ត្បូងឃ្មុំ៖ នៅបញ្ជាការដ្ឋានកងរាជអាវុធហត្ថខេត្តត្បូងឃ្មុំ ព្រឹកថ្ងៃពុធ ទី២៣ ខែសីហា ឆ្នាំ២០២៣ លោកឧត្តមសេនីយ៍ត្រី រ័ត្ន ចាន់ណា មេបញ្ជាការ កងរាជអាវុធហត្ថខេត្តត្បូងឃ្មុំបានដឹកនាំលោកមេបញ្ជាការរង សេនាធិការរង ប្រធានមន្ទីរ អនុប្រធានមន្ទីរ នាយ នាយរងការិយាល័យរួមជាមួយ លោក ប៊ិន បូនីបុត្រ  អ្នកម៉ៅការសាងសង់ បានអញ្ជើញចុះ ត្រួតពិនិត្យវឌ្ឍនភាពការងារសាងសង់អគារសេនាធិការដ្ឋាន បញ្ជាការដ្ឋានកងរាជអាវុធហត្ថខេត្តត្បូងឃ្មុំ និងពិភាក្សាការងារដាក់ទិសដៅការកសាងហេដ្ឋារចនាសម្ព័ន្ធបន្តទៀត។

ស្វាយរៀង៖ នៅព្រឹកថ្ងៃអង្គារ ទី២២ ខែសីហា ឆ្នាំ២០២៣ លោកឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តស្វាយរៀង បានអញ្ជើញដឹកនាំប្រជុំវាយតម្លៃយោធិន នៃកងរាជអាវុធហត្ថខេត្តស្វាយរៀង ដល់អាយុចូលនិវត្តន៍ឆ្នាំ២០២៤ ចំនួន ០៥នាក់។ សមាសភាពចូលរួមប្រជុំមានលោក លោកស្រីមេបញ្ជាការរង លោកនាយសេនាធិការ ប្រធានមន្ទីរកសាងកម្លាំង នាយការិយាល័យគោលនយោបាយ នាយការិយាល័យបុគ្គលិក និងនាយការិយាល័យសន្តិសុខផ្ទៃក្នុង ។

ស្វាយរៀង៖ ព្រឹកថ្ងៃទី២១ ខែសីហា ឆ្នំា២០២៣ លោកវរសេនីយ៍ឯក ឡឹក ចំរើន មេបញ្ជាការរង តំណាងលោក ឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង បានអញ្ជើញដឹកប្រតិភូកងរាជអាវុធហត្ថខេត្ត ចូលរួមប្រជុំត្រួតពិនិត្យពង្រៀង របាយការណ៍ ការងារសហប្រតិបត្តិការ ការពារព្រំដែនរវាងកងទ័ពការពារព្រំដែនខេត្តតៃនិញ ប្រទេសវៀតណាម ជាមួយបញ្ជាការដ្ឋានកងរាជអាវុធហត្ថខេត្តស្វាយរៀង និងកំណត់ហេតុកិច្ចប្រជុំរវាងបញ្ជាការដ្ឋានកងរាជអាវុធហត្ថខេត្តស្វាយរៀង នៃព្រះរាជាណាចក្រកម្ពុជា ជាមួយបញ្ជាការដ្ឋានកងទ័ពការពារព្រំដែនខេត្តតៃនិញ នៃសាធារណរដ្ឋសង្គមនិយមវៀតណាម នៅប៉ុស្តិ៍កងទ័ពការពារព្រំដែន (ស្មាច់) ខេត្តតៃនិញនៃសាធារណៈរដ្ឋសង្គមនិយមវៀតណាម ។

កំពង់ស្ពឺ៖ នៅបញ្ជាការដ្ឋានកងរាជអាវុធហត្ថខេត្តកំពង់ស្ពឺ រសៀលថ្ងៃទី២១ ខែសីហា ឆ្នាំ២០២៣ លោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថ ខេត្តកំពង់ស្ពឺ បានដឹកនាំកិច្ចប្រជុំជួរបញ្ជាការ ដើម្បីត្រួតពិនិត្យការអនុវត្តតួនាទីភារកិច្ច។

បាត់ដំបង៖ ដោយបានការអនុញ្ញាតពីលោក ឧត្តមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្តបាត់ដំបង នៅថ្ងៃទី២១ ខែសីហា ឆ្នាំ២០២៣ លោកវរសេនីយ៍ទោ ជា សុវណ្ណារតន៍ នាយសេនាធិការ កងរាជអាវុធហត្ថខេត្ត បានអញ្ជើញដឹកនាំក្រុមការងារចុះត្រួតពិនិត្យការងារជំនាញ តាមបណ្ដាមូលដ្ឋានស្រុក រួមមានមូលដ្ឋានកងរាជអាវុធហត្ថស្រុកមោងឫស្សី ស្រុករុក្ខគិរី ស្រុកគាស់ក្រឡ ស្រុកបាណន់ និងស្រុកសង្កែ។

កំពង់ឆ្នាំង៖ នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ ស្ថិតនៅភូមិនច្រកូវ ឃុំពាម ស្រុកសាមគ្គីមានជ័យ ខេត្តកំពង់ឆ្នាំង ព្រឹកថៃ្ងចន្ទ ទី២១ ខែសីហា ឆ្នាំ២០២៣ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទមេបញ្ជាការកងរាជអាវុធហត្ថលើផ្ទៃប្រទេស អមដំណើរដោយលោក ឧត្តមសេនីយ៍ត្រី មាស សុវណ្ណ នាយកមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ និងប្រតិភូបានចុះត្រួតពិនិត្យហេដ្ឋារចនាសម្ព័ននៅក្នុងមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ និងការដ្ឋានស្ថាបនាផ្លូវឡើងទៅកាន់កំពូលភ្នំជុំសែនរីករាយ។

ភ្នំពេញ៖ ថ្ងៃចន្ទ ទី២១ ខែសីហា ឆ្នាំ២០២៣ នៅវិទ្យាស្ថានកងរាជអាវុធហត្ថ(កំបូល) បានប្រជុំត្រួតពិនិត្យ បូកសរុបរបាយការណ៍ការងារវិទ្យាស្ថាន ក្រោមអធិបតីភាពលោកឧត្ដមសេនីយ៍ទោ តាត ចន្ថា នាយកវិទ្យាស្ថានកងរាជអាវុធហត្ថ(កំបូល) ដោយមានសមាសភាពចូលរួម នាយលេខាធិការដ្ឋាន ប្រធានមន្ទីរទាំង៥ ប្រធានក្រុមស្រាវជ្រាវវិជ្ជាសាស្ត្រហ្វឹកហ្វឺន ប្រធានក្រុមយោធាចារ្យ ការិយាល័យហិរញ្ញវត្ថុ និងបុគ្គលិកដែលមានការពាក់ព័ន្ធ។

ព្រៃវែង៖ ព្រឹកថ្ងៃទី២១ ខែសីហា ឆ្នំា២០២៣ លោកវរសេនីយ៍ឯក កាន់ ទ្រី មេបញ្ជាការរង តំណាងលោក ឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង អញ្ជើញដឹកប្រតិភូកងរាជអាវុធហត្ថខេត្ត ចូលរួមប្រជុំត្រួតពិនិត្យពង្រៀង របាយការណ៍ ការងារសហប្រតិបត្តិការ ការពារព្រំដែនរវាងកងទ័ពការពារព្រំដែនខេត្តតៃនិញ ប្រទេសវៀតណាម ជាមួយបញ្ជាការដ្ឋានកងរាជអាវុធហត្ថខេត្តព្រៃវែង និងកំណត់ហេតុកិច្ចប្រជុំរវាងបញ្ជាការដ្ឋានកងរាជអាវុធហត្ថខេត្តព្រៃវែង នៃព្រះរាជាណាចក្រកម្ពុជា ជាមួយបញ្ជាការដ្ឋានកងទ័ពការពារព្រំដែនខេត្តតៃនិញ នៃសាធារណរដ្ឋសង្គមនិយមវៀតណាម នៅប៉ុស្តិ៍កងទ័ពការពារព្រំដែន (ស្មាច់) ខេត្តតៃនិញនៃសាធារណៈរដ្ឋសង្គមនិយមវៀតណាម ។

ព្រះសីហនុ៖ នៅបញ្ជាការដ្ឋាន កងរាជអាវុធហត្ថខេត្តព្រះសីហនុ ព្រឹកថ្ងៃចន្ទ ទី២១ ខែសីហា ឆ្នាំ២០២៣ នៅសាលប្រជុំបញ្ជាការដ្ឋានកងរាជអាវុធហត្ថខេត្តព្រះសីហនុ លោកវរសេនីយ៍ឯក ឆេង វុទ្ធី នាយសេនាធិការ កងរាជអាវុធហត្ថខេត្តព្រះសីហនុ បានដឹកនាំកិច្ចប្រជុំត្រួតពិនិត្យការអនុវត្តតួនាទី ភារកិច្ច និងការងារកងរាជអាវុធហត្ថខេត្ត។ សមាសភាពអញ្ជើញចូលរួមមានលោកនាយសេនាធិការរង ប្រធាន-អនុប្រធានមន្ទីរជំនាញទាំង០៧ នាយលេខាធិការដ្ឋាន នាយការិយាល័យចំណុះមន្ទីរទាំង០៧ លោកមេបញ្ជាការ កងអនុសេនាធំកងរាជអាវុធហត្ថចល័ត លោកនាយសេនាធិការ មូលដ្ឋានកងរាជអាវុធហត្ថក្រុងព្រះសីហនុ។

រតនគិរី៖​ ព្រឹកថ្ងៃទី២១ ខែសីហា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តរតនគីរី លោកឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្តរតនគីរី បានអញ្ជើញដឹកនាំប្រជុំពិភាក្សាការងារ យោធិនអាជីពដល់អាយុសោធននិវត្តន៍ឆ្នាំ២០២៤ ដែលមានចំនួន០៥ នាក់ ដោយមានការអញ្ជើញចូលរួមពីលោកមេបញ្ជាការរងទទួលការងារកសាងកម្លាំង ប្រធានមន្ទីរកសាងកម្លាំង នាយលេខាធិការដ្ឋាន នាយការិយាល័យបុគ្គលិក នាយការិយាល័យគោលនយោបាយ និងយោធិនដែលដល់អាយុចូលសោធននិវត្តន៍។