កណ្តាល៖ យប់ថ្ងៃទី១៥ ខែសីហា ឆ្នាំ២០២១ នៅបញ្ជាការដ្ឋានកងរាជអាវុធហត្ថខេត្តកណ្តាល លោកវរសេនីយ៍ឯក  ពក សាង  មេបញ្ជាការរង កងរាជអាវុធហត្ថខេត្តបានដឹកនាំកម្លាំង ចុះល្បាតចល័ត និងឈរជើងតាមគោលដៅ ក្នុងភូមិសាស្ត្រក្រុងតាខ្មៅ ដោយសហការជាមួយកម្លាំងនគរបាលខេត្ត ដើម្បីប្រយុទ្ធប្រឆាំង និងទប់ស្កាត់ការឆ្លងរាលដាលនៃជំងឺកូវីដ-១៩។ ក្នុងនោះក៏បានណែនាំដល់បងប្អូនប្រជាពលរដ្ឋដែលធ្វើដំណើតាមដងផ្លូវ ឲ្យចូលរួមសហការទប់ស្កាត់ និងអនុវត្តតាមការណែនាំរបស់រាជរដ្ឋាភិបាល និងក្រសួងសុខាភិបាល ៣កុំ ៣ការពារ ផងដែរ។

ពោធិ៍សាត់៖ ថ្ងៃទី១៥ ខែសីហា ឆ្នាំ២០២១ កម្លាំងកងរាជអាវុធហត្ថខេត្តពោធិ៍សាត់ ដឹកដោយលោកវរសេនីយ៍ឯក ឌុច សម្ផស្ស នាយសេនាធិការ កងរាជអាវុធហត្ថខេត្តពោធិ៍សាត់ សហការជាមួយកម្លាំងចម្រុះចុះល្បាតក្នុងភូមិសាស្រ្តខេត្តពោធិ៍សាត់។

សៀមរាប៖ ថ្ងៃទី១៦ ខែសីហា ឆ្នាំ២០២១ កម្លាំងអាវុធហត្ថខេត្តសៀមរាប ចុះគោលដៅបិតខ្ទប់នៅតាមព្រំប្រទល់ និងគោលដៅកន្លែងធ្វើចត្តាឡីស័ក ព្រមទាំងកន្លែងព្យាបាលកម្រិតស្រាល នៅក្នុងខេត្តសៀមរាប។

មណ្ឌលគិរី៖ យប់ថ្ងៃទី១៥ ខែសីហា ឆ្នាំ២០២១ កម្លាំងអាវុធហត្ថខេត្តមណ្ឌលគិរីមណ្ឌលគិរី ចុះល្បាតនិងអនុវត្តវិធានការទប់ស្កាត់ការរីករាលដាល់ជំងឺកូវីដ-១៩ ដឹកនាំគណៈបញ្ជាការខេត្តចុះអប់រំផ្សព្វផ្សាយដល់ប្រជាពលរដ្ឋក្នុងភូមិសាស្រ្ត។

ភ្នំពេញ៖ ក្រោមការដឹកនាំរបស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស កងរាជអាវុធហត្ថ បានបន្តដំណើរការយកសំណាកធ្វើតេស្តរហ័ស និងចាក់វ៉ាក់សាំងបង្ការជំងឺកូវីដ-១៩ ដូសទី៣ ជូនយោធិន និងគ្រួសារយោធិននៃកងរាជអាវុធហត្ថ នៅវិទ្យាស្ថានកងរាជអាវុធហត្ថកំបូល។ ការចាក់វ៉ាក់សាំងនេះគឺដំណើរការរយៈពេល ៤ថ្ងៃគិតចាប់ពីថ្ងៃទី ១២ ដល់ថ្ងៃទី១៧ ខែសីហា ឆ្នាំ២០២១។

ព្រៃវែង៖ នៅថ្ងៃទី១៥ ខែសីហា ឆ្នាំ២០២១ នៅបញ្ជាការដ្ឋាន កងរាជអាវុធហត្ថខេត្តព្រៃវែង លោកឧត្តសេនីយ៍ត្រី ឈួន គឹមសាន មេបញ្ជាការ បានដឹកនាំនាយ នាយរងអាវុធហត្ថខេត្តព្រៃវែង និងគ្រួសារបានចាក់វ៉ាក់សាំងបង្ការជំងឺកូវីដ-១៩ ដូសទី៣ ដូសជំរុញ (Astra Zeneca) ដែលជាអំណោយដ៏ថ្លៃថ្លា របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។

ត្បូងឃ្មុំ៖ ព្រឹកថ្ងៃអាទិត្យ ទី១៥ ខែសីហា ឆ្នាំ២០២១ បញ្ជាការដ្ឋាន កងរាជអាវុធហត្ថខេត្តត្បូងឃ្មុំ លោកវរសេនីយ៍ឯក យ៉ែម សំអូន មេបញ្ជាការរង តំណាង លោកឧត្តមសេនីយ៍ត្រី វ៉ា សារិទ្ធ មេបញ្ជាការកងរាជអាវុធហត្ថខេត្តត្បូងឃ្មុំ បានរៀបចំពិធីចាក់វ៉ាក់សាំងបង្ការជំងឺកូវីដ-១៩ ដូសជំរុញ ឬដូសទី៣ (AstraZeneca) ជូនដល់យោធិន និងគ្រួសារយោធិននៃកងរាជអាវុធហត្ថ។

កំពង់ឆ្នាំង៖ មជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំរីករាយ នៅព្រឹក ថៃ្ងអាទិត្យ ទី១៥ ខែសីហា ឆ្នាំ២០២១ លោកឧត្តមសេនីយ៍ទោ ស សំបូរធន នាយសេនាធិការ កងរាជអាវុធហត្ថលើផ្ទៃប្រទេស និងលោកឧត្តមសេនីយ៍ត្រី ហែម វុទី្ធ នាយកមជ្ឈមណ្ឌលបានអញ្ជើញចុះត្រួតពិនិត្យទីតាំងត្រៀមធើ្វសំណាកអ្នកផ្ទុកមេរោគកូវីដ-១៩ ដោយម៉ាស៊ីន PCR សម្រាប់ថៃ្ងសែ្អកក្នុងមជ្ឈមណ្ឌលហ្វឹកហ្វឺនកងរាជអាវុធហត្ថ(ភ្នំជុំរីករាយ)។

តាកែវ៖ យប់ថ្ងៃទី១៤ ខែសីហា ឆ្នាំ២០២១ កម្លាំងអាវុធហត្ថខេត្តតាកែវ សហការជាមួយកម្លាំងចម្រុះ អនុវត្តវិធានការបិទខ្ទប់របស់រាជរដ្ឋាភិបាល នៅតាមគោលដៅមួយចំនួន នៅព្រំប្រទល់ពីខេត្តមួយ ទៅខេត្តមួយ និងច្រកព្រំដែន។

ត្បូងឃ្មុំ៖ យប់ថ្ងៃទី១៤ ខែសីហា ឆ្នាំ២០២១ កម្លាំងអាវុធហត្ថខេត្តត្បូងឃ្មុំ សហការចុះអនុវត្តបម្រាមគោចរ នៅក្នុងភូមិសាស្ត្រខេត្ត។