កណ្តាល៖ យប់ថ្ងៃទី១៨ ខែសីហា ឆ្នាំ២០២១ លោកវរសេនីយ៍ឯក ពក សាង មេបញ្ជាការរង កងរាជអាវុធហត្ថខេត្ត បានអញ្ជើញដឹកនាំកម្លាំងចុះល្បាតចល័ត និងឈរជើងតាមគោលដៅ ក្នុងភូមិសាស្ត្រក្រុងតាខ្មៅ ដោយសហការជាមួយកម្លាំងនគរបាលខេត្ត ចុះអនុវត្តសេចក្ដីសម្រេចរបស់រដ្ឋបាលខេត្តកណ្ដាលស្ដីពីការដាក់ចេញនូវវិធានការរដ្ឋបាលសម្រាប់រយៈពេល១៤ថ្ងៃ ដើម្បីប្រយុទ្ធប្រឆាំង និងទប់ស្កាត់ការឆ្លងរាលដាលនៃជំងឺកូវីដ-១៩។ ក្នុងនោះក៏បានណែនាំដល់បងប្អូនប្រជាពលរដ្ឋដែលធ្វើដំណើតាមដងផ្លូវ ឲ្យចូលរួមសហការទប់ស្កាត់ និងអនុវត្តតាមការណែនាំរបស់រាជរដ្ឋាភិបាល និងក្រសួងសុខាភិបាល ៣កុំ ៣ការពារ ផងដែរ។

ស្វាយរៀង៖ ក្រោមការដឹកនាំបញ្ជាផ្ទាល់ពី លោកឧត្តមសេនីយ៍ត្រី សែ វុទ្ធី មេបញ្ជាការ  កងរាជអាវុធហត្ថខេត្ត កម្លាំងកងរាជអាវុធហត្ថខេត្ត និងក្រុង/ស្រុកបានរួមសហការជាមួយកម្លាំងក្រុមចំរុះ អនុវត្តវិធានការរដ្ឋបាលសាលាខេត្ត និងបម្រាមគោចរដោយចេញល្បាតត្រួតពិនិត្យតាមគោលដៅ ក្នុងភូមិសាស្រ្តក្នុងអំឡុងពេលដាក់បម្រាមគោចរដោយផ្អាកជាបណ្តោះអាសន្ននូវរាល់ការធ្វើចរាចរណ៍ និងរាល់សកម្មភាពការងារ មុខរបរឬអាជីវកម្មផ្សេងៗ នៅចន្លោះម៉ោង ២១:០០នាទី ដល់ម៉ោង ៣:០០នាទី។ គូសបញ្ជាក់ថាប្រជាពលរដ្ឋចំនួន៩៩% ក្នុងខេត្តស្វាយរៀងបានចូលរួមគោរពនូវវិធានការរដ្ឋបាលខេត្តដើម្បីកាត់ផ្តាក់ការឆ្លងសហគមន៍នៃជំងឺកូវីដ.១៩។

ត្បូងឃ្មុំ៖ យប់ថ្ងៃទី១៨ ខែសីហា ឆ្នាំ២០២១ កម្លាំងអាវុធហត្ថខេត្តត្បូងឃ្មុំ សហការចុះអនុវត្តវិធានការរបស់រដ្ឋបាលសាលាខេត្ត នៅតាមភូមិសាស្ត្រមួយចំនួន។

ស្វាយរៀង៖ ព្រឹកថ្ងៃពុធ ទី១៨ ខែសីហា ឆ្នាំ២០២១ នៅបញ្ជាការដ្ឋាន កងរាជអាវុធហត្ថខេត្តស្វាយរៀង លោកឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង បានអញ្ជើញដឹកនាំដំណើរការចាក់វ៉ាក់សាំងបង្ការជំងឺកូវីដ-១៩ ដូសទី៣ ជូនយោធិន និងគ្រួសារយោធិននៃកងរាជអាវុធហត្ថ។

រតនគិរី៖ នៅព្រឹកថ្ងៃពុធ ទី១៨ ខែសីហា ឆ្នាំ២០២១ លោកវរសេនីយ៍ត្រី ហាក់ ប៊ុន្នី មេបញ្ជាការ មូលដ្ឋានកងរាជអាវុធហត្ថស្រុកអណ្តូងមាស បានដឹកនាំកម្លាំងអាវុធហត្ថស្រុក ចុះណែនាំប្រជាពលរដ្ឋ និងចែកសេចក្ដីសម្រេច ស្តីពីការបិទខ្ទប់ជាបណ្តោះអាសន្ន នូវទីតាំងចំនួន១៣កន្លែង នៅស្រុកអណ្ដូងមាស ខេត្តរតនគីរី។

តាកែវ៖ យប់ថ្ងៃទី១៧ ខែ សីហា ឆ្នាំ២០២១ កម្លាំងអាវុធហត្ថខេត្តតាកែវ សហការជាមួយកម្លាំងចម្រុះ អនុវត្តវិធានការបិទខ្ទប់របស់រាជរដ្ឋាភិបាល នៅតាមគោលដៅមួយចំនួន នៅព្រំប្រទល់ពីខេត្តមួយទៅខេត្តមួយ និងច្រកព្រំដែន។

កណ្តាល៖ យប់ថ្ងៃទី១៧ ខែសីហា ឆ្នាំ២០២១ លោកវរសេនីយ៍ឯក ពក សាង មេបញ្ជាការរង កងរាជអាវុធហត្ថខេត្ត បានអញ្ជើញដឹកនាំកម្លាំងចុះល្បាតចល័ត និងឈរជើងតាមគោលដៅ ក្នុងភូមិសាស្ត្រក្រុងតាខ្មៅ ដោយសហការជាមួយកម្លាំងនគរបាលខេត្ត ចុះអនុវត្តសេចក្ដីសម្រេចរបស់រដ្ឋបាលខេត្តកណ្ដាលស្ដីពីការដាក់ចេញនូវវិធានការរដ្ឋបាលសម្រាប់រយៈពេល១៤ថ្ងៃ ដើម្បីប្រយុទ្ធប្រឆាំង និងទប់ស្កាត់ការឆ្លងរាលដាលនៃជំងឺកូវីដ-១៩។ ក្នុងនោះក៏បានណែនាំដល់បងប្អូនប្រជាពលរដ្ឋដែលធ្វើដំណើតាមដងផ្លូវ ឲ្យចូលរួមសហការទប់ស្កាត់ និងអនុវត្តតាមការណែនាំរបស់រាជរដ្ឋាភិបាល និងក្រសួងសុខាភិបាល ៣កុំ ៣ការពារ ផងដែរ។

មណ្ឌលគិរី៖ យប់ថ្ងៃទី១៧ ខែសីហា ឆ្នាំ២០២១ កម្លាំងកងរាជអាវុធហត្ថខេត្តមណ្ឌលគិរី ដឹកនាំដោយ លោកវរសេនីយ៍ទោ រស់ ដាវី នាយរងសេនាធិការ បានចេញល្បាតអប់រំប្រជាពលរដ្ឋឱ្យអនុវត្តវិធានការច្បាប់ទប់ស្កាត់ការរីករាលដាលនៃជំងឺ.១៩ ក្នុងភូមិសាស្រ្តក្រុងសែនមនោរម្យខេត្តមណ្ឌលគិរី៕

ជុំរីករាយ៖ នៅថៃ្ងទី១៧ ខែសីហា ឆ្នាំ២០២១ ក្រុមគ្រូពេលនៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំរីករាយ ស្រុកសាមគ្គីមានជ័យ ខេត្តកំពង់ឆ្នាំង បានបន្តដំណើរការយកសំណាកធ្វើតេស្តរហ័ស និងចាក់វ៉ាក់សាំងបង្ការជំងឺកូវីដ-១៩ ដូសទី៣ ជូនគ្រួសារយោធិននៃកងរាជអាវុធហត្ថ នៅមជ្ឈមមណ្ឌលហ្វឹកហ្វឺនកងរាជអាវុធហត្ថ(ភ្នំជុំរីករាយ)។

កំពង់ធំ៖ នៅថ្ងៃអង្គារ ទី១៧ ខែសីហា ឆ្នាំ២០២១ កម្លាំងកងរាជអាវុធហត្ថខេត្តកំពង់ធំ ដឹកនាំដោយ លោកឧត្តមសេនីយ៍ត្រី ហង្ស ថុល មេបញ្ជាការ កងរាជអាវុធហត្ថខេត្តកំពង់ធំ ចុះយកសំណាកជូនកម្មកធ្វើការនៅតំបន់អូរសំពូចភូមិថ្មសំលៀង ឃុំក្រយា ស្រុកសន្ទុក ខេត្តកំពង់ធំ។