កណ្តាល៖ រសៀលថ្ងៃទី១១ ខែសីហា ឆ្នាំ២០២៣ លោក វរសេនីយ៍ទោ កែវ សំណាង នាយសេនាធិការ កងរាជអាវុធហត្ថខេត្តកណ្តាល បានដឹកនាំនាយសេនាធិការរង ប្រធានមន្ទីរ និងនាយការិយាល័យប្រជុំពិភាក្សាផ្សព្វផ្សាយរៀបចំកន្លែងសម្រាប់ធ្វើការងារតាមបណ្តាមន្ទីរ-ការិយាល័យ និងប្រជុំត្រួតពិនិត្យកែតម្រូវរបាយការណ៍ប្រចាំខែសីហា ទិសដៅខែកញ្ញា ឆ្នាំ២០២៣ ព្រមទាំងផ្សព្វផ្សាយណែនាំការងារផ្សេងៗមួយចំនួនទៀតរបស់អង្គភាព នៅសាលប្រជុំទីបញ្ជាការកងរាជអាវុធហត្ថខេត្តកណ្តាល ៕

នៅបញ្ជាការដ្ឋានកងរាជអាវុធហត្ថខេត្តរតនគិរី ព្រឹកថ្ងៃទី១១ ខែសីហា ឆ្នាំ២០២៣ លោកឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្ត បានអញ្ជើញជាអធិបតីក្នុងពិធីប្រជុំត្រួតពិនិត្យការអនុវត្តតួនាទី ភារកិច្ចប្រចាំខែកក្កដា និងទិសដៅផែនការសកម្មភាពការងារកងរាជអាវុធហត្ថខេត្តរតនគិរី ខែសីហា ឆ្នាំ២០២៣ និងប្រគល់ជូនប័ណ្ណសរសើរ លិខិតសរសើរ របស់អគ្គបញ្ជាការនៃកងយោធពលខេមរភូមិន្ទ ជូនដល់អង្គភាព និងបុគ្គលដែលមានស្នាដៃឆ្នើមក្នុងការងារប្រឡងប្រណាំង ឆ្នាំ២០២២។ ក្នុងនោះដែរ លោកឧត្តមសេនីយ៍ មេបញ្ជាការ បានលើកឡើងក្នុងអង្គប្រជុំថា: ការទទួលបានប័ណ្ណសរសើរ និងលិខិតសរសើរ នាពេលនេះគឺស្ដែងចេញពីការយកចិត្តទុកដាក់ពីសំណាក់មេបញ្ជាការអង្គភាពផ្ទាល់ ក៏ដូចជាការយកចិត្តទុកដាក់ពីសំណាក់ ឯកឧត្តម នាយឧត្តមសេនីយ៍ អគ្គមេបញ្ជាការរង…

កោះកុង៖ នៅថ្ងៃអង្គារ ទី១៥ ខែសីហា ឆ្នាំ២០២៣ នៅបន្ទប់ប្រជុំនាយសេនាធិការ បញ្ជាការដ្ឋានកងរាជអាវុធហត្ថខេត្តកោះកុង បានបើកកិច្ចប្រជុំត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារកងរាជអាវុធហត្ថក្រោមការដឹកនាំលោកវរសេនីយ៍ទោ ម៉ាន់ ដាវីត នាយសេនាធិការ កងរាជអាវុធហត្ថខេត្តកោះកុង ដោយមានការចូលរួមពីនាយសេនាធិការរង ប្រធានមន្ទីរ នាយលេខាធិការ នាយការិយាល័យ មេបញ្ជាការមូលដ្ឋានក្រុង/ស្រុក ស្នាក់ការសន្តិសុខ និងក្រុមជំនួយការ។

ភ្នំពេញ៖ រសៀលថ្ងៃទី១៧ ខែសីហា ឆ្នាំ២០២៣ នៅអគារសេនាធិការដ្ឋាន នៃបញ្ជាការដ្ឋានកងរាជអាវុធហត្ថលើផ្ទៃប្រទេស លោកឧត្តមសេនីយ៍ឯក ស៊ិន សូផាន្នី មេបញ្ជាការរង ប្រធានផែនការងារកសាងកម្លាំង និងទំនាក់ទំនងកិច្ចការសាធារណៈ កងរាជអាវុធហត្ថលើផ្ទៃប្រទេស បានដឹកនាំកិច្ចប្រជុំត្រៀមលក្ខណៈបំប៉នជំនាញកសាងកម្លាំងឆ្នាំ២០២៣ ដែលមានសមាសភាពចូលរួមលោកឧត្តមសេនីយ៍ ស្នងការ-ស្នងការរង, វរសេនីយ៍នាយ-នាយរងការិយាល័យ នៃស្នងការដ្ឋានកសាងកម្លាំង និងនាយអាវុធហត្ថដែលមានការពាក់ព័ន្ធ៕

កំពង់ចាម៖ នៅបញ្ជាការដ្ឋានកងរាជអាវុធហត្ថខេត្តកំពង់ចាម ព្រឹកថ្ងៃទី១១ ខែសីហា ឆ្នាំ២០២៣ នៅបញ្ជាការដ្ឋានកងរាជអាវុធហត្ថ ខេត្តកំពង់ លោកវរសេនីយ៍ឯក ម៉ែន ប៊ុណ្ណារិត មេបញ្ជាការរង ទទួលការងារស្រាវជ្រាវ និងបង្រ្កាបបទល្មើស បានដឹកនាំប្រជុំត្រួតពិនិត្យលទ្ធផលការងារស្រាវជ្រាវ និងបង្រ្កាបបទល្មើសប្រចាំឆមាសទី១ ឆ្នាំ២០២៣ និងដាក់ទិសដៅបន្ត ។

ភ្នំពេញ៖ នៅវិទ្យាស្ថានកងរាជអាវុធហត្ថ(កំបូល) ព្រឹកថ្ងៃសុក្រ ទី១១ ខែ សីហា ឆ្នាំ២០២៣ នៅសាលប្រជុំវិទ្យាស្ថានកងរាជអាវុធហត្ថ(កំបូល) បានប្រជុំត្រួតពិនិត្យ បូកសរុបរបាយការណ៍ការងារ ក្រោមអធិបតីភាពលោកឧត្ដមសេនីយ៍ទោ តាត ចន្ថា នាយកវិទ្យាស្ថានកងរាជអាវុធហត្ថ(កំបូល) ដោយមានសមាសភាពចូលរួម នាយលេខាធិការដ្ឋាន ប្រធានមន្ទីរទាំង៥ ប្រធានក្រុមស្រាវជ្រាវវិជ្ជាសាស្ត្រហ្វឹកហ្វឺន ប្រធានក្រុមយោធាចារ្យ ការិយាល័យហិរញ្ញវត្ថុ និងបុគ្គលិកដែលមានការពាក់ព័ន្ធ។

កំពង់ស្ពឺ៖ ព្រឹកថ្ងៃទី១១ ខែសីហា ឆ្នាំ២០២៣ លោក ឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ និងលោក ព្រាប កុយវឌ្ឍនៈ អភិបាលនៃគណអភិបាលក្រុងឧដុង្គម៉ែជ័យ បានអញ្ជើញក្នុងពិធីប្រកាសតែងតាំងផ្លាស់ប្តូរមុខតំណែងមេបញ្ជាការ មេបញ្ជាការរង និងនាយសេនាធិការមូលដ្ឋានកងរាជអាវុធហត្ថក្រុងឧដុង្គម៉ែជ័យ នៅសាលាក្រុងឧដុង្គម៉ែជ័យ ស្ថិតនៅភូមិក្រឡាញ់ សង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺ ។

កណ្តាល៖ ព្រឹកថ្ងៃទី១១ ខែសីហា ឆ្នាំ២០២៣ លោក ឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្ត បានដឹកនាំប្រជុំជួរបញ្ជាការដើម្បីត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារកងរាជអាវុធហត្ថ ប្រចាំខែកក្កដា និងលើកទិសដៅផែនការសកម្មភាពការងារកងរាជអាវុធហត្ថ ប្រចាំខែសីហា ឆ្នាំ២០២៣ ព្រមទាំងបានពិភាក្សា ឆ្លង និងសម្រេចការងារសំខាន់ៗមួយចំនួនទៀតរបស់អង្គភាព នៅសាលប្រជុំទីបញ្ជាការ កងរាជអាវុធហត្ថខេត្ត៕

នៅមជ្ឈមណ្ឌលហ្វឹកហ្វឺនកងរាជអាវុធហត្ថ ភ្នំជុំសែនរីករាយ ព្រឹកថៃ្ងសៅរ៍ ទី១២ ខែសីហា ឆ្នាំ២០២៣ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងប្រតិភូបានចុះត្រួតពិនិត្យហេដ្ឋារចនាសម្ព័ននៅក្នុងមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ និងការដ្ឋានស្ថាបនាផ្លូវឡើងទៅកាន់កំពូលភ្នំជុំសែនរីករាយ។

តាកែវ៖ នៅបញ្ជាការដ្ឋានកងរាជអាវុធហត្ថខេត្តតាកែវ ព្រឹកថ្ងៃសុក្រ ទី១១ ខែសីហា ឆ្នាំ២០២៣ លោកវរសេនីយ៍ឯក ឈឹម សវ៉ាត់ឌី មេបញ្ជាការរង និងជានាយសេនាធិការតំណាងលោក ឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ បានប្រជុំត្រួតពិនិត្យការអនុវត្តតួនាទីភារកិច្ច កងរាជអាវុធហត្ថប្រចាំខែកក្កដា និងលើកទិសដៅខែសីហា ឆ្នាំ២០២៣ និងមានការចូលរួមពីនាយសេនាធិការរង ប្រធាន-អនុប្រធានមន្ទីរ នាយការិល័យ មេបញ្ជាការមូលដ្ឋានក្រុង -ស្រុក ស្នាក់ការគោលដៅ។