កណ្តាល ៖ នៅយប់ថ្ងៃទី១៤  ខែតុលា ឆ្នាំ ២០២០ លោកឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្ដាល បានដឹកនាំកម្លាំងចុះត្រួតពិនិត្យស្ថានភាពទឹកជំនន់និងអន្តរាគមន៍ ក្នុងភូមិសាស្ត្រខេត្ត តាមបណ្តាក្រុង ស្រុក និងសំណេះសំណាលសួរសុខទុក្ខដល់កងកម្លាំងត្រៀមអន្តរាគមន៍ជួយសង្គ្រោះប្រជាពលរដ្ឋ ដែលរងគ្រោះដោយជំនន់ទឹកភ្លៀង។    

ស្ទឹងត្រែង ៖ នៅព្រឹកថ្ងៃទី១២ ខែតុលា ឆ្នាំ២០២០ លោកឧត្តមសេនីយ៍ត្រី អៀង វ៉ាន់ឌី មេបញ្ជាការកងរាជអាវុធហត្ថខេត្តស្ទឹងត្រែង បានដឹកនាំកម្លាំងកងរាជអាវុធហត្ថខេត្ត ចូលរួមឣមដំណើរឯកឧត្តម ម៉ុម សារឿន ឣភិបាលនៃគណឣភិបាលខេត្តស្ទឹងត្រែង ចុះពិនិត្យទឹកជំនន់ដែលកំពុងតែជន់លិច និងសួរសុខទុក្ខប្រជាពលរដ្ឋចំនួន២ភូមិ​ គឺ ភូមិ កែស និងភូមិដូង ឃុំកាំងចាម ស្រុកថាឡាបរិវ៉ាត់ ខេត្តស្ទឹងត្រែង៕  

កំពង់ស្ពឺ ៖ នៅរសៀលថ្ងៃទី១៤ ខែតុលា ឆ្នាំ២០២០ ដោយទទួលបានបញ្ជាពី លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលកងយោធលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស និងបានការដឹកនាំដ៏ខ្ពង់ខ្ពស់របស់ឯកឧត្តម យឹម សុខុម ប្រធានក្រុមប្រឹក្សាខេត្តកំពង់ស្ពឺ និងឯកឧត្តម វ៉ី សំណាង អភិបាល នៃគណអភិបាលខេត្តកំពង់ស្ពឺ បានដឹកនាំកងកម្លាំងទាំងបីប្រភេទ និងមន្ទីរជំនាញជុំវិញខេត្ត ចុះជួយសង្គ្រោះប្រជាពលរដ្ឋងាយរងគ្រោះដោយសារជំនន់ទឹកភ្លៀង ក្នុងភូមិសាស្ត្រ ភូមិថ្មី សង្កាត់កណ្តោលដុំ ក្រុងច្បារមន មកកាន់ទីទួលមានសុវត្ថិភាព។

សៀលថ្ងៃទី១៤ ខែតុលា ឆ្នាំ២០២០ លោកឧត្តមសេនីយ៍ត្រី ជូ សារុន មេបញ្ជាការ ប្រមូលផ្តុំកម្លាំងត្រៀមអន្តរាគមន៍ ជួយបងប្អូនប្រជាពលរដ្ឋដែលរងគ្រោះដោយជំនន់ទឹកភ្លៀង!

ភ្នំពេញ៖ នាព្រឹកថ្ងៃទី១៤ ខែតុលា ឆ្នាំ២០២០ ដោយបានទទួលបទបញ្ជាពី លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស កម្លាំងកងរាជអាវុធហត្ថលើផ្ទៃប្រទេស និងកម្លាំងកងរាជអាវុធហត្ថរាជធានីភ្នំពេញ បានចុះអន្តរាគមន៍ជួយសង្គ្រោះពលរដ្ឋដែលរងគ្រោះដោយសារជំនន់ទឹកទឹកភ្លៀង កម្លាំងបានចុះដល់គោលដៅ និងកំពុងចូលរួមអន្តរាគមន៍ចុះជួយសង្គ្រោះបន្ទាន់ដល់ប្រជាពលរដ្ឋដែលកំពុងរងគ្រោះដោយទឹកជំនន់តាមសណ្តរស្ទឹងព្រែកត្នោតក្នុងភូមិសាស្ត្រមួយចំនួនក្នុងខណ្ឌដង្កោ មានដូចជា សង្កាត់រលួល សង្កាត់ទៀន សង្កាត់គងនយ និងសង្កាត់ស្ពានថ្ម៕

ពោធិ៍សាត់៖ ព្រឹកថ្ងៃទី៩ ខែតុលា ឆ្នាំ២០២០ កម្លាំងកងរាជអាវុធហត្ថខេត្តពោធិ៍សាត់ ដឹកនាំដោយលោក វរសេនីយ៍ឯក សូ សុវណ្ណឌី មេបញ្ជាការ កងរាជអាវុធហត្ថខេត្តពោធិ៍សាត់ បានចុះជួយទប់ទឹកជំនន់ហូរចូលភូមិប្រជាពលរដ្ឋតាមបណ្ដោយដងស្ទឹងពោធិ៍សាត់ ចំនួន១១កន្លែង មានប្រវែង ១,៣៥៥ម៉ែត្រ ស្ថិតក្នុងឃុំវាល ស្រុកកណ្តៀង ខេត្តពោធិ៍សាត់ ។

បាត់ដំបង ៖ ព្រឹកថ្ងៃទី០៩ ខែតុលា ឆ្នាំ២០២០ លោក ឧត្តមសេនីយ៍ត្រី មាស សុវណ្ណ មេបញ្ជាការ កងរាជអាវុធហត្ថខេត្តបាត់ដំបង ដឹកនាំកម្លាំងចុះជួយប្រជាពលរដ្ឋ ដែលបានរងគ្រោះដោយសារជំនន់ទឹកភ្លៀង បាក់ទំនប់ទឹកហុងបាសាក់ ប្រវែង ៥០ម៉ែត្រ បណ្ដាលឲ្យលិចផ្ទះប្រជាពលរដ្ឋចំនួន ២ឃុំគឺឃុំបាសាក់មានចំនួន ៨ភូមិ និងឃុំព្រែកជីកមានចំនួន ៧ភូមិនៅក្នុងស្រុករុក្ខគីរី ខេត្តបាត់ដំបង។