មណ្ឌលគិរី៖ ព្រឹកថ្ងៃទី១៥ ខែមករា ឆ្នាំ២០២៣ មន្ត្រីអាវុធហត្ថខេត្តមណ្ឌលគិរី ដឹកនាំដោយលោក វរសេនីយ៍ឯក ទុំ សួន មេបញ្ជាការរងកងរាជអាវុធហត្ថខេត្ត បានសំណេះសំណាលសួរសុខទុក្ខ និងជូនពរដល់យោធាខេត្តប៊ិញហ្វឿក នៅបញ្ជាការដ្ឋានយោធាខេត្តប៊ិញហ្វឿក ក្នុងឱកាសពិធីបុណ្យចូលឆ្នាំប្រពៃណីវៀតណាម និងមានជូនវត្ថុអនុស្សាវរីយ៍ប្រកបដោយសាមគ្គីភាព និងភាពស្និតស្នាលផងដែរ។

ក្រចេះ៖ នៅវេលាម៉ោង ១១:០០នាទី ថ្ងៃទី១៥ ខែមករា ឆ្នាំ២០២៣ កម្លាំងកងរាជអាវុធហត្ថខេត្តក្រចេះ ដឹកនាំដោយលោក វរសេនីយ៍ឯក ម៉ៅ រ៉ាន្នី មេបញ្ជាការរង និងជានាយសេនាធិការ តំណាងលោក ឧត្តមសេនីយ៍ត្រី មេបញ្ជាការ កងរាជអាវុធហត្ថខេត្តក្រចេះ ចូលរួមអបអរសាទរ និងជូនពរបុណ្យចូលឆ្នាំថ្មីប្រពៃណីជនជាតិវៀតណាម នៅបញ្ជាការដ្ឋានយោធា ខេត្តប៊ិញភឿក នៃសាធារណៈរដ្ឋសង្គមនិយមវៀតណាម ។

ល្ងាចថ្ងៃទី០៨ ខែមករា ឆ្នាំ២០២៣ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន និង ឯកឧត្តម នាយឧត្តមសេនីយ៍ សៅ សុខា ព្រមទាំងប្រតិភូអមដំណើរបានអញ្ជើញជូនពរឆ្នាំថ្មីប្រពៃណីជាតិវៀតណាមដែលនឹងមកដល់ក្នុងពេលឆាប់ៗខាងមុខនេះ និងជួបពិភាក្សាការងារជាមួយ ឯកឧត្តម ទូ ឡាំ រដ្ឋមន្ត្រីក្រសួងនគរបាលវៀតណាម នៅទីក្រុងហាណូយ ប្រទេសវៀតណាម។

ព្រឹកថ្ងៃសុក្រ ទី០៦ ខែមករា  ឆ្នាំ២០២៣ លោក ឧត្តមសេនីយ៍ឯក សេង សុង មេបញ្ជាការរង តំណាងលោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស បានដឹកនាំប្រតិភូកងរាជអាវុធហត្ថអញ្ជើញចូលរួមជួបជុំមិត្តភាព និងជូនពរឆ្នាំថ្មីប្រពៃណីជាតិវៀតណាម ដល់ លេខាបក្សខេត្តតៃនិញ រណសិរ្យបក្សខេត្តតៃនិញ គណៈកម្មការបក្សខេត្តតៃនិញ នគរបាលខេត្តតៃនិញ បញ្ជាការដ្ឋានយោធាខេត្តតៃនិញ និងបញ្ជាការដ្ឋានកងព័ទការពារព្រំដែនខេត្តតៃនិញ៕