ស្ទឹងត្រែង៖ នៅយប់ថ្ងៃទី១៧ ខែសីហា ឆ្នាំ២០២១ លោកឧត្តមសេនីយ៍ត្រី អៀង វ៉ាន់ឌី មេបញ្ជាការ កងរាជអាវុធហត្ថខេត្តស្ទឹងត្រែង បានដឹកនាំកម្លាំងចុះផ្សព្វផ្សាយដល់ ប្រជាពលរដ្ឋក្នុងភូមិសាស្រ្ត ក្រុងស្ទឹងត្រែងឱ្យយល់ជ្រួតជ្រាបនូវសេចក្ដីសម្រេចបិទខ្ទប់ជាបណ្ដោះអាសន្នភូមិសាស្រ្តក្រុងស្ទឹងត្រែង របស់រដ្ឋបាលសាលាខេត្តស្ទឹងត្រែង ដើម្បីទប់ស្កាត់ការឆ្លងរីករាលដាលក្នុងសហគមន៍នៃជំងឺកូវីដ-១៩ បំប្លែងថ្មី Delta។

កែប៖ ព្រឹកថ្ងៃទី១៧ ខែសីហា ឆ្នាំ២០២១ នៅបញ្ជាការដ្ឋាន កងរាជអាវុធហត្ថខេត្តកែប បានរៀបចំពិធីចាក់វ៉ាក់សាំងបង្ការជំងឺកូវីដ.១៩ ដូសទី៣ (astrasinoka) ដែលជាងវ៉ាក់សាំងដុះជំរុញ ជូនដល់នាយទាហាន   នាយទាហានរងនៃកងរាជអាវុធហត្ថខេត្តកែប និងគ្រួសារ។

តាកែវ៖ ព្រឹកថ្ងៃអង្គារ ទី១៧ ខែសីហា ឆ្នាំ២០២១ នៅបញ្ជាការដ្ឋាន កងរាជអាវុធហត្ថខេត្តតាកែវ បានដំណើរការចាក់វ៉ាក់សាំងបង្ការជំងឺកូវីដ-១៩ ដូសទី៣ ជូនយោធិន និងគ្រួសារយោធិននៃកងរាជអាវុធហត្ថ។

កណ្តាល៖ យប់ថ្ងៃទី១៦ ខែសីហា ឆ្នាំ២០២១ លោកវរសេនីយ៍ឯក ពក សាង មេបញ្ជាការរង កងរាជអាវុធហត្ថខេត្ត បានអញ្ជើញដឹកនាំកម្លាំងចុះល្បាតចល័ត និងឈរជើងតាមគោលដៅ ក្នុងភូមិសាស្ត្រក្រុងតាខ្មៅ ដោយសហការជាមួយកម្លាំងនគរបាលខេត្ត ចុះអនុវត្តសេចក្ដីសម្រេចរបស់រដ្ឋបាលខេត្តកណ្ដាលស្ដីពីការដាក់ចេញនូវវិធានការរដ្ឋបាលសម្រាប់រយៈពេល១៤ថ្ងៃ ដើម្បីប្រយុទ្ធប្រឆាំង និងទប់ស្កាត់ការឆ្លងរាលដាលនៃជំងឺកូវីដ-១៩។ ក្នុងនោះក៏បានណែនាំដល់បងប្អូនប្រជាពលរដ្ឋដែលធ្វើដំណើតាមដងផ្លូវ ឲ្យចូលរួមសហការទប់ស្កាត់ និងអនុវត្តតាមការណែនាំរបស់រាជរដ្ឋាភិបាល និងក្រសួងសុខាភិបាល ៣កុំ ៣ការពារ ផងដែរ។

ត្បូងឃ្មុំ៖ យប់ថ្ងៃទី១៦ ខែសីហា ឆ្នាំ២០២១ កម្លាំងអាវុធហត្ថខេត្តត្បូងឃ្មុំ សហការចុះអនុវត្តបម្រាមគោចរ នៅក្នុងភូមិសាស្ត្រ។

ភ្នំជុំរីករាយ៖ មជ្ឈមណ្ឌលហ្វឹកហ្វឺនកងរាជអាវុធហត្ថ(ភ្នំជុំរីករាយ)នៅថៃ្ងទី១៦ ខែសីហា ឆ្នាំ២០២១ ក្រោមការដឹកនាំលោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស បានបន្តដំណើរការយកសំណាកធ្វើតេស្តរហ័ស និងចាក់វ៉ាក់សាំងបង្ការជំងឺកូវីដ-១៩ ដូសទី៣ ជូនគ្រួសារយោធិននៃកងរាជអាវុធហត្ថ នៅមជ្ឈមមណ្ឌលហ្វឹកហ្វឺនកងរាជអាវុធហត្ថ(ភ្នំជុំរីករាយ)។

រតនគិរី៖ នៅព្រឹកថ្ងៃចន្ទ ទី១៦ ខែសីហា ឆ្នាំ២០២១ លោកអនុសេនីយ៍ទោ ជា គឹមរដ្ឋា មេបញ្ជាការរងមូលដ្ឋានអាវុធហត្ថស្រុកកូនមុំ បានជួយសង្គ្រោះជនរងគ្រោះដោយគ្រោះថ្នាក់ចរាចរណ៍ នៅលើផ្លូវជាតិ៧៨Aចំណុចភូមិឡាអិន ឃុំតឺន ស្រុកកូនមំ ករណីនេះបណ្តាលឲ្យរងរបួសមនុស្សចំនួន ០២ នាក់៖ ១-ឈ្មោះ លែន លីន ភេទប្រុស អាយុ ៤០ឆ្នាំ មានទីលំនៅភូមិប៉ាជន់ធំ ឃុំឯកភាព ស្រុកអូរជុំ បើកបរម៉ូតូម៉ាកវ៉េវឆ្លាមគ្មានស្លាកលេខ (រងរបួស)។ ២-អ្នករួមដំណើរប្រពន្ធមានឈ្មោះ គឹម ទ្វេង…

តាកែវ៖ យប់ថ្ងៃទី១៥ ខែ សីហា ឆ្នាំ ២០២១ កម្លាំងអាវុធហត្ថខេត្តតាកែវ សហការជាមួយកម្លាំងចម្រុះអនុវត្តវិធានការបិទខ្ទប់របស់រាជរដ្ឋាភិបាល នៅតាមគោលដៅមួយចំនួន នៅព្រំប្រទល់ពីខេត្តមួយទៅខេត្តមួយ និងច្រកព្រំដែន។

មណ្ឌលគិរី៖ ថ្ទៃទី១៦ ខែសីហា ឆ្នាំ២០២១ បញ្ចាការដ្ឋាន កងរាជអាវុធហត្ថខេត្តមណ្ឌលគិរី បានរៀបចំពិធីចាក់វ៉ាក់សាំងបង្ការជំងឺកូវីដ-១៩ ដូសទី៣ (ដូសជំរុញ Astra Zeneca) ដែលជាអំណោយដ៏ថ្លៃថ្លា របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ពិធីនេះក្រោមអធិបតិភាព ឯកឧត្តម ស្វាយ សំអ៊ាង អភិបាលនៃគណៈអភិបាលខេត្តមណ្ឌលគិរី វត្តមានមេបញ្ជាការ មេបញ្ជាការរង នាយ នាយរងកងរាជអាវុធហត្ថទាំងអស់ និងគ្រួសារកងរាជអាវុធហត្ថ៕    

ប៉ៃលិន៖ ថ្ងៃទី១៦ ខែសីហា ឆ្នាំ២០២១ នៅបញ្ជាការដ្ឋាន កងរាជអាវុធហត្ថខេត្ថប៉ៃលិន បានធ្វើការយកវត្ថុសំណាក រកមេរោគកូវីដ-១៩ ដល់នាយ នាយរងអាវុហត្ថខេត្តប៉ៃលិន។