កណ្តាល៖ នៅវេលាម៉ោង ១៥:០០នាទីថ្ងៃទី២៦ ខែតុលា ឆ្នាំ២០២១ កម្លាំងមូលដ្ឋាន កងរាជអាវុធហត្ថស្រុកកណ្តាលស្ទឹង ដឹកនាំដោយលោកវរសេនីយ៍ត្រី ថន រដ្ឋា មេបញ្ជាការ បានចុះសហការជាមួយកម្លាំងគណៈបញ្ជាការឯកភាពស្រុក និងកម្លាំងបញ្ជាការដ្ឋានអង្គរក្ស ដឹកនាំដោយលោក អ៊ូច សៅវឿន អភិបាលស្រុក ចុះពិនិត្យស្ថានភាពទឹកជំនន់លិចនៅចំណុចឃុំដើមឬស រួមមានភូមិសាម៉រ ភូមិទែន។

រតនគិរី៖ នៅព្រឹកថ្ងៃអង្គារទី១៩ ខែតុលា ឆ្នាំ ២០២១ លោកឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្តរតនគិរី បានអញ្ជើញចុះត្រួតពិនិត្យស្ថានភាពជំនន់ទឹក ភ្លៀងនៅទន្លេស្រែពក ស្ថិតក្នុងភូមិដីឡូ ឃុំជ័យឧត្ដម ស្រុកលំផាត់ ខេត្តរតនគីរី ។ ក្នុងឱកាសនោះដែរលោកឧត្តមសេនីយ៍ត្រីមេបញ្ជាការ បាននាំយកប្រេងសាំងចំនួន ៦០ លីត្រ ប្រគល់ជូនគណៈបញ្ជាការឯកភាពស្រុកលំផាត់ ដើម្បីប្រើប្រាស់ក្នុងការជួយសង្គ្រោះ និងដឹកជញ្ជូនប្រជាពលរដ្ឋមកទីទួលសុវត្ថិភាព ។  

រតនគីរី៖ នៅរសៀលថ្ងៃចន្ទទី១៨ ខែតុលា ឆ្នាំ ២០២១ លោកឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្តរតនគីរី បានអញ្ជើញចុះត្រួតពិនិត្យស្ថានភាពជំនន់ទឹកភ្លៀងនៅទន្លេស្រែពក ស្ថិតក្នុងភូមិស្រែពកតូច ឃុំសិរីមង្គល ស្រុកកូនមុំ ខេត្តរតនគីរី  និងបាននាំយកប្រេងសាំងចំនួន ៣០ លីត្រ ប្រគល់ជូនកម្លាំងប្រដាប់អាវុធ និងក្រុមការងារដែលកំពុងធ្វើការជួយសង្គ្រោះផងដែរ។

ក្រោមការដឹកនាំរបស់ លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស នៅព្រឹកថ្ងៃព្រហស្បតិ៍ ទី១៤ ខែតុលា ឆ្នាំ២០២១ ក្រុមគ្រូពេទ្យកងរាជអាវុធហត្ថ បានដំណើរការចាក់វ៉ាក់សាំងបង្ការជំងឺកូវីដ-១៩ ដូសទី៣ ជូនប្រជាពលរដ្ឋ នៅវត្តកំបូល ខណ្ឌកំបូល រាជធានីភ្នំពេញ។

កណ្តាល៖ ថ្ងៃអង្ការ ទី១២ ខែតុលា ឆ្នាំ២០២១ កម្លាំងមូលដ្ឋាន កងរាជអាវុធហត្ថស្រុកឣង្គស្នួល ខេត្តកណ្តាល ដឹកនាំដោយ លោក មេបញ្ជាការស្រុក សហការជាមួយគណៈបញ្ជាការឯកភាពស្រុកបានចុះទប់ទឹកជំនន់(ទឹកភ្លៀង) ដែលហូរកាត់ផ្លូវធ្វើដំណើរប្រវែងជាង ៣០០ម៉ែត្រ ស្ថិតនៅក្នុងភូមិខ្លាកូន ឃុំពើក ស្រុកឣង្គស្នួល ខេត្តកណ្តាល។

កណ្តាល៖ រសៀលថ្ងៃទី១២ ខែតុលា ឆ្នាំ២០២១ លោកវរសេនីយ៍ឯក គឹម សិទ្ធីយ៉ា មេបញ្ជាការរង ទទួលផែនការប្រតិបត្តិការ និងហ្វឹកហ្វឺនកងរាជអាវុធហត្ថខេត្ត បានអញ្ជើញដឹកនាំលោករងសេនាធិការ ប្រធានមន្ទីរ នាយការិយាល័យពាក់ព័ន្ធ និងមេបញ្ជាការ មូលដ្ឋានកងរាជអាវុធហត្ថក្រុង/ស្រុក ចូលរួមប្រជុំផ្សព្វផ្សាយការងារត្រៀមអន្តរាគមន៍ សង្គ្រោះគ្រោះមហន្តរាយនារដូវវស្សា តាមរយៈប្រព័ន្ធ (Microsof teams) នៅទីបញ្ជាការ កងរាជអាវុធហត្ថខេត្តកណ្តាល។

សៀមរាប៖ សកម្មភាពកងរាជអាវុធហត្ថខេត្តសៀមរាបចុះល្បាតតាមគោលដៅ និងគោលដៅបិទខ្ទប់ (តំបន់ក្រហម) ក្នុងភូមិសាស្ត្រក្រុងសៀមរាប សង្កាត់ស្វាយដង្គំ សង្កាត់គោកចក សង្កាត់ស្លក្រាម និងសង្កាត់ជ្រាវ ដើម្បីទប់ស្កាត់ការឆ្លងរីករាលដាលជំងឺកូវីដ-១៩។

សៀមរាប៖ កងរាជអាវុធហត្ថខេត្តសៀមរាប នៅថ្ងៃទី២៣ ខែកញ្ញា ឆ្នាំ២០២១នេះបានចុះល្បាតតាមគោលដៅ និងគោលដៅបិទខ្ទប់តំបន់ក្រហម ក្នុងភូមិសាស្ត្រក្រុងសៀមរាប សង្កាត់ស្វាយដង្គំ សង្កាត់គោកចក សង្កាត់ស្លក្រាម និងសង្កាត់ជ្រាវ ដើម្បីទប់ស្កាត់ការឆ្លងរីករាលដាលជំងឺកូវីដ-១៩។

សៀមរាប៖ នៅថ្ងៃទី២៣ ខែកញ្ញា ឆ្នាំ២០២១ នៅទីបញ្ជាការកងរាជអាវុធហត្ថខេត្តសៀមរាប បានធ្វើការហ្វឹកហ្វឺន និងអនុវត្តនូវសកម្មភាពបង្ក្រាបបទល្មើស និងជនដែលល្មើសវិធានសុខាភិបាល ក៏ដូចជាជនដែលល្មើសនិងបំរាមគោចរ ស្របពេលដែលភូមិសាស្ត្រនានាក្នុងខេត្តសៀមរាបកំពុងដាក់ឱ្យស្ថិតនៅក្នុងតំបន់ក្រហម។