មជ្ឈមណ្ឌលហ្វឹកហ្វឺក កងរាជអាវុធហត្ថ (ភ្នំជុំរីករាយ) នៅព្រឹក ថ្ងៃទី២៥ ខែឧសភា ឆ្នាំ២០២១ ដោយមានការអនុញ្ញាត លោក ឧត្តមសេនីយ៍ត្រី ហែម វុទ្ធីនាយកមជ្ឈមណ្ឌលហ្វឹកហ្វឺនកងរាជអាវុធហត្ថ(ភ្នំជុំរីករាយ) បានរៀបចំពិធីចាក់វ៉ាក់សាំងជូនគ្រួសារយោធិននៃកងរាជអាវុធហត្ថ និងប្រជាពលរដ្ឋដែរនៅជិតនោះ។

បន្ទាយមានជ័យ៖ នៅព្រឹកថ្ងៃចន្ទ ទី២៤ ខែឧសភា ឆ្នាំ២០២១ លោក ឧត្ដមសេនីយ៍ត្រី បោន ប៊ិន មេបញ្ជាការ កងរាជអាវុធហត្ថខេត្តបន្ទាយមានជ័យ អញ្ជើញចុះត្រួតពិនិត្យក្រុមគ្រូពេទ្យកងរាជអាវុធហត្ថខេត្ត សហការជាមួយក្រុមគ្រូពេទ្យជួរមុខរបស់ទីបញ្ជាការតំបន់ប្រតិបត្តិការសឹករងបន្ទាយមានជ័យ និងក្រុមគ្រូពេទ្យបង្អែកក្រុងប៉ោយប៉ែត ដែលកំពុងបំពេញបេសកកម្ម ចុះយកសំណាកប្រជាពលរដ្ឋក្នុងតំបន់បិទខ្ទប់ និងតំបន់ក្រហម ស្ថិតក្នុងភូមិសាស្រ្តក្រុងប៉ោយប៉ែត ខេត្តបន្ទាយមានជ័យ ។ ក្នុងឱកាសនោះដែរលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត បានប្រគល់ប្រាក់ឧបត្ថម្ភជូនដល់ក្រុមគ្រូពេទ្យទាំងបីអង្គភាពចំនួន៣១នាក់ ដោយក្នុងម្នាក់ៗទទួលបានចំនួន១០០,០០០៛(ដប់ម៉ឺនរៀល)ផងដែរ៕

ត្បូងឃ្មុំ៖ នៅបញ្ជាការដ្ឋាន កងរាជអាវុធហត្ថខេត្តត្បូងឃ្មុំ ព្រឹកថ្ងៃចន្ទ ទី២៤ ខែឧសភា ឆ្នាំ២០២១ លោក ឧត្តមសេនីយ៍ត្រី វ៉ា សារិទ្ធ មេបញ្ជាការ កងរាជអាវុធហត្ថ ខេត្តត្បូងឃ្មុំ បានដឹកនាំនាយ នាយរង ចំនួន២២នាក់ដែលប៉ះផ្ទាល់ និងប្រយ៉ោលអ្នកជំងឺកូវីដ-១៩ ឲ្យក្រុមគ្រូពេទ្យយកសំណាកលើកទី២ លទ្ធផលអវិជ្ជមានទាំង ២២នាក់។

ស្ទឹងត្រែង៖ ដោយបានការអនុញ្ញាតពី ឯកឧត្តម នាយឧត្តសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស នៅព្រឹកថ្ងៃទី២២ ខែឧសភា ឆ្នាំ២០២១ នៅទីបញ្ជាការកងរាជអាវុធហត្ថខេត្តស្ទឹងត្រែង បានធ្វើតេស្តបឋម (Rapide Test) យកសំណាករកជំងឺកូវីដ-១៩ ដល់នាយទាហាន នាយទាហានរងនៃកងរាជអាវុធហត្ថខេត្តស្ទឹងត្រែងទាំងអស់ ដឹកនាំដោយលោក ឧត្តមសេនយ៍ត្រី អៀង វ៉ាន់ឌី មេបញ្ជាការកងរាជអាវុធហត្ថខេត្តស្ទឹងត្រែង។

ព្រះសីហនុ៖ រសៀលថ្ងៃសុក្រ ទី២១ ខែឧសភា ឆ្នាំ២០២១ លោក ឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ ទទួលជួបជាមួយសប្បុរជនជាពាណិជ្ជករក្នុងខេត្តព្រះសីហនុ លោកអគ្គនាយក ក្រុមហ៊ុនកាស៊ីណូ និងសណ្ឋាគារ ឌី វី ដែលបាននាំយកនូវអំណោយសប្បុរធម៌ជាសម្ភារៈបរិក្ខារប្រើប្រាស់ការពារនឹងជំងឺឆ្លងជាសកលកូវីដ-១៩ រួមមាន: ម៉ាស់ ចំនួន ២០កេសធំ ស្មើនឹង ៥០,០០០ម៉ាស់, ថ្នាំចិន (គ្រាប់) លៀងហ័រ ឈីងវីន ចំនួន ១០កេសធំ…

ក្រចេះ៖ នៅថ្ងៃព្រហស្បតិ៍ ទី២០ ខែឧសភា ឆ្នាំ២០២១ នៅបញ្ជាការដ្ឋាន កងរាជអាវុធហត្ថខេត្តក្រចេះ បានរៀបចំពិធីចាក់វ៉ាក់សាំងបង្ការជំងឺកូវីដ-១៩ លើកទី១ ជូនគ្រួសារយោធិននៃកងរាជអាវុធហត្ថខេត្តក្រចេះ ដោយការស្ម័គ្រចិត្ត និងតាមការគ្រោងទុកការចាក់វ៉ាក់សាំងបង្ការកូវីដ-១៩ លើកទី២ ប្រព្រឹត្តិទៅនៅថ្ងៃទី០៤ ខែមិថុនា ឆ្នាំ២០២១។

ភ្នំពេញ៖ នៅព្រឹកថ្ងៃទី១៩ ខែឧសភា ឆ្នាំ២០២១ អាវុធហត្ថរាជធានីភ្នំពេញ បានចេញរថយន្តដឹកជញ្ជូន និង រថយន្តបម្រើប្រតិបត្តិការធន់ធំ បើកបរលើផ្លូវដើម្បីត្រួតពិនិត្យលក្ខណៈបច្ចេកទេស រឺដាស់ម៉ាស៊ីន សាកអាគុយ និងពង្រឹងដៃចង្កូត បន្ទាប់ពីទុកចោលក្នុងអង្គភាពពុំបានចេញប្រត្តិបតិ្តការអស់មួយរយៈធំ ក្នុងអំឡុងពេលនៃការបិទខ្ទប់ ភូមិសាស្រ្តរាជធានីភ្នំពេញ។ ជានិច្ចកាល អាវុធហត្ថរាជធានីភ្នំពេញ ក្រោមការដឹកនាំបញ្ជាពីលោក ឧត្តមសេនីយ៍ឯក រ័ត្ន ស្រ៊ាង តែងតែម្ចាស់ការទទួលខុសត្រូវ ត្រៀមលក្ខណៈជាស្រេចទាំងកម្លាំងប្រតិបត្តិការ មធ្យោបាយ សម្ភារៈ ដើម្បីទុកប្រើប្រាស់ពេលមានហេតុការចាំបាច់ ជាយថាហេតុផ្សេងៗ ក៏ដូចជាត្រៀមចេញបំពេញបេសកកម្មតាមបទបញ្ជាថ្នាក់លើ ដូច្នេះការថែរទាំលក្ខណៈបច្ចេកទេសលើមធ្យោបាយសម្ភារៈ ត្រូវបានលោកមេបញ្ជាការ…

ភ្នំពេញ៖ ដំណើរការចាក់វ៉ាក់សាំង ជូនប្រជាពលរដ្ឋដោយស្ម័គ្រចិត្តដើម្បីបង្ការជំងឺកូវីដ-១៩ ដូសទី២ ត្រូវបានចាប់ផ្តើមចាក់ចាប់ពីថ្ងៃទី១៩ ខែឧសភា ឆ្នាំ២០២១។ ការចាក់វ៉ាក់សាំងធ្វើឡើងនៅសាលាបឋមសិក្សាអង្គបឹងចក ក្នុងខណ្ឌកំបូល រាជធានីភ្នំពេញ លោក ឧត្តមសេនីយ៍ទោ អ៊ុង សារ៉ាន់ នាយរងសេនាធិការ កងរាជអាវុធហត្ថលើផ្ទៃប្រទេស បានដឹកនាំដំណើរការចាក់វ៉ាក់សាំងនេះ។

ព្រះវិហារ៖ នៅបញ្ជាការដ្ឋានកងរាជអាវុធហត្ថខេត្តព្រះវិហារ ព្រឹកថ្ងៃពុធ ទី១៩ ខែឧសភា ឆ្នាំ២០២១ លោក ឧត្តមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារ បានប្រជុំផ្សព្វផ្សាយបទបញ្ជាផ្ទៃក្នុង របស់កងរាជអាវុធហត្ថ និងអប់រំផ្សព្វផ្សាយវិធានការបង្ការជំងឺកូវិដ-១៩។