កណ្តាល៖ ព្រឹកថ្ងៃទី១១ ខែសីហា ឆ្នាំ២០២៣ លោក ឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្ត បានដឹកនាំប្រជុំជួរបញ្ជាការដើម្បីត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារកងរាជអាវុធហត្ថ ប្រចាំខែកក្កដា និងលើកទិសដៅផែនការសកម្មភាពការងារកងរាជអាវុធហត្ថ ប្រចាំខែសីហា ឆ្នាំ២០២៣ ព្រមទាំងបានពិភាក្សា ឆ្លង និងសម្រេចការងារសំខាន់ៗមួយចំនួនទៀតរបស់អង្គភាព នៅសាលប្រជុំទីបញ្ជាការ កងរាជអាវុធហត្ថខេត្ត៕

នៅមជ្ឈមណ្ឌលហ្វឹកហ្វឺនកងរាជអាវុធហត្ថ ភ្នំជុំសែនរីករាយ ព្រឹកថៃ្ងសៅរ៍ ទី១២ ខែសីហា ឆ្នាំ២០២៣ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងប្រតិភូបានចុះត្រួតពិនិត្យហេដ្ឋារចនាសម្ព័ននៅក្នុងមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ និងការដ្ឋានស្ថាបនាផ្លូវឡើងទៅកាន់កំពូលភ្នំជុំសែនរីករាយ។

តាកែវ៖ នៅបញ្ជាការដ្ឋានកងរាជអាវុធហត្ថខេត្តតាកែវ ព្រឹកថ្ងៃសុក្រ ទី១១ ខែសីហា ឆ្នាំ២០២៣ លោកវរសេនីយ៍ឯក ឈឹម សវ៉ាត់ឌី មេបញ្ជាការរង និងជានាយសេនាធិការតំណាងលោក ឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ បានប្រជុំត្រួតពិនិត្យការអនុវត្តតួនាទីភារកិច្ច កងរាជអាវុធហត្ថប្រចាំខែកក្កដា និងលើកទិសដៅខែសីហា ឆ្នាំ២០២៣ និងមានការចូលរួមពីនាយសេនាធិការរង ប្រធាន-អនុប្រធានមន្ទីរ នាយការិល័យ មេបញ្ជាការមូលដ្ឋានក្រុង -ស្រុក ស្នាក់ការគោលដៅ។

បាត់ដំបង៖ ព្រឹកថ្ងៃទី១១ ខែសីហា ឆ្នាំ២០២៣ លោកវរសេនីយ៍ទោ ជា សុវណ្ណារតន៍ នាយសេនាធិការ តំណាងលោក ឧត្តមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្តបាត់ដំបង បានអញ្ជើញដឹកនាំកិច្ចប្រជុំត្រួតពិនិត្យការអនុវត្ដន៍តួនាទី ភារកិច្ច និងកែតម្រូវរបាយការណ៍កងរាជអាវុធហត្ថប្រចាំខែសីហា និងលើកទិសដៅការងារខែកញ្ញា ឆ្នាំ២០២៣ ដោយមានការអញ្ជើញចូលរួម លោកនាយសេនាធិការរង លោកនាយរងលេខាធិការដ្ឋាន លោកប្រធានមន្ទីរទាំង៧ នាយការិយាល័យផែនការ និងមេបញ្ជាការ មូលដ្ឋានកងរាជអាវុធហត្ថក្រុង/ស្រុក។

ពោធិ៍សាត់៖ រសៀលថ្ងៃទី១០ ខែសីហា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តពោធិ៍សាត់ លោក វរសេនីយ៍ឯក ឌុច សម្ផស្ស នាយសេនាធិការ កងរាជអាវុធហត្ថខេត្តពោធិ៍សាត់ បានដឹកនាំប្រជុំឆ្លងរបាយការណ៍ កងរាជអាវុធហត្ថប្រចាំខែសីហា ទិសដៅការងារកងរាជអាវុធហត្ថខែកញ្ញា ឆ្នាំ២០២៣។

ភ្នំពេញ៖ ព្រឹកថ្ងៃទី១០ ខែសីហា ឆ្នាំ២០២៣ នៅសាលប្រជុំអគារទីចាត់ការនៃវិទ្យាស្ថានកងរាជអាវុធហត្ថ (កំបូល) បានស្វាគមន៍គណៈប្រតិភូសាលាជាតិគយ និងកម្មសិក្សាការី នៃវគ្គបណ្ដុះបណ្ដាលជំនាញគយ និងរដ្ឋាករកម្ពុជា ជំនាន់ទី១៨ ឆ្នាំ២០២៣ ក្រោមអធិបតីភាពលោក ឧត្តមសេនីយ៍ទោ តាត ចន្ថា នាយកវិទ្យាស្ថានកងរាជអាវុធហត្ថ(កំបូល) និងលោក ថោង សុខាំភូ នាយកសាលាជាតិគយ លោកឧត្តមសេនីយ៍ វរសេនីយ៍ នាយករង លេខាធិការដ្ឋាន ប្រធានក្រុមស្រាវជ្រាវវិទ្យាសាស្រ្តហ្វឹកហ្វឺន ប្រធានក្រុមយោធាចារ្យ ប្រធានមន្ទីរទាំង៥ គណៈប្រតិភូរបស់សាលាជាតិគយ និងកម្មសិក្សាការីសរុបមានចំនួន៨៥នាក់…

កណ្តាល៖ ព្រឹកថ្ងៃទី១០ ខែសីហា ឆ្នាំ២០២៣ លោក វរសេនីយ៍ឯក ច័ន្ទ សារ៉ាដែន មេបញ្ជាការរង កងរាជអាវុធហត្ថខេត្តកណ្តាល បានដឹកនាំប្រជុំផ្សព្វផ្សាយដល់យោធិនដល់អាយុសោធននិវត្តន៍ឆ្នាំ២០២៤ ឆ្នាំ២០២៣ចុះ នៃកងរាជអាវុធហត្ថកណ្តាល និងវាយតម្លៃជាក់ស្តែង នៅសាលប្រជុំទីបញ្ជាការខេត្ត។

កំពង់ធំ៖ ព្រឹកថ្ងៃពុធ ទី០៩ ខែសីហា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តកំពង់ធំ លោក ឧត្តមសេនីយ៍ មាស យ៉ត មេបញ្ជាការកងរាជអាវុធហត្ថខេត្តកំពង់ធំ បានដឹកនាំកម្លាំងកងរាជអាវុធហត្ថខេត្ត ចុះត្រួតពិនិត្យមើលទីតាំងទួលសុវត្ថិភាពទាំង៤កន្លែងស្ថិតនៅក្នុងភូមិសាស្ត្រស្រុកសណ្ដាន់ រួមមានទីទួលសុវត្ថិភាពវត្តឈើទាលស្ថិតនៅភូមិឈើទាល ឃុំឈើទាល,ទីទួលសុវត្ថិភាពទួលស្វាយស្ថិតនៅភូមិទួលស្វាយ ឃុំឈើទាល, ទីទួលសុវត្ថិភាពទួលគ្រោះស្ថិតនៅភូមិក្លែង ឃុំក្លែង, ទីទួលសុវត្ថិភាពវត្តអណ្ដូងព្រីងស្ថិតនៅភូមិអណ្ដូងព្រីង ឃុំឈើទាល ដើម្បីសម្រាប់ត្រៀមក្នុងការជម្លៀសប្រជាពលរដ្ឋពេលមានគ្រោះធម្មជាតិផ្សេងៗកើតឡើង ដូចជាគ្រោះមហន្តរាយជំនន់ទឹកភ្លៀងជាដើម។

រតនគិរី៖ រសៀលថ្ងៃទី០៨ ខែសីហា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តគិរី លោកឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្តរតនគិរី បានអញ្ជើញជួបសំណេះសំណាលជាមួយយោធិននៃកងរាជអាវុធហត្ថខេត្ត ដែលដល់អាយុចូលសោធននិវត្តន៍ឆ្នាំ២០២៣ ចំនួន ០៥នាក់។

តាកែវ៖ រសៀលថ្ងៃអង្គារ ទី០៨ ខែសីហា ឆ្នាំ២០២៣ លោក ឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ បានដឹកនាំកិច្ចប្រជុំជួរបញ្ជាការ ស្ដីពីការពង្រឹទៅលើការងារសន្តិសុខ សុវត្ថិភាពជូនប្រជាពលរដ្ឋពង្រឹងលើការងារល្បាតចល័តនៅក្នុងភូមិសាស្ត្រទូទាំងខេត្ត ដើម្បីបង្ការបង្រ្កាបនូវរាល់បទល្មើសឱ្យបានទាន់ពេលវេលា។ ជាពិសេសលោកឧត្ដមសេនីយ៍មេបញ្ជាការ បានដាក់បទបញ្ជាយ៉ាងម៉ឺងម៉ាត់ត្រូវ បង្រ្កាបក្មេងទំនើងដែលបង្កការអុកឡុកធ្វើឱ្យខូចសណ្តាប់ក្នុងសង្គមឱ្យខានតែបាន និងបានប្រជុំត្រួតពិនិត្យការអនុវត្តតួនាទីភារកិច្ចក្នុងអង្គភាព។