រតនគិរី៖ ព្រឹកថ្ងៃសុក្រ ទី២២ ខែកុម្ភៈ ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តរតនគិរី លោក វរសេនីយ៍ទោ មួន សុវណ្ណដា មេបញ្ជាការរង និងជានាយសេនាធិការ កងរាជអាវុធហត្ថខេត្ត បានប្រជុំត្រួតពិនិត្យកម្លាំង ដើម្បីត្រៀមអន្តរគមន៍ ទប់ស្កាត់និងបង្ក្រាបបទល្មើសធនធានធម្មជាតិ ក្នុងភូមិសាស្រ្តខេត្តរតនគិរី ដែលត្រៀមកម្លាំងចំនួន ៣០ នាក់ តាមផែនការកំណត់ និងបានរៀបចំរួចនៅមមធ្យោបាយ គ្រឿងបំពាក់ រង់ចាំទទួលបទបញ្ជា ។

ស្ទឹងត្រែង៖ នៅបញ្ជាការដ្ឋានកងរាជអាវុធហត្ថខេត្តស្ទឹងត្រែង ព្រឹកថ្ងៃទី២២ ខែកុម្ភៈ ឆ្នាំ២០១៩ ក្រុមការងារកងរាជអាវុធហត្ថលើផ្ទៃប្រទេស ដឹកនាំដោយលោក ឧត្តមសេនីយ៍ឯក ម៉ន សាម៉ុន មេបញ្ជាការរង កងរាជអាវុធហត្ថលើផ្ទៃប្រទេស បានអញ្ជើញចុះត្រួតពិនិត្យការអនុវត្តផែនការទប់ស្កាត់ និងបង្រ្កាបបទល្មើសធនធានធម្មជាតិ ដោយមានការអញ្ជើញចូលរួមពីសំណាក់លោក ឧត្តមសេនីយ៍ត្រី អៀង វ៉ាន់ឌី មេបញ្ជាការកងរាជអាវុធហត្ថខេត្ត មេបញ្ជាការរង នាយរងសេនាធិការ ប្រធានមន្ទីរ នាយការិយាល័យជំនាញ និងមេបញ្ជាការមូលដ្ឋានកងរាជអាវុធហត្ថក្រុង-ស្រុកទាំង៥ និងប្រធានស្នាក់ការសន្តិសុខជាច្រើនរូបទៀត។  

ភ្នំពេញ៖ ព្រឹកថ្ងៃសុក្រ ទី២២ ខែកុម្ភៈ ឆ្នាំ២០១៩ នៅវិទ្យាស្ថាន កងរាជអាវុធហត្ថកំបូល លោក ឧត្តមសេនីយ៍ទោ ស៊ិន ថារ័ត្ន នាយកដ្ឋានអធិការកិច្ចក្រសួងការពារជាតិ បានធ្វើបទបង្ហាញស្តីពីការអប់រំផ្សព្វផ្សាយ ត្រួតពិនិត្យគ្រឿងញៀនខុសច្បាប់ ដល់នាយទាហាន នាយទាហានរងនៃកងរាជអាវុធហត្ថ វិទ្យាស្ថានកងរាជអាវុធហត្ថកំបូល។ ដោយមានការចូលរួមពីប្រតិភូអមដំណើមកពីក្រសួងការពារជាតិ និង លោកស្នងការ លោកនាយកវិទ្យាស្ថាន ព្រមទាំងនាយការិយាល័យចំណុះបញ្ជាការដ្ឋានកងរាជអាវុធហត្ថលើផ្ទៃប្រទេស និងនាយ នាយរងអាវុធហត្ថដែលមានការពាក់ព័ន្ធជាច្រើនរូបទៀត៕

រតនគិរី៖ លោក ឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធខេត្ត បើកកិច្ចប្រជុំ ដើម្បីពង្រឹងលើវិន័យ និងការងារគ្រប់គ្រងថែរក្សាគ្រឿងបំពាក់ អាវុធគ្រាប់គ្រប់ប្រភេទ ព្រមទាំងពង្រឹងលើការងារស្រាវជ្រាវ ទប់ស្កាត់នូវរាល់បទល្មើសគ្រប់ប្រភេទ នៅតាមបណ្តាមូលដ្ឋាន ក្រុងស្រុក និងស្នាក់ការសន្តិសុខនីមួយៗ កិច្ចប្រជុំនេះមានការអញ្ជើញចូលរួមពីលោកមេបញ្ជាការ មេបញ្ជាការរងក្រុង/ស្រុក និងប្រធានស្នាក់ការសន្តិសុខផងដែរ។

ក្រចេះ៖ នៅបញ្ជាការដ្ឋាន កងរាជអាវុធហត្ថខេត្តក្រចេះ ថ្ងៃទី២១ ខែកុម្ភៈ ឆ្នាំ២០១៩ បានរៀបចំពិធីប្រជុំត្រួតពិនិត្យការអនុវត្តផែនការ បង្ការទប់ស្កាត់ និងបង្ក្រាបបទល្មើសធនធានធម្មជាតិ ឆ្នាំ២០១៩ ក្រោមអធិបតីភាព លោក ឧត្ដមសេនីយ៍ឯក ម៉ន សាម៉ុន មេបញ្ជាការរង កងរាជអាវុធហត្ថលើផ្ទៃប្រទេស និងដោយមានការអញ្ជើញចូលរួមពីសំណាក់ លោក ឧត្ដមសេនីយ៍ត្រី សាន្ដ ប៊ុនថាន មេបញ្ជាការ កងរាជអាវុធហត្ថខេត្តក្រចេះ លោកមេបញ្ជាការរង នាយ នាយរងសេនាធិការដ្ឋាន ប្រធាន/អនុប្រធានមន្ទីរ នាយការិយាយ័យ មេបញ្ជាការមូលដ្ឋានក្រុង-ស្រុក…

កំពង់ស្ពឺ៖ ថ្ងៃទី២០ ខែកុម្ភៈ ឆ្នាំ២០១៩ លោក ឧត្តមសេនីយ៍ត្រី ជូ សារុន មេបញ្ជាការកងរាជអាវុធហត្ថខេត្តកំពង់ស្ពឺ ដឹកនាំកិច្ចប្រជុំពង្រឹង ប្រសិទ្ធភាពការងារ ដោយមានការចូលរួម លោកមេបញ្ជាការរ ង លោកនាយរងសេនាធិការ លោកប្រធានមន្ទីររដ្ឋបាលនិងហិរញ្ញវត្ថុ លេខាធិការដ្ឋាន ការិយាល័យបុគ្គលិក និងកម្លាំងកងអនុសេនាធំចល័តផងដែរ ៕

ស្វាយរៀង៖ ព្រឹកថ្ងៃពុធ ០១រោច ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២០ ខែកុម្ភៈ ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តស្វាយរៀង បានប្រជុំត្រួតពិនិត្យការអនុវត្តតួនាទី ភារកិច្ច និងការងារកងរាជអាវុធហត្ថប្រចាំសប្តាហ៍ និងលើកទិសដៅការងារបន្តរ។ កិច្ចប្រជុំនេះ ក្រោមអធិបតីភាពលោក ឧត្តមសេនីយ៍ត្រី នុត នន្ទ មេបញ្ជាការរង និងជានាយសេនាធិការ តំណាងលោក ឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង ដោយមានការអញ្ជើញចូលរួមពីសំណាក់…

កំពង់ឆ្នាំង ៖ នៅបញ្ជាការដ្ឋាន កងរាជអាវុធហត្ថខេត្តកំពង់ឆ្នាំង បានរៀបចំពិធីប្រជុំត្រួតពិនិត្យការអនុវត្ត តួនាទីភារកិច្ច និងការងារកងរាជអាវុធហត្ថ ក្រោមអធិបតីភាព លោក ឧត្ដមសេនីយ៍ត្រី សាក់ សារ៉ាង មេបញ្ជាការ កងរាជអាវុធហត្ថខេត្តកំពង់ឆ្នាំង និងមានការអញ្ជើញចូលរួមពីសំណាក់ លោកមេបញ្ជាការរង នាយរងសេនាធិការដ្ឋាន ប្រធាន/អនុប្រធានមន្ទីរ នាយការិយាល័យ មេបញ្ជាការក្រុង-ស្រុក ស្នាក់ការសន្តិសុខ និងនាយអាវុធហត្ថខេត្តជាច្រើនរូបទៀត កិច្ចប្រជុំនេះប្រព្រឹត្តិទៅនាព្រឹកថ្ងៃពុធ ទី២០ ខែកុម្ភៈ ឆ្នាំ២០១៩ ។

ព្រៃវែង ៖ ព្រឹកថ្ងៃពុធ ទី២០ ខែកុម្ភៈ ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តព្រៃវែង បានរៀបចំពិធីប្រជុំត្រួតពិនិត្យការអនុវត្ត តួនាទីភារកិច្ច និងការងារកងរាជអាវុធហត្ថ ក្រោមអធិបតីភាព លោក ឧត្ដមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង និងមានការអញ្ជើញចូលរួមពីសំណាក់ លោកមេបញ្ជាការរង នាយរងសេនាធិការដ្ឋាន ប្រធាន/អនុប្រធានមន្ទីរ នាយការិយាល័យ មេបញ្ជាការក្រុង-ស្រុក ស្នាក់ការសន្តិសុខ និងនាយអាវុធហត្ថខេត្តជាច្រើនរូបទៀត។