ព្រះសីហនុ៖ នៅបញ្ជាការដ្ឋានកងរាជអាវុធហត្ថខេត្តព្រះសីហនុ ក្រោមការដឹកនាំនិងយកចិត្តទុកដាក់ពីសំណាក់ លោកឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ បានរៀបចំទីតាំងសម្រាប់ព្យាបាលជំងឺកូវីដ-១៩ កម្រឹតស្រាល ទីតាំងធ្វើចត្តាឡីស័ក និងកម្លាំងបម្រើការទទួលខុសត្រូវការងារព្យាបាលយោធិន នៃកងរាជអាវុធហត្ថខេត្ត ដែលមានទីតាំងស្ថិតក្នុងភូមិ៤ សង្កាត់លេខ៤ ក្រុងព្រះសីហនុ (មានប្រព័ន្ធទឹកស្អាតនិងភ្លើងប្រើប្រាស់គ្រប់គ្រាន់) ។ ទីតាំងសម្រាប់ព្យាបាលអ្នកជំងឺកូវីដ-១៩ កម្រឹតស្រាលមានអគារស្នាក់នៅ ចំនួន០១, មានបន្ទប់ធំ ០១ ដាក់បានគ្រែ ៣០, បន្ទប់ទឹក ០១, បង្គន់អនាម័យ ០១, ចង្ក្រានបាយ…

កណ្តាល៖ លោក មេបញ្ជាការ កងរាជអាវុធហត្ថខេត្តកណ្តាល ឧត្តមសេនីយ៍ត្រី សំ តុលា បានចុះពិនិត្យស្ថានភាព រៀនចំសម្រួលទីតាំងសម្រាប់ព្យាបាលកម្រិតស្រាល និងកន្លែងធ្វើចត្តាឡីស័ក ដល់កងកម្លាំងកងរាជអាវុធហត្ថពាក់ព័ន្ធកូវីដ-១៩។ ដែលមានទីតាំងស្ថិតក្នុងសាលាបឋមសិក្សាព្រែកតាពៅ សង្កាត់ដើមមៀន ក្រុងតាខ្មៅ ខេត្តកណ្តាល នៅថ្ងៃសៅរ៍ ទី១០ ខែកក្កដា ឆ្នាំ២០២១។

បន្ទាយមានជ័យ៖ ថ្ងៃសៅរ៍ ទី១០ ខែកក្កដា ឆ្នាំ២០២១ ក្រុមគ្រូពេទ្យបញ្ជាការដ្ឋានកងរាជអាវុធហត្ថខេត្តបន្ទាយមានជ័យ ចំនួន ០៩រូប សហការជាមួយក្រុមគ្រូពេទ្យទីបញ្ជាការតំបន់ប្រតិបត្តិការសឹករងបន្ទាយមានជ័យ ដឹកនាំដោយ លោកឧត្ដមសេនីយ៍ទោ សេង ធារិន មេបញ្ជាការរង នាយសេនាធិការយោធភូមិភាគទី៥ និងជាប្រធានគ្រប់គ្រងសន្តិសុខ និងសណ្ដាប់ធ្នាប់ គោលដៅធ្វើចត្តាឡីស័កប្រយុទ្ធប្រឆាំងជំងឺកូវីដ-១៩ យោធភូមិភាគទី៥ កំពុងដំណើរការចាក់វ៉ាក់សាំងជូនប្រជាពលរដ្ឋក្នុងក្រុងសិរីសោភ័ណ នៅទីបញ្ជាការតំបន់ប្រតិបត្តិការសឹករងបន្ទាយមានជ័យ ស្ថិតក្នុងភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។  

វិទ្យាស្ថានកងរាជអាវុធហត្ថកំបូល បានរៀបចំកន្លែងព្យាបាលអ្នកជំងឺកូវីដ កម្រឹតស្រាល ដែលមាន ១អគារ ២បន្ទប់ ស្មើរនឹង១០គ្រែនឹង កន្លែងធ្វើចត្តាឡីស័ក ១អាគា ០៣បន្ទប់ ស្មើរ៣៤គ្រែ សម្រាប់បុគ្គលិក និងយោធាចារ្យវិទ្យាស្ថាន។

កំពង់ចាម៖ កងរាជអាវុធហត្ថខេត្តកំពង់ចាម បានរៀបចំកន្លែងធ្វើចត្តាឡីស័ក និងព្យាបាលជំងឺកូវីដ-១៩ កម្រឹតស្រាល នៅសាលាបឋមសិក្សា ហ៊ុន ណេង បឹងស្នាយ ស្ថិតនៅភូមិតាណេង សង្កាត់សំបូរមាស ក្រុងកំពង់ចាម ធ្វើជាមណ្ឌលព្យាបាលអ្នកជំងឺកូវីដ កម្រិតស្រាលដែរមាន១អាគា ៥បន្ទប់ ស្មើរនឹង ២៥គ្រែរ និងចត្តាឡីស័ក ១អាគា ៥បន្ទប់ ស្មើរ២៥គ្រែរ សម្រាប់កងរាជអាវុធហត្ថខេត្តកំពង់ចាម។

មណ្ឌលគិរី៖ នៅបញ្ជាការដ្ឋាន កងរាជអាវុធហត្ថខេត្តមណ្ឌលគិរី បានរៀបចំទីតាំងសម្រាប់ព្យាបាលជំងឺកូវីដ-១៩ កម្រឹតស្រាល និងទីតាំងសំរាប់ធ្វើចត្តាឡីសក័សំរាប់យោធិន នៃកងរាជអាវុធហត្ថខេត្តមានទីតាំងសំរាប់ព្យាបាលកម្រឹតស្រាល មានទំហំដី ១៥,០០០ម៉ែត្រការ៉េ (មានទឹកនិង ភ្លើង) មានអគារសំរាក០១ ទំហំ៩ម៉ែត្រ គុណនឹង១២ម៉ែត្រ ដាក់បាន៨គ្រែ និងជុំវិញសួន មានតង់កញ្ជុះ ០៦ , បន្ទប់ទឹក០២, បង្គន់អនាម័យ ០៣, ចង្ក្រានបាយ០១, ស្ថិតនៅភូមិអូរស្ពាន ក្រុងសែនមនោរម្យ និងទីតាំងធ្វើចត្តាឡីស័ក ស្ថិតក្នុងសាលាបឋមសិក្សា ហ៊ុន សែន សែនមនោរម្យ…

កណ្តាល៖ រសៀលថ្ងៃទី០៩ ខែកក្កដា ឆ្នាំ២០២១ លោក ឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល បានដឹកនាំកម្លាំងរៀបចំសម្អាតទីតាំងសម្រាប់ព្យាបាលអ្នកជំងឺកូវីដ-១៩ កម្រិតស្រាល និងអ្នកពាក់ព័ន្ធដោយផ្ទាល់ និងប្រយោលទុកសម្រាប់ព្យាបាល នាយទាហាន នាយទាហានរង និងពលទាហាន នៃកងរាជអាវុធហត្ថខេត្ត។ មានទីតាំងនៅក្នុងសាលាបឋមសិក្សាព្រែកតាពៅ ភូមិព្រែកតាពៅ សង្កាត់ដើមមៀន ក្រុងតាខ្មៅ។ ក្រោយពីការត្រួតពិនិត្យរួច លោកឧត្តមសេនីយ៍ មេបញ្ជាការ ក៏បានសម្រេចយកអគារ ០៥អគារ ស្មើនឹង ១៩បន្ទប់ ក្នុងនោះប្រើប្រាស់…

ភ្នំពេញ៖ ព្រឹកថ្ងៃទី០៥ ខែកក្កដា ឆ្នាំ២០២១ លោកឧត្តមសេនីយ៍ឯក ម៉ន សាម៉ុន មេបញ្ជាការរង កងរាជអាវុធហត្ថលើផ្ទៃប្រទេស អញ្ជើញចុះត្រួតពិនិត្យឧបករណ៍ សម្ភារៈសង្រ្គោះ ដែលការិយាល័យជំនួយមនុស្សធម៌ និងសង្រ្គោះគ្រោះមហន្តរាយ ស្នងការដ្ឋានផែនការប្រតិបត្តិការ និងហ្វឹកហ្វឺន កងរាជអាវុធហត្ថលើផ្ទៃប្រទេស ជាអ្នកថែទាំ និងគ្រប់គ្រងឧបករណ៍ សម្ភារៈទាំងនេះ ដែលបានរៀបចំធ្នើសំរាប់ដាក់ឧបករណ៍ សម្ភារៈសង្រ្គោះចំនួន៣ធ្នើ មានធ្នាក់៣ជាន់ ដែល២ធ្នើមានទទឹង ០.៦ម៉ែត្រ បណ្តោយ២.៤ម៉ែត្រ និង១ធ្នើមានទទឹង០.៦ម៉ែត្រ បណ្តោយ៣ម៉ែត្រ។

ភ្នំពេញ៖ ព្រឹកថ្ងៃទី៩ ខែកក្កដា ឆ្នាំ២០២១ នាយទាហាន នាយទាហានរងចំណុះស្នងការដ្ឋានផែនការប្រតិបត្តិការ និងហ្វឹកហ្វឺន កងរាជអាវុធហត្ថលើផ្ទៃប្រទេស បានធ្វើការពិនិត្យយកសំណាករហ័សរកជំងឺកូវីដ-១៩ ដើម្បីមានភាពកក់ក្តៅប្រាកដប្រជា និងកាត់បន្ថយការឆ្លងរាលដាល។

ត្បូងឃ្មុំ៖ រសៀលថ្ងៃទី០៩ ខែកក្កដា ឆ្នាំ២០២១ នៅបញ្ជាការដ្ឋាន កងរាជអាវុធហត្ថខេត្តត្បូងឃ្មុំ ក្រុមគ្រូពេទ្យបានចុះមកយកសំណាកតេស្តរហ័សជូននាយអាវុធចំនួន ២១នាក់ ចុងភៅ ចំនួន ០២នាក់ (លទ្ធផល អវិជ្ជមានទាំងអស់គ្នា) ដោយឡែកនាយអាវុធហត្ថ ០២រូប។ ១.អនុសេនីយ៍ទោ ស្រី សឿម សមាជិកស្រុកអូររាំងឪ និង ២.អនុសេនីយ៍ត្រី មៀច វាសនា សមាជិក ស្នាក់ការសន្តិសុខ៧៣៨ ប្រចាំស្រុកតំបែរ (វិជ្ជមានកូវីដ-១៩)ដែលក្រុមគ្រូពេទ្យចុះទៅយកសំណាកដល់ស្រុក និងស្នាក់ការសន្តិសុខ បច្ចុប្បន្ន អ្នកជំងឺកូវីដ-១៩…