សៀមរាប៖ ថ្ងៃអង្គារ ថ្ងៃទី០៣ ខែសីហាឆ្នាំ២០២១ កម្លាំងកងរាជអាវុធហត្ថខេត្តសៀមរាប សហការចុះគោលដៅបិតខ្ទប់ កន្លែងព្យាបាលជំងឺកូវីដ-១៩ និងកន្លែងធ្វើចត្តាឡីស័ក្តមានកន្លែងព្យាបាលជំងឺកូវីដ-១៩ វិទ្យាល័យដំដែក, គោលដៅបិតខ្ទប់ ស្រុកសូទ្រនិគម, គោលដៅបិតខ្ទប់ព្រំប្រទល់ស្រុកជីក្រែង ខេត្តសៀមរាប និងខេត្តកំពង់ធំ,  គោលដៅបិតខ្ទប់ផ្សាកំពង់ក្តី និងគោលដៅបិតខ្ទប់ព្រំប្រទល់ស្រុកស្វាយលើ ខេត្តសៀមរាប និងខេត្តព្រះវិហារ។

ស្វាយរៀង៖ យោងតាមសំណើរបស់ លោកវរសេនីយ៍ឯក ម៉ម យ៉យ នាយប៉ុស្ដិ៍នគរបាលច្រកទ្វារអន្តរជាតិបាវិត បានស្នើលោកឧត្ដមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង ដើម្បីឱ្យកម្លាំងជំនាញផ្នែកសុខាភិបាលយកសំណាកធ្វើតេស្ដរកមេរោគកូវីដ-១៩ ដល់កងកម្លាំងនគរបាល។ ជាក់ស្ដែងនៅថ្ងៃអង្គារ ទី០៣ ខែសីហា ឆ្នាំ២០២១ លោកឧត្ដមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង បានបញ្ជាឱ្យកម្លាំងជំនាញផ្នែកសុខាភិបាលកងរាជអាវុធហត្ថខេត្តដឹកនាំដោយ លោកស្រីអនុសេនីយ៍ឯក សុខ សុមន្ថា បានធ្វើការពិនិត្យយកសំណាកធ្វើតេស្តរហ័សរកមេរោគកូវីដ-១៩ ជូនកងកម្លាំងប៉ុស្តិ៍នគរបាលច្រកទ្វាអន្តរជាតិបាវិត និងប្រជាពលរដ្ឋលក់ដូរនៅក្នុងបរិវេនប៉ុស្ដិ៍នគរបាល ដើម្បីមានភាពកក់ក្ដៅប្រាកដប្រជា…

ពោធិ៍សាត់៖ នៅវេលាម៉ោ ១៩ និង ៣០នាទី ថ្ងៃទី០៣ ខែសីហា ឆ្នាំ២០២១ កម្លាំងកងរាជអាវុធហត្ថខេត្តពោធិ៍សាត់ ដឹកនាំដោយ លោកវរសេនីយ៍ឯក ឌុច សម្ផស្ស នាយសេនាធិការ កងរាជអាវុធហត្ថខេត្តពោធិ៍សាត់ សហការជាមួយកម្លាំងចម្រុះចុះល្បាតក្នុងភូមិសាស្រ្តខេត្តពោធិ៍សាត់។

ព្រះសីហនុ៖ ព្រឹកថ្ងៃចន្ទ ទី០២ ខែសីហា ឆ្នាំ២០២១ កម្លាំងកងរាជអាវុធហត្ថខេត្តព្រះសីហនុ សហការជាមួយកម្លាំងគណៈបញ្ជាការឯកភាពរដ្ឋបាលខេត្ត ចុះគោលដៅការពារសន្តិសុខ សុវត្ថិភាព រក្សាសណ្ដាប់ធ្នាប់សាធារណៈ នៅតាមទីតាំងមណ្ឌលចាក់វ៉ាក់សាំងបង្ការជំងឺកូវីដ-១៩ ជូនដល់កុមារ និងយុវវ័យ ដែលមានអាយុចាប់ពី១២ឆ្នាំ រហូតដល់ក្រោម១៨ឆ្នាំ នៅទូទាំងខេត្តព្រះសីហនុ។

កំពង់ចាម៖ ដោយអនុវត្តតាមបទបញ្ជារបស់លោកឧត្តមសេនីយ៍ត្រី សោ សាវឿន មេបញ្ជាការកងរាជអាវុធហត្ថខេត្តកំពង់ចាម នៅព្រឹកថ្ងៃចន្ទ ទី០២ ខែសីហា ឆ្នាំ២០២១ នៅបញ្ជាការដ្ឋានកងរាជអាវុធហត្ថខេត្តកំពង់ចាម បានរៀបចំធ្វើការយកសំណាកធ្វើតេស្ដរហ័ស (Rapid test) លើកទី២ ដល់នាយទាហាន នាយទាហានរង នៅទីបញ្ជាការកងរាជអាវុធហត្ថខេត្ត ចំនួន ៩៦នាក់ ក្នុងនោះអាវុធហត្ថនារី០៩នាក់ ដើម្បីរកមេរោគកូវីដ-១៩។កាធ្វើតេស្តយកសំណាកជាលទ្ធផលអវិជ្ជមានកូវីដ១៩ទាំងអស់់។ ក្រោយពីបញ្ចប់ការធ្វើតេស្ត លោកឧត្តមសេនីយ៍ មេបញ្ជាការកងរាជអាវុធហត្ថខេត្ត បានមានប្រសាសន៍ផ្ដាំផ្ញើដល់កងកម្លាំងទាំងអស់ត្រូវមានការប្រុងប្រយ័ត្នខ្ពស់បំផុត គឺអនុវត្តតាមការណែនាំរបស់រាជរដ្ឋាភិបាល ៣កុំ និង ៣ការពារ ព្រមទាំងអនុវត្តវិធានការផ្សេងៗដែលដាក់ចេញដោយក្រសួងសុខាភិបាលឱ្យបានខ្ជាប់ខ្ជួនផងដែរ៕

សកម្មភាពកម្លាំងអាវុធហត្ថខេត្តសៀមរាប សហការជាមួយកម្លាំងចម្រុះ អនុវត្តសេចក្ដីសម្រេចរបស់រាជរដ្ឋាភិបាល ស្ដីពីការបិទខ្ទប់ភូមិសាស្រ្តខេត្តកោះកុង ខេត្តពោធិ៍សាត់ ខេត្តបាត់ដំបង ខេត្តប៉ៃលិន ខេត្តបន្ទាយមានជ័យ ខេត្តឧត្តរមានជ័យ ខេត្តព្រះវិហារ និងរៀមរាប ដើម្បីទប់ស្កាត់ការឆ្លងរាលដាលក្នុងសហគមន៍នៃមេរោគកូវីដ.១៩ ប្រភេទដែលតា (Delta) នៅតាមគោលដៅមួយចំនួន។

សកម្មភាពកម្លាំងអាវុធហត្ថខេត្តពោធិ៍សាត់ សហការជាមួយកម្លាំងចម្រុះ អនុវត្តសេចក្ដីសម្រេចរបស់រាជរដ្ឋាភិបាល ស្ដីពីការបិទខ្ទប់ភូមិសាស្រ្តខេត្តកោះកុង ខេត្តពោធិ៍សាត់ ខេត្តបាត់ដំបង ខេត្តប៉ៃលិន ខេត្តបន្ទាយមានជ័យ ខេត្តឧត្តរមានជ័យ ខេត្តព្រះវិហារ និងសៀមរាប ដើម្បីទប់ស្កាត់ការឆ្លងរាលដាលក្នុងសហគមន៍នៃមេរោគកូវីដ.១៩ ប្រភេទដែលតា (Delta) នៅតាមគោលដៅមួយចំនួន នៅព្រំប្រទល់ពីខេត្តទៅខេត្តមួយ និងច្រកព្រំដែន។

សកម្មភាពកម្លាំងអាវុធហត្ថខេត្តឧត្តរមានជ័យ សហការជាមួយកម្លាំងចម្រុះ អនុវត្តវិធានការបិទខ្ទប់របស់រាជរដ្ឋាភិបាល នៅតាមគោលដៅមួយចំនួន នៅព្រំប្រទល់ខេត្ត និងច្រកព្រំដែន។

ព្រះវិហារ៖ អនុវត្តតាមសេចក្តីសម្រេច របស់រាជរដ្ឋាភិបាលកម្ពុជា និងសេចក្តីសម្រេចរបស់រដ្ឋបាលខេត្តព្រះវិហារ ស្ដីពីការបិទខ្ទប់ភូមិសាស្ត្រខេត្ត ដើម្បីទប់ស្កាត់ ការឆ្លងរាលដាលក្នុងសហគមន៍នៃមេរោគកូវីដ-១៩ ចាប់ពីវេលាម៉ោង២៣:៥៩ ថ្ងៃទី២៩ ខែកក្កដា ឆ្នាំ២០២១ ដល់ថ្ងៃទី១២ ខែសីហា ឆ្នាំ២០២១កម្លាំងបញ្ជាការដ្ឋានកងរាជអាវុធហត្ថខេត្ត, មូលដ្ឋានកងរាជអាវុធហត្ថក្រុង/ស្រុក សហការជាមួយកម្លាំងចំរុះគណៈបញ្ជាការខេត្ត ក្រុង/ស្រុក បិទខ្ទប់មានចំនួន០៦គោលដៅមានៈ ១.ព្រំប្រទល់ ខេត្តព្រះវិហារ ឧត្តមានជ័យ មាន០១គោលដៅនៅចំណុច (៤៥៤៣៤៧_១៥៧៥០៩៣)ប្រើប្រាស់កម្លាំង០៦នាក់, រថយន្ត០១គ្រឿង, ម៉ូតូ០១គ្រឿង។ ២.ព្រំប្រទល់ខេត្តព្រះវិហារ សៀមរាប មាន០១គោលដៅចំណុច(៤៣៧៨១៤_១៥០៥៦៨៣) ប្រើប្រាស់កម្លាំង ០៦នាក់,…

បន្ទាយមានជ័យ ៖ នៅរសៀលថ្ងៃសុក្រ ទី៣០ ខែកក្កដា ឆ្នាំ២០២១ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត បានអញ្ជើញចុះត្រួតពិនិត្យ សួរសុខទុក្ខ និងនាំយកគ្រឿងឧបភោគ បរិភោគ និងថវិកាមួយចំនួន ចែកជូនដល់កងកម្លាំងតាមគោលដៅត្រួតពិនិត្យបិទខ្ទប់ការឆ្លងកាត់ខេត្តចំនួន០២គោលដៅ គឺគោលដៅស្ពានអូរញរ ព្រំប្រទល់ខេត្តបាត់ដំបង និងគោលដៅស្ពានតាប៉ុន ព្រំទល់ខេត្តសៀមរាប ដោយអនុវត្តតាមសេចក្ដីសម្រេចរបស់រាជរដ្ឋាភិបាល ស្ដីពីការបិទខ្ទប់ភូមិសាស្រ្តខេត្ត និងអនុវត្តសេចក្ដីសម្រេច របស់រដ្ឋបាលខេត្តបន្ទាយមានជ័យ ដើម្បីទប់ស្កាត់ការឆ្លងរាលដាលក្នុងសហគមន៍នៃមេរោគកូវីដ-១៩ ប្រភេទដែលតា (Delta) ៕