ស្វាយរៀង៖ ព្រឹកថ្ងៃសៅរ៍ ទី១៩ ខែសីហា ឆ្នាំ២០២៣ ឯកឧត្តម សៅ សុខា សមាជិកគណៈអចិន្ត្រៃយ៍គណៈកម្មាធិការកណ្តាល អនុប្រធានក្រុមការងារចុះជួយខេត្តស្វាយរៀងនិងជាប្រធានក្រុមការងារចុះមូលដ្ឋានស្រុករមាសហែក បានអញ្ជើញចុះពិនិត្យទីលានបាល់ទាត់ស្រុករមាសហែក និងដាក់ចេញផែនការសម្រាប់មជ្ឈមណ្ឌលកីឡានិង ក្លិបយុវជន។

សៀមរាប៖ នៅបញ្ជាការដ្ឋានកងរាជអាវុធហត្ថខេត្តសៀមរាប ព្រឹកថ្ងៃពុធ ទី១៦ ខែសីហា ឆ្នាំ២០២៣ លោកឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុធហត្ថខេត្តសៀមរាប បានដឹកនាំប្រជុំវាយតម្លៃយោធិននៃកងរាជអាវុធហត្ថដល់អយុចូលសោធននិវត្តន៍។

ភ្នំពេញ៖ នៅព្រឹកថ្ងៃទី១៨ ខែសីហា ឆ្នាំ២០២៣ នៅអគារសេនាធិការដ្ឋាននៃបញ្ជាការដ្ឋានកងរាជអាវុធហត្ថលើផ្ទៃប្រទេស លោកឧត្តមសេនីយ៍ឯក ភួង ស៊ីភិន មេបញ្ជាការរងកងរាជអាវុធហត្ថលើផ្ទៃប្រទេស បានដឹកនាំកិច្ចប្រជុំត្រៀមរបាយការណ៍បិទបញ្ចប់ការសាងសង់ទីលានបាញ់គ្រាប់ពិតនៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ។

កណ្តាល៖ ព្រឹកថ្ងៃទី១៦ ខែសីហា ឆ្នាំ២០២៣ នៅសាលប្រជុំទីបញ្ជាការកងរាជអាវុធហត្ថខេត្តកណ្តាល លោក វរសេនីយ៍ទោ កែវ សំណាង នាយសេនាធិការ កងរាជអាវុធហត្ថខេត្ត បានដឹកនាំប្រជុំត្រៀមអន្តរាគមន៍ការពារសន្តិសុខ សុវត្ថិភាព និងរក្សាសណ្តាប់ធ្នាប់ជូនប្រជាពលរដ្ឋ និងជួយសង្គ្រោះគ្រោះមហន្តរាយផ្សេងៗ ដែលអាចកើតមានឡើង ជាយថាហេតុណាមួយក្នុងភូមិសាស្ត្រ ខេត្តកណ្តាល និងផ្សព្វផ្សាយការងារផ្សេងៗមួយចំនួនទៀតរបស់អង្គភាព។

កែប៖ នៅបញ្ជាការដ្ឋានកងរាជអាវុធហត្ថខេត្តកែប ព្រឹកថ្ងៃទី១៦ ខែសីហា ឆ្នាំ២០២៣ លោក វរសេនីយ៍ត្រីត្រី មៀច ប៊ុនថា នាយសេនាធិការ កងរាជអាវុធហត្ថខេត្តកែប ប្រជុំជួរត្រួតពិនិត្យកម្លាំង ដើម្បីត្រៀមអន្តរាគមន៍រងចាំអនុវត្តបទបញ្ជា។

សៀមរាប៖ នៅបញ្ជាការដ្ឋានកងរាជអាវុធហត្ថខេត្តសៀមរាប ព្រឹកថ្ងៃអង្គារ ទី១៥ ខែសីហា ឆ្នាំ២០២៣ លោក វរសេនីយ៍ឯក ស៊ូ កណ្ឋារដ្ឋ មេបញ្ជាការរងទទួលការងារកសាងកម្លាំង និងក្រុមការងារចូលសោធននិវត្តន៍ខេត្តសៀមរាប បានផ្សព្វផ្សាយការត្រៀមលក្ខណសម្បត្តិ និងលក្ខខណ្ឌកំណត់ចំពោះយោធិននៃកងរាជអាវុធហត្ថដល់អាយុចូលសោធននិវត្ត៍ ដល់នាយទាហាន នាយទាហានរង ចំនួន ៩០នាក់។

បាត់ដំបង៖ រសៀលថ្ងៃទី១៤ ខែសីហា ឆ្នាំ២០២៣ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស អមដំណើរដោយលោក លោក ឧត្តមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្តបាត់ដំបង បានអញ្ជើញចុះពិនិត្យទីតាំងដីសម្រាប់សាងសង់អគារទីបញ្ជាការកងរាជអាវុធហត្ថខេត្ដបាត់ដំបងថ្មី ដែលក្រសួងរៀបចំដែនដីនគរូបនីយកម្ម  សំណង់សុរិយោដី និងក្រសួងក្រសួងកសិកម្ម រុក្ខាប្រមាញ់ និងនេសាទទើបតែកាត់ឱ្យបញ្ជាការដ្ឋានកងរាជអាវុធហត្ថខេត្តបាត់ដំបង ស្ថិតនៅភូមិច្រាបក្រសាំង សង្កាត់វត្ដគរ ក្រុងបាត់ដំបង ខេត្ដបាត់ដំបង។

ក្រចេះ៖ នៅបញ្ជាការដ្ឋាន កងរាជអាវុធហត្ថខេត្តក្រចេះ ព្រឹកថ្ងៃទី១៤ ខែសីហា ឆ្នាំ២០២៣ បានរៀបចំកិច្ចប្រជុំត្រួតពិនិត្យ និងកែលើរបាយការណ៍ការអនុវត្តតួនាទី ភារកិច្ច ការងាកងងរាអាវុធហត្ថប្រចាំខែសីហា និងទិសដៅងារការខែកញ្ញា ឆ្នាំ២០២៣ ក្រោមអធិបតីភាព លោកវរសេនីយ៍ឯក ម៉ៅ រ៉ាន្នី មេញ្ជាការរង និងជានាយសេនាធិការ កងរាជអាវុធហត្ថខេត្តក្រចេះ និងមានការអញ្ជើញចូលរួមពីលោក មេបញ្ជាការរង ទទួលជំនាញ  ប្រធាន-អនុប្រធានមន្ទីរ នាយការិយាល័យដែលមានការពាក់ព័ន្ធ មេបញ្ជាការ មេបញ្ជាការរងមូលដ្ឋាន កងរាជអាវុធហត្ថក្រុង-ស្រុក។

កំពង់ធំ៖ ព្រឹកថ្ងៃចន្ទ ទី១៤ ខែ សីហា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តកំពង់ធំ លោកវរសេនីយ៍ឯក ប៊ុន ឃី នាយសេនាធិការ កងរាជអាវុធហត្ថខេត្តកំពង់ធំ បានដឹកនាំប្រជុំផ្សព្វផ្សាយរបាយការណ៍ត្រួតពិនិត្យ ការអនុវត្តតួនាទី ភារកិច្ចកងរាជអាវុធហត្ថខែសីហា ទិសដៅខែកញ្ញា ឆ្នាំ២០២៣ ដោយមានសមាសភាពចូលរូម នាយសេធិការរង ប្រធានមន្ទីរ នាយការិយាល័យ និងមេបញ្ជាការមូលដ្ឋាន ក្រុង/ស្រុកទាំង៩។

ស្ទឹងត្រែង៖ ព្រឹកថ្ងៃទី១៤ ខែសីហា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តស្ទឹងត្រែង លោក វរសេនីយ៍ឯក ឈាត វាសនា មេបញ្ជាការរង និងជានាយសេនាធិការ កងរាជអាវុធហត្ថខេត្តស្ទឹងត្រែង បានដឹកនាំប្រជុំត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារកងរាជអាវុធហត្ថប្រចាំខែសីហា និងទិសដៅការងារខែកញ្ញា ឆ្នាំ ២០២៣ ដោយមានសមាសភាពចូលរួម មេបញ្ជាការរង ប្រធានមន្ទីរ នាយការិយាល័យ ជំនួយការ។