បាត់ដំបង៖ យោងតាមបទបញ្ជារបស់លោក ឧត្តមសេនីយ៍ត្រី ហែម វុទ្ធី មេបញ្ជាការកងរាជអាវុធហត្ថខេត្តបាត់ដំបង នៅវេលាម៉ោង១៨ :០០នាទី ថ្ងៃទី២៩ ខែឧសភា ឆ្នាំ២០២៣ លោក វរសេនីយ៍ទោ សូ ឌី ប្រធានមន្ទីរស្រាវជ្រាវ និងបង្រ្កាបបទល្មើសកងរាជអាវុធហត្ថខេត្តបាត់ដំបង បានដឹកនាំកម្លាំងជំនាញ ចុះបង្រ្កាបករណីជួញដូរ ឬប្រើប្រាស់ដោយខុសច្បាប់នូវសារធាតុញៀន នៅភូមិដំណាក់ហ្លួង សង្កាត់វត្ដគរ ក្រុងបាត់ដំបង ខេត្តបាត់ដំបង បានឃាត់ខ្លួនជនសង្ស័យ០៧ នាក់ និងចាប់យកវត្ថុតាង់ពាក់ព័ន្ធមួយចំនួន។ បច្ចុប្បន្នជនសង្ស័យ និង វត្ថុតាង…

អាវុធហត្ថខេត្តបន្ទាយមានជ័យ កាលពីថ្ងៃទី២៦ ខែឧសភា ឆ្នាំ២០២៣ បានបញ្ជូនជនសង្ស័យ ម្នាក់ទៅសាលាដំបូងខេត្តចាត់ការតាមនីតិវិធី ពាក់ព័ន្ធនឹងករណីជួញដូរដោយខុសច្បាប់នូវសារធាតុញៀន។

កោះកុង៖ នៅវេលាម៉ោង១៤:០៥នាទី ថ្ងៃទី២៦ ខែឧសភា ឆ្នាំ២០២៣ កម្លាំងកងរាជអាវុធហត្ថខេត្តកោះកុង សហការជាមួយកម្លាំងសាខាគយ និងរដ្ឋាករ ឃាត់ចាប់រថយន្តសង្ស័យគ្មានបង្កាន់ដៃពន្ធនាំចូល០១គ្រឿងម៉ាក LEXUS RX 330 ពណ៌ខ្មៅ ឆ្នាំផលិត២០០៤ ពាក់ស្លាកលេខក្លែងក្លាយ ភ្នំពេញ2AE-8744 ត្រូវបានម្ចាស់ចតនៅទល់មុខការ៉ាស់ជួសជុលរថយន្ត ខាងកើតមន្ទីរបរិស្ថានខេត្តកោះកុង ក្នុងភូមិសាស្រ្តភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។ បច្ចុប្បន្នរថយន្តសង្ស័យខាងលើ ត្រូវបានកម្លាំងគយនាំមករក្សាទុកនៅក្នុងសាខាគយនិងរដ្ឋាករខេត្តកោះកុងតាមនីតិវិធី៕

ភ្នំពេញ៖ កម្លាំងជំនាញការិយាល័យប្រឆាំងបទល្មើសគ្រឿងញៀន កងរាជអាវុធហត្ថរាជធានីភ្នំពេញ បានចុះបង្រ្កាបនិងឃាត់ខ្លួនជនសង្ស័យចំនួន ០៦នាក់ ជាបន្តបន្ទាប់ ពាក់ព័ន្ធករណីជួញដូរ ឬប្រើប្រាស់នូវសារធាតុញៀនដោយខុសច្បាប់ ដែលប្រតិបត្តិការនេះធ្វើឡើងកាលពីថ្ងៃទី១៩-២០ ខែឧសភា ឆ្នាំ២០២៣ នៅចំណុចផ្លូវបេតុង ភូមិទួលពង្រ សង្កាត់ចោមចៅ១ ខណ្ឌពោធិ៍សែនជ័យ និងបន្ទប់ជួលលេខ4Bជាន់ទី១ ផ្លូវលំ ភូមិត្រពាំងចេក សង្កាត់ចោមចៅ១ ខណ្ឌពោធិ៍សែនជ័យ និងមួយកន្លែងទៀតនៅចំណុចបន្ទប់ជួលលេខ២២ជាន់ទី២ ផ្លូវបេតុង ភូមិដំណាក់ធំ៣ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ដោយចាប់យកវត្ថុតាងពាក់ព័ន្ធមួយចំនួនទៀត។ បច្ចុប្បន្នជនសង្ស័យទាំង ០៦នាក់ រួមនឹងវត្ថុតាងត្រូវបានកម្លាំងជំនាញការិយាល័យប្រឆាំងបទល្មើសគ្រឿងញៀននៃកងរាជអាវុធហត្ថរាជធានីភ្នំពេញ…

ព្រះសីហនុ៖ នៅវេលាម៉ោង១:២០នាទីយប់ ថ្ងៃទី២៤ ខែឧសភា ឆ្នាំ២០២៣ មានករណីគ្រោះអគ្គីភ័យឆេះរថយន្តសេរីទំនើប ០១គ្រឿង ម៉ាក Range Rover ផ្លាកលេខ កម្ពុជា 𝐅𝐂𝐀𝐈1668 ពណ៌ស ស្ថិតចំណុចក្រុមទី១ ភូមិ៦ សង្កាត់លេខ៤ ក្រុងព្រះសីហនុ ដោយមូលហេតុបណ្តាលមកពីឆ្លងចរន្តអគ្គិសនី និងឆេះខូតខាតរថយន្ត ០១គ្រឿងស្ទើរទាំងស្រុង។ បន្ទាប់ពីទទួលបានព័ត៌មាននេះ កម្លាំងជំនាញនៃការិយាល័យជំនួយមនុស្សធម៌ និងសង្គ្រោះគ្រោះមហន្តរាយ កងរាជអាវុធហត្ថខេត្តព្រះសីហនុ និងកម្លាំងមូលដ្ឋានកងរាជអាវុធហត្ថក្រុងព្រះសីហនុ បានចេញអន្តរាគមន៍ជួយសង្រ្គោះបាញ់ទឹកពន្លត់ភ្លើង ដោយចូលរួមសហការជាមួយកម្លាំងនគរបាលផ្នែកពន្លត់អគ្គីភ័យនៃស្នងការដ្ឋាននគរបាលខេត្ត ពន្លត់ឱ្យលត់ទៅវិញនៅម៉ោង១:៥០នាទីយប់ ថ្ងៃខែឆ្នាំដដែល។

តាកែវ៖ វេលាម៉ោង១២:៣០នាទី ថ្ងៃទី២៣ ខែឧសភា ឆ្នាំ២០២៣ កម្លាំងមន្ទីរស្រាវជ្រាវនិងបង្ក្រាបបទល្មើស កងរាជអាវុធហត្ថខេត្តតាកែវ ដឹកនាំដោយលោក វរសេនីយ៍ត្រី ចាន់ ជៀប អនុប្រធានមន្ទីរ បានចុះបង្ក្រាបករណីជួញដូរ និងប្រើប្រាស់ដោយខុសច្បាប់នូវសាធាតុញៀន នៅចំណុចភូមិស្លា ឃុំតាអូ ស្រុកគិរីវង់ ខេត្តតាកែវ ដោយឃាត់ខ្លួនជនសង្ស័យបានចំនួន ០៣នាក់ និងចាប់យកវត្ថុតាងពាក់ព័ន្ធមួយចំនួនទៀត។ បច្ចុប្បន្នជនសង្ស័យ រួមនឹងវត្ថុតាងត្រូវបានមន្ត្រីជំនាញកសាងសំណុំរឿងតាមនីតិវិធី។

កណ្តាល៖ ថ្ងៃទី២២ ខែឧសភា ឆ្នាំ២០២៣ កម្លាំងមូលដ្ឋានកងរាជអាវុធហត្ថស្រុកកណ្តាលស្ទឹង ខេត្តកណ្តាលបានចុះបង្ក្រាបករណីប្រើប្រាស់ដោយខុសច្បាប់នូវសារធាតុញៀន ស្ថិតក្នុងឃុំគោកត្រប់ ស្រុកកណ្តាលស្ទឹង ខេត្តកណ្តាល ដោយបានឃាត់ខ្លួនជនសង្ស័យបានចំនួន ០១នាក់ និងចាប់យកវត្ថុតាងពាក់ព័ន្ធមួយចំនួនទៀត។ បច្ចុប្បន្នជនសង្ស័យ និងវត្ថុតាងត្រូវបានសមត្ថកិច្ចកងរាជអាវុធហត្ថខេត្តកណ្តាល កសាងសំណុំរឿងបញ្ជូនទៅសាលាដំបូងខេត្តតាមនីតិវិធី។

បាត់ដំបង៖ យោងតាមបទបញ្ជារបស់លោក ឧត្តមសេនីយ៍ត្រី ហែម វុទ្ធី មេបញ្ជាការកងរាជអាវុធហត្ថខេត្តបាត់ដំបង នៅវេលាម៉ោង១៤:២០នាទី ថ្ងៃទី២៣ ខែឧសភា ឆ្នាំ២០២៣ លោក វរសេនីយ៍ទោ សូ ឌី ប្រធានមន្ទីរស្រាវជ្រាវ និងបង្រ្កាបបទល្មើស បានដឹកនាំកម្លាំងជំនាញចុះបង្រ្កាបករណីជួញដូរដោយខុសច្បាប់នូវសារធាតុញៀន ស្ថិតក្នុងភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង ដោយឃាត់ខ្លួនជនសង្ស័យបានចំនួន ០២នាក់ និងចាប់យកវត្ថុតាងពាក់ព័ន្ធមួយចំនួនទៀត។ បច្ចុប្បន្នជនសង្ស័យ និងវត្ថុតាងត្រូវបានកម្លាំងជំនាញកំពុងចាត់ការតាមនីតិវិធី ។

កណ្តាល៖ ថ្ងៃទី២១ ខែឧសភា ឆ្នាំ២០២៣ ដោយមានការដឹកនាំ ចង្អុលបង្ហាញផ្ទាល់ពីលោក ឧត្តមសេនីយ៍ មេបញ្ជាការកងរាជអាវុធហត្ថខេត្តកណ្តាល និងមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្ត កម្លាំងជំនាញ កងរាជអាវុធហត្ថស្រុកមុខកំពូលបានចុះបង្ក្រាបករណីរក្សាទុក និងប្រើប្រាស់ដោយខុសច្បាប់នូវសារធាតុញៀន ស្ថិតក្នុងឃុំព្រែកអញ្ចាញ ស្រុកមុខកំពូល ខេត្តកណ្តាលដោយឃាត់ខ្លួនជនសង្ស័យបានចំនួន ០១នាក់ និងចាប់យកវត្ថុតាងពាក់ព័ន្ធមួយចំនួនទៀត។ បច្ចុប្បន្នជនសង្ស័យ និងវត្ថុតាងត្រូវបានកម្លាំងជំនាញកងរាជអាវុធហត្ថខេត្តកណ្តាល បានកសាងសំណុំរឿង បញ្ជូនទៅសាលាដំបូងខេត្តតាមនីតិវិធី។

ក្រចេះ៖ នៅថ្ងៃទី២៣ ខែឧសភា ឆ្នាំ២០២៣ កម្លាំងការពារវត្ថុតាង ដែលឈរជើងនៅក្នុងក្រុមហ៊ុន "ស៊ីងបាយអូរថេក" សហការជាមួយជំនាញរដ្ឋបាលព្រៃឈើព្រែកប្រសព្វ បានធ្វើការបញ្ជូនវត្ថុតាងបទល្មើសព្រៃឈើ គឺរថយន្ដ១គ្រឿង ប្រភេទវ៉េអង សណ្ដោងរ៉ឺម៉ក ក្បាលពណ៌ខៀវ ពាក់ស្លាកលេខ ភ្នំពេញ 3C-9060 ដឹកឈើហ៊ុបមូល ដែលកម្លាំងល្បាតប្រទះឃើញកាលពីថ្ងៃទី២១ ខែឧសភា ឆ្នាំ២០២៣ នៅចំណុចនិយាមកា (៦០១៥១៤-១៤៣៣៣៦៧) នៅក្នុងតំបន់៣ របស់ក្រុមហ៊ុន "ស៊ីងបាយអូរថេក" យកមករក្សាទុកនៅក្នុងទីតាំងក្រុមហ៊ុន "ស៊ីងបាយអូរថេក" ស្ថិតក្នុងភូមិអាជេន ឃុំកំពង់ចាម ស្រុកសំបូរ…