួមពីសំណាក់លោកមេបញ្ជាការរង នាយរងសេនាធិការ ប្រធាន/អនុមន្ទីរប្រធាន នាយការិយាល័យ នាយលេខាធិការដ្ឋានមេបញ្ជាការ មេបញ្ជាការរង មូលដ្ឋានក្រុង-ស្រុក…

ស្វាយរៀង៖ នៅបញ្ជាកដ្ឋានកងរាជអាវុធហត្ថខេត្តស្វាយរៀង ព្រឹកថ្ងៃពុធ ៤កើត ខែបុស្ស ឆ្នាំច សំរឹទិ្ធស័ក ព.ស.២៥៦២ ត្រូវនឹងថ្ងៃទី០៩ ខែមករា ឆ្នាំ២០១៩ លោក ឧត្តមសេនីយ៍ត្រី អេង ហ៊ី ស្នងការរង ស្នងការដ្ឋានរដ្ឋបាលនិងហិរញ្ញវត្ថុ និងជាអ្នកនាំពាក្យកងរាអាវុធហត្ថលើផ្ទៃប្រទេស បានអញ្ជើញធ្វើបទឧទ្ទេសនាម អប់រំចិត្តសាស្រ្ត ដល់កម្លាំងកងរាជអាវុធហត្ថខេត្តស្វាយរៀង ។ ពិធីនេះមានការអញ្ជើញចូលរួមពីសំណាក់លោក ឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តស្វាយរៀង និងលោកមេបញ្ជាការរង នាយរងសេនាធិការ ប្រធាន/អនុប្រធានមន្ទីរ…

កំពង់ឆ្នាំង៖ ព្រឹកថ្ងៃអង្គារ ៣កើត ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៨ ខែមករា ឆ្នាំ២០១៩ នៅមជ្ឈមណ្ឌលហ្វឹកហ្វឺនភ្នំជំរាយ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស បានអញ្ជើញបើកការដ្ឋានសាងសង់អគារផ្ទះភ្ញៀវ និងសំណេះសំណាលជាមួយនាយទាហាន នាយទាហានរងនៃកងរាជអាវុធហត្ថកងអនុសេនាធំចល័ត ។

រតនគិរី៖ ថ្ងៃចន្ទ ២រោច ខែមិគសិរ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៤ ខែធ្នូ ឆ្នាំ២០១៨ នៅមូលដ្ឋាន កងរាជអាវុធហត្ថស្រុកអូយ៉ាដាវ ខេត្តរតនគិរី លោកវរសេនីយ៍ត្រី សុខ មិន មេបញ្ជាការស្រុក បានដឹកនាំកម្លាំង អញ្ជើញចុះត្រួតពិនិត្យការសាងសង់អគារស្នាក់នៅ ដែលទើបនឹងកសាងបាន ៥០ភាគរយ ក្នុងនោះដែរលោកវរសេនីយ៍ ក៏បន្តការខិតខំប្រឹងប្រែង និងដឹកនាំអង្គភាពចូលរួមការថែរក្សានូវយុទ្ធោបកណ៍កងរាជអាវុធហត្ថ ដែលលោកឧត្តមសេនីយ៍ត្រី មេបញ្ជាការកងរាជអាវុធហត្ថខេត្ត បានបំពាក់ជូនដល់អង្គភាពផងដែរ។

ព្រះវិហារ៖ រសៀលថ្ងៃពុធ ៥កើត ខែមិគសិរ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១២ ខែធ្នូ ឆ្នាំ២០១៨ នៅបញ្ជាការដ្ឋានកងរាជអាវុធហត្ថខេត្តព្រះវិហារ បានរៀបចំពិធីបិទវគ្គហ្វឹកហ្វឺនជំនាញវិជ្ជាជីវៈកងរាជអាវុធហត្ថ យោធា ច្បាប់ ប្រចាំឆមាសទី២ ឆ្នាំ២០១៨ ក្រោមអធិបតីភាពលោក ឧត្តមសេនីយ៍ត្រី កង សៅគុណ មេបញ្ជាការកងរាជអាវុធហត្ថខេត្ត និងដោយមានការអញ្ជើញចូលរួមពីសំណាក់លោកមេបញ្ជាការរង នាយរងសេនាធិការ ប្រធាន/អនុប្រធានមន្ទីរ នាយការិយាល័យ មេបញ្ជាការ មេបញ្ជាការរងមូលដ្ឋានកងរាជអាវុធហត្ថក្រុង-ស្រុក ស្នាក់ការសន្តិសុខ និងនាយ នាយរងអាវុធហត្ថ…

ត្បូងឃ្មុំ៖ ព្រឹថ្ងៃព្រហស្បតិ៍ ៦កើត ខែមិគសិរ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងែទី១៣ ខែធ្នូ ឆ្នាំ២០១៨ នៅបញ្ជាការដ្ឋានកងរាជអាវុធហត្ថខេត្តត្បូងឃ្មុំ បានរៀបចំពិធីអប់រំនយោបាយចិត្តសាស្រ្តប្រចាំត្រីមាសទី៤ ឆ្នាំ២០១៨ ក្រោមអធិតីភាពលោក ឧត្តមសេនីយ៍ទោ ឌៀប វណ្ឌី នាយរងសេនាធិការកងរាជអាវុធហត្ថលើផ្ទៃប្រទេស ដោយមានការអញ្ជើញចូលរួមពីសំណាក់លោកមេបញ្ជាការរង ប្រធាន/អនុប្រធានមន្ទី នាយការិយាល័យ មេបញ្ជាការ មេបញ្ជាការរងមូលដ្ឋានស្រុក-ក្រុង ស្នាក់ការសន្តិសុខ និងនាយទាហាន នាយទាហានរងអាវុធហត្ថជាច្រើនរូបទៀត។