ភ្នំពេញ៖ ព្រឹកថ្ងៃព្រហស្បតិ៍ ទី០៧ ខែមីនា ឆ្នាំ២០១៩ នៅសាលប្រជុំបញ្ជាការដ្ឋាន កងរាជអាវុធហត្ថលើផ្ទៃប្រទេស បានធ្វើបច្ចុប្បន្នភាពចំនួនទ័ព-កូន និងយុទ្ធោបករណ៍កងរាជអាវុធហត្ថ ជំហ៊ានទី២ ដែលមាននាយ និងពលអាវុធហត្ថចំណុះបញ្ជាការដ្ឋានកងរាជអាវុធហត្ថលើផ្ទៃប្រទេស និងកងរាជអាវុធហត្ថតាមបណ្តារាជធានី ខេត្ត ដែលអវត្តមានកាលពីត្រួតពិនិត្យជំហ៊ានទី១នោះ។ វិធីនេះប្រព្រឹត្តទៅក្រោមអធិបតីភាពលោក ឧត្តមសេនីយ៍ទោ នាង សុជីវី ស្នងការ ស្នងការដ្ឋានរដ្ឋបាល និងហិរញ្ញវត្ថុ និងជាប្រធានអនុគណៈកម្មការទី១ កងរាជអាវុធហត្ថលើផ្ទៃប្រទេស និងក្រុមការងារដែលមានការពាក់ព័ន្ធជាច្រើនរូបទៀត ៕

ពោធិ៍សាត់៖ ព្រឹកថ្ងៃព្រហស្បតិ៍ ទី០៧ ខែមីនា ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តពោធិ៍សាត់ បានប្រជុំត្រួតពិនិត្យ ពង្រឹងការអនុវត្តផែនការលេខ ០៤/២០១៩ផ.ក ចុះថ្ងៃទី២៥ ខែមករា ឆ្នាំ២០១៩ ស្តីពីការបង្ការ ទប់ស្កាត់ និងបង្ក្រាបបទល្មើសធនធានធម្មជាតិ ក្រោមអធិបតីភាពលោក ឧត្តមសេនីយ៍ឯក ហុង វិណុល មេបញ្ជាការរង កងរាជអាវុធហត្ថលើផ្ទៃប្រទេស ទទួលផែនការងារស្រាវជ្រាវព័ត៌មាន សន្តិសុខ។

ភ្នំពេញ៖​ ព្រឹក​ថ្ងៃព្រហស្បតិ៍​ ទី០៧​ ខែមីនា​ ឆ្នាំ២០១៩ លោក ឧត្តមសេនីយ៍ត្រី អេង ហ៊ី ស្នងការ​ ស្នងការដ្ឋានទំនាក់ទំនងកិច្ចការសាធារណៈអ្នកនាំពាក្យកងរាអាវុធហត្ថលើផ្ទៃប្រទេស និងជាប្រធានក្រុមលេខាគណៈកម្មការជាតិដេីម្បីទប់ស្កាត់និងបង្ក្រាបបទល្មេីសធនធានធម្មជាតិ​ បានប្រជុំផ្សព្វផ្សាយសេចក្តីសម្រេច​ និងរៀបចំការងាររបស់ក្រុមលេខា​ នៃគណកម្មការជាតិដេីម្បីទប់ស្កាត់និងបង្ក្រាបបទល្មេីសធនធានធម្មជាតិ។ ពិធីនេះមានការអញ្ជើញចូលរួមពីសំណាក់ ក្រុមលេខាគណៈកម្មការជាតិ​ ជាច្រើនរូបផងដែរ។

ស្ទឹងត្រែង៖ ព្រឹកថ្ងៃព្រហស្បតិ៍ ទី០៧ ខែមីនា ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តស្ទឹងត្រែង លោកវរសេនីយ៍ឯក សូផាត សុភ័ក្រ នាយរងការិយាល័យ ការពារសន្តិសុខផ្ទៃក្នុងនៃកងរាជអាវុធហត្ថលើផ្ទៃប្រទេស និងជាប្រធានក្រុមការងារទី៣ បានដឹកនាំក្រុមមន្ត្រីជំរឿនកងរាជអាវុធហត្ថ ចុះធ្វើជំរឿនយោធិន នៃកងរាជអាវុធហត្ថខេត្តស្ទឹងត្រែង។

កោះកុង៖ ថ្ងៃចន្ទ ទី០៤ ខែមីនា ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តកោះកុង បានបើកកិច្ចប្រជុំ ផ្សព្វផ្សាយការងារត្រួតពិនិត្យវាយតម្លៃដល់នាយ នាយរងអាវុធហត្ថខេត្តកោះកុង ដែលដល់អាយុចូលសោធននិវត្តន៍ ឆ្នាំ២០១៩ ។ ក្រោមអធិបតីភាពលោក ឧត្តមសេនីយ៍ត្រី ថុង ណារុង មេបញ្ជាការ កងរាជអាវុធហត្ថខេត្តកោះកុង និងមានការអញ្ជើញចូលរួមពីលោក មេបញ្ជាការរង នាយរងសេនាធិការ ប្រធាន/អនុប្រធានមន្ទីរ នាយការិយាល័យ មេបញ្ជាការ មេបញ្ជាការរងមូលដ្ឋានកងរាជអាវុធហត្ថក្រុង/ស្រុក ប្រធានស្នាក់ការសន្តិសុខ។

នៅព្រឹកថ្ងៃពុធ ទី០៦ ខែមីនា ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តកំពង់ឆ្នាំង បានប្រជុំត្រួតពិនិត្យ ពង្រឹងការអនុវត្តផែនការលេខ ០៤/២០១៩ផ.ក ចុះថ្ងៃទី២៥ ខែមករា ឆ្នាំ២០១៩ ស្តីពីការបង្ការ ទប់ស្កាត់ និងបង្ក្រាបបទល្មើសធនធានធម្មជាតិ ក្រោមអធិបតីភាពលោក ឧត្តមសេនីយ៍ឯក ហុង វិណុល មេបញ្ជាការរង កងរាជអាវុធហត្ថលើផ្ទៃប្រទេស ទទួលផែនការងារស្រាវជ្រាវព័ត៌មាន សន្តិសុខ។

ភ្នំពេញ៖ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស លោក ឧត្តមសេនីយ៍ទោ ស សំបូរធន នាយសេនាធិការ កងរាជអាវុធហត្ថលើផ្ទៃប្រទេស បានដឹកនាំកិច្ចប្រជុំត្រួតពិនិត្យ ការអនុវត្តតួនាទីភារកិច្ច និងការងារកងរាជអាវុធហត្ថប្រចាំខែកុម្ភៈ និងលើកទិសដៅការងារខែមីនា ឆ្នាំ២០១៩។ ខ្លឹមសារនៃការប្រជុំរួមមាន៖ -ត្រួតពិនិត្យរការអនុវត្តតួនាទីភារកិច្ច និងការងារកងរាជអាវុធហត្ថខែកុម្ភៈ និងទិសដៅការងារខែខែមីនា ឆ្នាំ២០១៩។ -ផ្សព្វផ្សាយផែនការលេខ ១១/២០១៩ផ.ក ចុះថ្ងៃទី២៥ ខែកុម្ភៈ ឆ្នាំ២០១៩ របស់លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស…

កំពង់ស្ពឺ៖ រសៀលថ្ងៃអង្គារទី ០៥ ខែមីនា ឆ្នាំ២០១៩ លោក ឧត្តមសេនីយ៍ត្រី ជូសារុន មេបញ្ជាការកងរាជអាវុធហត្ថកំពង់ស្ពឺ បានដឹកនាំកិច្ចប្រជុំផ្សព្វផ្សាយការងារត្រួតពិនិត្យ វាយតម្លៃនាយទាហាន នៃកងរាជអាវុធហត្ថខេត្ត ដែលត្រូវចូលសោធននិវត្តន៍ឆ្នាំ២០១៩ ដោយមានការអញ្ជើញចូលរួមពីសំណាក់ លោកមេបញ្ជាការរង នាយរងសេនាធិការ ប្រធាន/អនុប្រធានមន្ទីរ នាយការិយាល័យជំនាញ និងនាយទាហានអាវុធហត្ថជាច្រើនរូបផងដែរ។ ក្នុងនោះដែរលោក ឧត្តមសេនីយ៍ ក៏បានអបអរសាទរខួបលើកទី១០៨ ទិវាអន្តរជាតិនារី ៨មីនា ឆ្នាំ២០១៩ ក្រោមប្រធានបទ "លើកកម្ពស់សមភាពយេនឌ័រ និងការគាំពារសង្គមធនធានមនុស្ស" លោកឧត្តមសេនីយ៍ត្រី ជូ…

រតនគិរី៖ ព្រឹកថ្ងៃអង្គារ ទី០៥ ខែមីនា ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តរតនគិរី លោកវរសេនីយ៍ឯក សូផាត សុភ័ក្រ នាយរងការិយាល័យ ការពារសន្តិសុខផ្ទៃក្នុងនៃកងរាជអាវុធហត្ថលើផ្ទៃប្រទេស និងជាប្រធានក្រុមការងារទី៣ បានដឹកនាំក្រុមមន្ត្រីជំរឿនកងរាជអាវុធហត្ថ ចុះធ្វើជំរឿនយោធិន នៃកងរាជអាវុធហត្ថខេត្តរតនគិរី។