កំពង់ធំ៖ នៅបញ្ជាការដ្ឋានកងរាជអាវុធហត្ថខេត្តកំពង់ធំ លោកឧត្តមសេនីយ៍ត្រី ហង្ស  ថុល មេបញ្ជាការ កងរាជអាវុធហត្ថខេត្ត បានអញ្ជើញដឹកនាំដំណើរការចាក់វ៉ាក់សាំងបង្ការជំងឺកូវីដ-១៩ ដូសជំរុញ ឬដូសទី៣ (AstraZeneca) ជូនគ្រួសារយោធិននៃកងរាជអាវុធហត្ថខេត្តកំពង់ធំ នាថ្ងៃទី២៧ ខែសីហា ឆ្នាំ២០២១។

កែប៖ នៅព្រឹកថ្ងៃទី២៧ ខែសីហា ឆ្នាំ២០២១ នៅបញ្ជាការដ្ឋាន កងរាជអាវុធហត្ថខេត្តកែប បានរៀបចំពិធីចាក់វ៉ាក់សាំងបង្ការជំងឺកូវីដ.១៩ ដូសទី៣ ជូនគ្រួសារយោធិននៃអាវុធហត្ថខេត្តកែប។

តាកែវ៖ នៅបញ្ជាការដ្ឋានកងរាជអាវុធហត្ថខេត្តតាកែវ ព្រឹកថ្ងៃសុក្រ ទី២៧ ខែសីហា ឆ្នាំ២០២១ លោកឧត្តមសេនីយ៍ត្រី ឡា ឡៃ មេបញ្ជាការ កងរាជអាវុធហត្ថខេត្តតាកែវ បានដឹកនាំក្រុមការងាររៀបចំចាក់វ៉ាក់សាំង របស់កងរាជអាវុធហត្ថខេត្តចុះត្រួតពិនិត្យរៀបចំ និងសម្របសម្រួលក្នុងកិច្ចដំណើរការចាក់វ៉ាក់សាំងបង្ការទប់ស្កាត់ជំងឺកូវីដ-១៩ ដូសទី៣ ជូនដល់យោធិន និងក្រុមគ្រួសារយោធិននៃកងរាជអាវុធហត្ថខេត្តតាកែវ។

ស្វាយរៀង៖ នៅថ្ងៃទី២៥-២៦ ខែសីហា ឆ្នាំ២០២១នេះ ក្រោមការដឹកនាំបញ្ជាផ្ទាល់ពី លោកឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង បានឱ្យកម្លាំងជំនាញផ្នែកសុខាភិបាលនៃកងរាជអាវុធហត្ថខេត្ត បន្តចាក់វ៉ាក់សាំងបង្ការជំងឺកូវីដ១៩ ដូសទី៣(ដូសជំរុញ Astra Zeneca) ជាដូសជំរុញអង់ទីគ័រក្នុងការបង្ការការឆ្លងរាលដាលនៃជំងឺកូវីដ១៩ និងមេរោគបំលែងខ្លួនថ្មីផងដែរ ដែលជាអំណោយដ៏ថ្លៃថ្លា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ចាក់ជូនក្រុមគ្រួសារយោធិននៃកងរាជអាវុធហត្ថខេត្តស្វាយរៀង។ ការចាក់វ៉ាក់សាំងនេះប្រព្រឹត្តទៅ នៅបញ្ជាការដ្ឋានកងរាជអាវុធហត្ថខេត្តចាស់ ស្ថិតនៅភូមិរោងបន្លែ សង្កាត់ស្វាយរៀង ក្រុងស្វាយរៀង ខេត្តស្វាយរៀង មានរយៈពេល…

ព្រះសីហនុ៖​ នៅវេលាម៉ោង០៧:៣០នាទីយប់ ថ្ងៃអង្គារ ទី២៤ ខែសីហា ឆ្នាំ២០២១ លោកឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ បានដឹកនាំកម្លាំងជំនាញកងរាជអាវុធហត្ថ និងកងអន្តរាគមន៍ពិសេសប្រចាំការខេត្ត ចុះត្រួតពិនិត្យស្ថានភាពជំនន់ទឹកភ្លៀង ដើម្បីជួយសង្រ្គោះប្រជាពលរដ្ឋ និងសម្រួលចរាចរណ៍តាមដងផ្លូវ បន្ទាប់ពីមានភ្លៀងធ្លាក់យ៉ាងខ្លាំង បណ្តាលឲ្យលិចលង់តាមតំបន់ទំនាបមួយចំនួន នៅក្នុងភូមិសាស្រ្តក្រុងព្រះសីហនុ។

ក្រចេះ៖ វេលាម៉ោង១៤:៣០នាទី ថ្ងៃទី២៤ ខែសីហា ឆ្នាំ២០២១ កម្លាំងអាវុធហត្ថខេត្តក្រចេះ ដឹកនាំដោយលោកវរសេនីយ៍ឯក ឡុង យឹង មេបញ្ជាការរង កងរាជអាវុធហត្ថខេត្ត ដែលចុះការពារ និងរក្សាសន្តិសុខសណ្តាប់ធ្នាប់ជូនក្រុមគ្រូពេទ្យយកវត្ថុសំណាក អាជីវករនៅផ្សារសាមគ្គីក្រុងក្រចះ ។ ក្រោយចប់បេសសកម្មកម្លាំង បានធ្វើការយកវត្ថុសំណាក (តេស្តរហ័ស) ផងដែរដោយលទ្ធផលអវិជ្ជមានទាំងអស់។

ស្ទឹងត្រែង៖​ ថ្ងៃទី២៤ ខែសីហា ឆ្នាំ២០២១ លោកឧត្តមសេនីយ៍ត្រី អៀង វ៉ាន់ឌី មេបញ្ជាការ កងរាជអាវុធហត្ថខេត្តស្ទឹងត្រែង ដឹកនាំកងកម្លាំងក្រោមឱវាទ សហការជាមួយ មន្ទីរសុខាភិបាលខេត្តស្ទឹងត្រែង និងរដ្ឋបាលក្រុងស្ទឹងត្រែង ចុះណែនាំដល់ប្រជាពលរដ្ឋក្នុងក្រុងស្ទឹងត្រែងឱ្យយល់ជ្រួតជ្រាបអំពីការឆ្លងរាលដាលនៃជំងឺកូវីដ-១៩ និងត្រូវសហការជាមួយអាជ្ញាធរមូលដ្ឋាន និងសេចក្ដីណែនាំរបស់មន្ទីរសុខាភិបាលខេត្ត បើបងប្អូនមិនស្រួលខ្លួនសង្ស័យ ឬមានការពាក់ព័ន្ធជាមួយអ្នកផ្ទុកមេរោគកូវីដ-១៩ សូមអញ្ជើញទៅយកសំណាកវិភាគដើម្បីចូលរួមទប់ស្កាត់ការឆ្លងរីករាលដាលជំងឺកូវីដ-១៩ នៅតាមតំប ន់បិទខ្ទប់ ក្នុងភូមិសាស្រ្តក្រុងស្ទឹងត្រែង ដែលរដ្ឋបាលខេត្តចេញសេចក្ដីសម្រេចបិទខ្ទប់ភូមិសាស្រ្តក្រុងស្ទឹងត្រែងរយៈពេល ៧ថ្ងៃ បន្តទៀតគិតចាប់ពីថ្ងៃទី២៤ ខែសីហា ឆ្នាំ២០២១ តទៅ។

កំពង់ស្ពឺ៖ នៅព្រឹកថ្ងៃទី២៤ ខែសីហា ឆ្នាំ២០២១ គ្រួសារយោធិននៃកងរាជអាវុធហត្ថខេត្តកំពង់ស្ពឺ បានធ្វើតេស្តរហ័សដើម្បីរកមេរោគកូវីដ-១៩ និងចាក់វ៉ាក់សាំងបង្ការជំងឺកូវីដ.១៩ (ដូសជំរុញ ឬដូសទី៣) ដែលជាអំណោយដ៏ថ្លៃថ្លា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ពិធីនេះក្រោមវត្តមាន លោកឧត្តមសេនីយ៍ត្រី ជូ សារុ មេបញ្ជាការកងរាជអាវុធហត្ថខេត្តកំពង់ស្ពឺ។ លោកឧត្តមសេនីយ៍ បានមានប្រសាសន៍ផ្ដាំផ្ញើដល់គ្រួសារកងកម្លាំង ដែលបានចាក់វ៉ាក់សាំងបង្ការ ទាំងអស់ត្រូវមានការប្រុងប្រយ័ត្នខ្ពស់បំផុត គឺស្តាប់តាមការណែនាំរបស់រាជរដ្ឋាភិបាល ៣កុំ និង ៣ការពារ ព្រមទាំងអនុវត្តវិធានការផ្សេងៗដែលដាក់ចេញដោយក្រសួងសុខាភិបាលឱ្យបានខ្ជាប់ខ្ជួនផងដែរ។

បន្ទាយមានជ័យ៖ នៅបញ្ជាការដ្ឋាន កងរាជអាវុធហត្ថខេត្តបន្ទាយមានជ័យ ព្រឹកថ្ងៃចន្ទ ទី២៣ ខែសីហា ឆ្នាំ២០២១ លោកឧត្តមសេនីយ៍ត្រី បោន ប៊ិន មេបញ្ជាការ កងរាជអាវុធហត្ថខេត្តបន្ទាយមានជ័យ បានអញ្ជើញចូលរួមប្រគល់អុកស៊ីសែនចំនួន២០បំពង់ ដល់មន្ទីរពេទ្យមិត្តភាពកម្ពុជា-ជប៉ុន មង្គលបូរី ដើម្បីរួមចំណែកក្នុងការព្យាបាលជំងឺកូវីដ-១៩ ជូនប្រជាពលរដ្ឋ។

រតនគិរី៖ ព្រឹកថ្ងៃចន្ទ ទី២៣ ខែសីហា ឆ្នាំ២០២១ នៅបញ្ជាការដ្ឋាន កងរាជអាវុធហត្ថខេត្តរតនគិរី លោកវរសេនីយ៍ឯក មួន សុវណ្ណដា មេបញ្ជាការរងនិងជានាយសេនាធិការ តំណាងលោកឧត្តមសេនីយ៍ត្រី ថាវ យ៉េន មេបញ្ជាការ កងរាជអាវុធហត្ថខេត្ត បានអញ្ជើញផ្សព្វផ្សាយអំពីសេចក្តីណែនាំរបស់រាជរដ្ឋាភិបាលលេខ០៥ ស.ណ.ន ស្ដីពីការពង្រឹងការអនុវត្តវិធានការប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ.១៩ និងសេចក្តីជូនព័ត៌មានរបស់ក្រសួងសុខាភិបាល ស្ដីពីយុទ្ធនាការជាតិក្រោមប្រធានបទ ( រួមគ្នាទទួលខុសត្រូវទប់ស្កាត់ការចម្លងវីរុសកូវីដ.១៩ ) ព្រមទាំងផ្សព្វផ្សាយនូវព្រឹត្តិការណ៍អន្តរជាតិស្តីពីក្រុមតាលីបង់នៅអាហ្គានីស្ថាន។ ក្នុងឱកាសនេះដែរលោកមេបញ្ជាការរងនិងជានាយសេនាធិការបានផ្តាំផ្ញើដល់នាយ នាយរងអាវុធហត្ថទាំងអស់ត្រូវប្រកាន់ខ្ជាប់ជានិច្ចនូវអនុសាសន៍ដ៏ខ្ពង់ខ្ពស់របស់សម្ដេចតេជោ នាយករដ្ឋមន្ត្រីនៃព្រះរាជាណាចក្រកម្ពុជាគឺ ៣កុំ…