បន្ទាយមានជ័យ ៖ នៅថ្ងៃទី១៥ ខែមីនា ឆ្នាំ២០២៣ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ខេត្តបន្ទាយមានជ័យ បានឃាត់ខ្លួនជនសង្ស័យជនជាតិថៃ ០៤នាក់ ករណីរំលោភសេពសន្ទវៈ (ស្ថានទម្ងន់ទោស) ដែលប្រព្រឹត្តទៅកាលពីវេលាម៉ោង០១និង០០នាទី ថ្ងៃទី១០ ខែមីនា ឆ្នាំ២០២៣ នៅចំណុចបន្ទប់ស្នាក់នៅ ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ យោងតាមពាក្យបណ្ដឹងរបស់នារីរងគ្រោះ អាយុ១៧ឆ្នាំ ជាជនជាតិថៃ ស្នាក់នៅបណ្ដោះអាសន្នភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បច្ចុប្បន្ន ជនសង្ស័យត្រូវបានកម្លាំងការិយាល័យជំនាញកងរាជអាវុធហត្ថខេត្ត បញ្ជូនទៅសាលាដំបូងខេត្តនៅរសៀលថ្ងៃព្រហស្បតិ៍…

កោះកុង៖ នៅថ្ងៃទី១៣ ខែមីនា ឆ្នាំ២០២៣ កម្លាំងកងរាជអាវុធហត្ថខេត្តកោះកុង សហការជាមួយកម្លាំងសាខាគយ និងរដ្ឋាករខេត្តកោះកុងធ្វើការស្ទាក់ឃាត់ចាប់ រថយន្តសង្ស័យគ្មានពន្ធនាំចូល០១គ្រឿង ម៉ាក LEXUS RX 450 (HYBRID) ពណ៌ស ឆ្នាំផលិត ២០១១ គ្មានស្លាកលេខ កំពុងចរាចរណ៍នៅតាមបណ្តោយផ្លូវ ក្នុងភូមិសាស្រ្ត ភូមិនាងកុក ឃុំប៉ាក់ខ្លង ស្រុកមណ្ឌលសីមា ខេត្តកោះកុង បច្ចុប្បន្នរថយន្តសង្ស័យខាងលើ ត្រូវបានកំលាំងគយនាំមករក្សាទុកនៅក្នុងសាខាគយនិងរដ្ឋាករ ខេត្តកោះកុងដើម្បីរង់ចាំអនុវត្តន៍តាមនីតិវិធី។

រតនគិរី៖ នៅថ្ងៃទី១៣ ខែមីនា ឆ្នាំ២០២៣ កម្លាំងអាវុធហត្ថខេត្តរតនគិរី និងកម្លាំងមូលដ្ឋានកងរាជអាវុធហត្ថស្រុកអណ្តូងមាស ខេត្តរតនគិរី បានចុះបង្រា្កបបទល្មើសធនធានធម្មជាតិ ឈើប្រភេទលេខ ១ ចំនួន ៤៤ កន្ទុយ ស្ថិតនៅភូមិមុយស្រែ ឃុំញ៉ាង ស្រុកអណ្តូងមាស ដែលជនមិនស្គាល់មុខ យកមកទុកចោលក្នុងចម្ការកៅស៊ូ ក្រុមហ៊ុន ហ័ងអាញ់ ។ បច្ចុប្បន្នវត្ថុតាងត្រូវបានដឹកយកមករក្សាទុកនៅមូលដ្ឋានកងរាជអាវុធហត្ថស្រុកអណ្តូងមាស រងចាំប្រគល់ឲ្យជំនាញធ្វើការវាស់វែងនិងចាត់ការតាមនីតិវិធី ។

កំពង់ឆ្នាំង៖ នៅថ្ងៃទី០៧ ខែមីនា ឆ្នាំ២០២៣ កម្លាំងកងរាជអាវុធហត្ថខេត្តកំពង់ឆ្នាំង សហការជាមួយកម្លាំងចម្រុះចុះពិនិត្យស្ថានភាព បទល្មើសនេសាទនៅក្នុងភូមិសាស្ត្រ ឃុំពាមឆ្កោក ស្រុកជលគិរី ក្រោយពិនិត្យបទល្មើសរួច ក្រុមការងារបានធ្វើការកោះប្រជុំជាមួយប្រធានសហគមន៍នេសាទ និងប្រជាពលរដ្ឋ ដែលរកស៊ីនេសាទត្រីក្នុងតំបន់អភិរក្ស ឱ្យបញ្ឈប់ការនេសាទត្រីក្នុងតំបន់អភិរក្សចាប់ពីពេលនេះតទៅ។

ឧត្តរមានជ័យ៖ នៅថ្ងៃទី០១ ខែមីនា ឆ្នាំ២០២៣ កម្លាំងជំនាញកងរាជអាវុធហត្ថខេត្តឧត្តរមានជ័យ ដឹកនាំដោយលោក អនុសេនីយ៍ឯក ប៊ុត សាវុទ្ធ នាយការិល័យប្រឆាំងបទល្មើសគ្រឿងញៀន បានចុះបង្ក្រាបករណីជួញដូរ ឬប្រើប្រាស់នូវសារធាតុញៀន នៅភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្តរមានជ័យ ដោយឃាត់ខ្លួនជនសង្ស័យចំនួន ០២នាក់ និងចាប់យកវត្ថុតាងពាក់ព័ន្ធមួយចំនួន។ បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញកសាងសំណុំរឿងតាមនីតិវិធី។

កំពង់ចាម៖ នៅវេលាម៉ោង១៤:៥០នាទី ថ្ងៃទី២៧ ខែកុម្ភៈ ឆ្នាំ២០២២ កម្លាំងជំនាញកងរាជអាវុធហត្ថខេត្តកំពង់ចាម ចុះបង្រ្កាបករណីជួញដូរ ឬប្រើប្រាស់ដោយខុសច្បាប់នូវសារធាតុញៀន នៅចំណុចក្នុងវត្តថ្មគោល ស្ថិតនៅភូមិថ្មគោល ឃុំរអាង ស្រុកកំពង់សៀម ខេត្តកំពង់ចាម ដោយបានឃាត់ខ្លួនជនសង្ស័យបានចំនួន០៣នាក់ និងចាប់យកវត្ថុតាងមួយចំនួន។ បច្ចុប្បន្ន ជនសង្ស័យ និងវត្ថុតាងត្រូវបានមន្ត្រីជំនាញកងរាជអាវុធហត្ថខេត្តកំពង់ចាម កសាងសំណុំរឿងតាមនីតិវិធី។

បន្ទាយមានជ័យ៖ កម្លាំងអាវុធហត្ថខេត្តបន្ទាយមានជ័យ បញ្ជូនជនសង្ស័យម្នាក់ និងវត្ថុតាង ទៅសាលាដំបូងខេត្តចាត់ការតាមនីតិវិធីពាក់ព័ន្ធនឹងករណីជួញដូរ ឬប្រើប្រាស់ដោយខុសច្បាប់នូវសារធាតុញៀន ដែលកម្លាំងបង្ក្រាបនៅវេលាម៉ោង២១និង១០នាទី ថ្ងៃទី២៧ ខែកុម្ភៈ ឆ្នាំ២០២៣ នៅចំណុចភូមិតារាងបាល់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។

បាត់ដំបង៖ អនុវត្តតាមបទបញ្ជាយ៉ាងម៉ឹងម៉ាត់ លោក ឧត្តមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ដខេត្តបាត់ដំបង នៅវេលាម៉ោង ២១:១០នាទី ថ្ងៃទី២៧ ខែកុម្ភៈ ឆ្នាំ២០២៣ កម្លាំងមន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថខេត្តបាត់ដំបង បានចុះបង្ក្រាបករណីជួញដូរ ឬប្រើប្រាស់ដោយខុសច្បាប់នូវសារធាតុញៀន ស្ថិតនៅភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង និងបានឃាត់ខ្លួនសង្ស័យម្នាក់ ឈ្មោះ ស៊ឹម ចាន់ធី ភេទស្រី អាយុ៤៣ឆ្នាំ មុខរបរកម្មករ ទីលំនៅភូមិវត្តគរ សង្កាត់វត្តគរ…

មណ្ឌលគិរី៖ នៅថ្ងៃទី២៧ ខែកុម្ភៈ ឆ្នាំ២០២៣ លោក វរសេនីយ៍ឯក ភោគ ចន្ធី មេបញ្ជាការរង កងរាជអាវុធហត្ថខេត្តមណ្ឌលគិរី បានដឹកនាំកម្លាំង សហការជាមួយខណ្ឌរដ្ឋបាលព្រៃឈើខេត្ត និងនគរបាលក្រុងសែនមនោរម្យ ដោយមានការសម្របសម្រួលនីតិវិធី ពីលោក ស៊ាវ ងីឈាន់ ព្រះរាជអាជ្ញារងអមសាលាដំបូងខេត្តមណ្ឌលគិរី បានចុះស្រាវជ្រាវ និងបង្ក្រាបបទល្មើសព្រៃឈើករណីប្រមូលនិង សន្និធិផល អនុផលព្រៃឈើគ្មានលិខិតអនុញ្ញាតមួយកន្លែង (អញ្ញាតជន) ស្ថិតក្នុងភូមិឡៅការ សង្កាត់សុខដុម ក្រុងសែនមនោរម្យ ខេត្តមណ្ឌលគិរី។ បច្ចុប្បន្នវត្ថុតាង យកមករក្សាទុកនៅខណ្ឌរដ្ឋបាលព្រៃឈើខេត្តមណ្ឌលគិរីដើម្បីចាត់ការបន្ត។

កំពត៖ ដោយបានការអនុញ្ញាតពី លោកឧត្តមសេនីយ៍ មេបញ្ជាការ កងរាជអាវុធហត្ថខេត្តកំពត និងមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តកំពតនៅវេលាម៉ោង១១:១៥នាទី ថ្ងៃទី២៦ ខែកុម្ភៈ ឆ្នាំ២០២៣ កម្លាំងជំនាញបានចុះបង្ក្រាបមុខសញ្ញាជួញដូរ ឬប្រើប្រាស់ដោយខុសច្បាប់នូវសារធាតុញៀន នៅភូមិកំពង់បាយខាងត្បូង សង្កាត់កំពង់បាយ ក្រុងកំពត ខេត្តកំពត ដោយបានឃាត់ខ្លួនជនសង្ស័យបានចំនួន ០៣នាក់ និងវត្ថុតាងមួយចំនួនមាន គ្រឿងញៀន០៥កញ្ចប់ (ពីរកញ្ចប់ធំបីកញ្ចប់តូច)ទម្ងន់៩,៨៤ក្រាម ថ្លឹងទាំងសំបក់ថង់ ទូរស័ព្ទចំនួន០២គ្រឿង ម៉ូតូចំនួន០១គ្រឿង ជញ្ជីងថ្លឹងគ្រឿងញៀនចំនួន ០១។ បច្ចុប្បន្នជនសង្ស័យ និងវត្ថុតាង ត្រូវបានចាត់ការតាមនីតិវិធី។