កោះកុង៖ នៅថ្ងៃទី១១ ខែឧសភា ឆ្នាំ២០២៣ កម្លាំងកងរាជអាវុធហត្ថខេត្តកោះកុង បានចុះសហការជាមួយកម្លាំងសាខាគយ និងរដ្ឋាករខេត្តឃាត់ចាប់រថយន្តសង្ស័យគ្មានបង្កាន់ដៃពន្ធនាំចូល ១គ្រឿងម៉ាក TOYOTA CAMRY (HYBRID) ពណ៌ស ឆ្នាំផលិត ២០១១ ចង្កូតស្តាំ ពាក់ស្លាកលេខក្លែងក្លាយ ភ្នំពេញ2AB -3517 ពេលដែលម្ចាស់កំពុងបើកបរនៅតាមដងផ្លូវត្រង់ចំណុចគល់ស្ពានត្រើយខាងលិច ទល់មុខទីស្នាក់ការសន្តិសុខ មូលដ្ឋានកងរាជអាវុធហត្ថស្រុកមណ្ឌលសីមា ក្នុងភូមិនាងកុក ឃុំប៉ាក់ខ្លង ស្រុកមណ្ឌលសីមា ខេត្តកោះកុង។ បច្ចុប្បន្នមន្ត្រីជំនាញបានប្រគល់ជូន កម្លាំងសាខាគយ និងរដ្ឋាករខេត្តចាត់ការបន្ត។

ព្រះវិហារ៖ នៅវេលាម៉ោង១៥:៣៥នាទី ថ្ងៃទី១២ ខែឧសភា ឆ្នាំ២០២៣ កម្លាំងមូលដ្ឋានកងរាជអាវុធហត្ថស្រុកគូលែន ដឹកនាំដោយលោក អនុសេនីយ៍ឯក ចាន់ ស៊ី មេញ្ជាការរងមូលដ្ឋានកងរាជអាវុធស្រុក សហការជាមួយកម្លាំងបរិស្ថានដែនជម្រកសត្វព្រៃគូលែនព្រហ្មទេព កម្លាំងសហគមន៍ព្រៃផ្ដៅ ធ្វើការឃាត់ចាប់យកសន្និធិឈើអារប្រភេទលេខ១ ឈើសុក្រំចំនួន ០១ម៉ែត្រគូប ឈើផ្ចឹកចំនួន ០,៩ម៉ែត្រគូប ក្ដារចំរុះចំនួន ០,៤ម៉ែត្រគូប សរុបឈើទាំងអស់ចំនួន ២.៣ ម៉ែត្រីគុណ ស្ថិតនៅដីឡូត៍ ឈ្មោះ ឌឿន ចំណុចតែល ភូមិសម្បូរ ឃុំស្រយង់ ស្រុកគូលែន។…

ព្រះវិហារ៖ ថ្ងៃទី១០ ខែឧសភា ឆ្នាំ២០២៣ វេលាម៉ោង១៣:៣០នាទី កម្លាំងមូលដ្ឋាន កងរាជអាវុធហត្ថស្រុកឆែប ខេត្តព្រះវិហារ ដឹកនាំដោយលោក វរសេនីយ៍ត្រី សុខ សយ អនុប្រធាន មន្ទីរស្រាវជ្រាវ និងបង្ក្រាបបទល្មើស បានធ្វើការសហការជាមួយកម្លាំងផ្នែកសឹករងឆែប និងមន្ត្រីឧទ្យានុរក្ស ដែនជម្រកសត្វព្រៃព្រះរកា-ឆែប ចុះមកទីតាំងស្តុកសន្និធិឈើអារចំនួន ០២កន្លែង ដោយគ្មានលិខិតអនុញ្ញាតរួមមាន៖ ១.ចំណុចណាំសាម UTM(551032-1556503) ស្ថិតក្នុងភូមិខាំកឺត ឃុំកំពង់ស្រឡៅមួយ ស្រុកឆែប ខេត្តព្រះវិហារ។ ២.ចំណុចព្រីងចាស់ UTM(551037-1556493) ស្ថិតក្នុងភូមិខាំកឺត…

កំពត៖ អនុវត្តបទបញ្ជាការ លោកឧត្តមសេនីយ៍ មេបញ្ជាការ កងរាជអាវុធហត្ថខេត្តកំពត និងសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តកំពត នៅវេលាម៉ោង ០១:៤៨នាទី ថ្ងៃទី១០ ខែឧសភា ឆ្នាំ២០២៣ កម្លាំងជំនាញការិយាល័យប្រឆាំងគ្រឿងញៀន មន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថខេត្តកំពត ដឹកនាំដោយលោកវរសេនីយ៍ឯក សេង វិច្ឆិកា មេបញ្ជាការរង ទទួលជំនាញគ្រឿងញៀន បានចុះបង្ក្រាបមុខសញ្ញាជួញដូរ និងប្រើប្រាស់ដោយខុសច្បាប់នូវសារធាតុញៀន នៅចំណុចភូមិទ្វីខាងត្បូង សង្កាត់អណ្ដូងខ្មែរ ក្រុងកំពត ខេត្តកំពត ដោយបានឃាត់ខ្លួនជនសង្ស័យចំនួន០២នាក់ និងចាប់យកវត្ថុតាងពាក់ព័ន្ធមួយចំនួន។ បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្តកសាងសំណុំរឿតតាមនីតិវិធី។

កំពត៖ អនុវត្តបទបញ្ជា លោក ឧត្តមសេនីយ៍ មេបញ្ជាការ កងរាជអាវុធហត្ថខេត្តកំពត និងមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តកំពត នៅវេលាម៉ោង ២៣:៤៥នាទី ថ្ងៃទី០៩ ខែឧសភា ឆ្នាំ២០២៣ កម្លាំងជំនាញការិយាល័យប្រឆាំងគ្រឿងញៀន មន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថខេត្តកំពត និងកម្លាំអមូលដ្ឋានកងរាជអាវុធហត្ថក្រុងកំពត ដឹកនាំដោយលោក វរសេនីយ៍ឯក សេង វិច្ឆិកា មេបញ្ជាការរង ទទួលជំនាញគ្រឿងញៀន បានចុះបង្ក្រាបមុខសញ្ញាជួញដូរ និងប្រើប្រាស់ដោយខុសច្បាប់នូវសារធាតុញៀន នៅចំណុចភូមិភូមិទ្វីខាងត្បូង សង្កាត់អណ្តូងខ្មែរ ក្រុងកំពត ខេត្តកំពត ដោយបានឃាត់ខ្លួនជនសង្ស័យជាបន្តបន្ទាប់ចំនួន ០៣នាក់ និងបានវត្ថុតាងពាក់ព័ន្ធមួយចំនួន។…

ព្រៃវែង៖ នៅវេលាម៉ោង១៤:៣០នាទី ថ្ងៃទី០៨ ខែឧសភា ឆ្នាំ២០២៣ កម្លាំងជំនាញមន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថខេត្ត និងកម្លាំងមូលដ្ឋានកងរាជអាវុធហត្ថស្រុកពាមរក៍ បានចុះបង្ក្រាបបទល្មើសគ្រឿងញៀន នៅចំណុចផ្ទះសំណាក់ប៉ក់សំណាង ស្ថិតក្នុងភូមិ០៦ ឃុំព្រែកខ្សាយ (ខ) ស្រុកពាមរក៍ ខេត្តព្រៃវែង ដោយបានឃាត់ខ្លួនជនសង្ស័យចំនួន ០២នាក់ និងចាប់យកវត្ថុតាងពាក់ព័ន្ធមួយចំនួន។ បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញកសាងសំណុំរឿងតាមនីតិវិធី។

បន្ទាយមានជ័យ៖ ព្រឹកថ្ងៃអង្គារ ទី០៩ ខែឧសភា ឆ្នាំ២០២៣ កម្លាំងជំនាញអាវុធហត្ថខេត្តបន្ទាយមានជ័យ បានបញ្ជូនជនសង្ស័យម្នាក់ទៅសាលាដំបូងខេត្តចាត់ការតាមនីតិវិធី ពាក់ព័ន្ធករណីរក្សាទុក និងប្រើប្រាស់ដោយខុសច្បាប់នូវសារធាតុញៀនដែលកម្លាំងបង្ក្រាបបានកាលពីថ្ងៃទី០៨ ខែឧសភា ឆ្នាំ២០២៣ នៅចំណុចបន្ទប់ទឹក កាស៊ីណូប៉ារ៉ាមិច ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។

បាត់ដំបង៖ យោងតាមបទបញ្ជារបស់លោកឧត្តមសេនីយ៍ត្រី ហែម វុទ្ធី មេបញ្ជាការកងរាជអាវុធហត្ថខេត្តបាត់ដំបង នៅវេលាម៉ោង១៥:៣០នាទី ថ្ងៃទី០៧ ខែឧសភា ឆ្នាំ២០២៣ លោកអនុសេនីយ៍ឯក យួម សាយឿត មេបញ្ជាការ មូលដ្ឋានកងរាជអាវុធហត្ថស្រុកសង្កែ បានដឹកនាំកម្លាំងកងរាជអាវុធហត្ថចុះបង្ក្រាបកណី ជួញដូរដោយខុសច្បាប់នូវសារធាតុញៀន នៅភូមិអូរស្រឡៅ ឃុំវត្តតាមិម ស្រុកសង្កែ ខេត្តបាត់ដំបង និងឃាត់ខ្លួនជនសង្ស័យចំនួន ០៤នាក់ និងចាប់យកវត្ថុតាងពាក់ព័ន្ធមួយចំនួន។ បច្ចុប្បន្នជនសង្ស័យ និងវត្ថុតាងត្រូវបានកម្លាំងជំនាញកសាងសំណុំរឿងចាត់ការតាមនីតិវិធី។

ឧត្តរមានជ័យ៖ នៅថ្ងៃទី០៦ ខែឧសភា ឆ្នាំ២០២៣ លោក អនុសេនីយ៍ឯក ប៊ុត សាវុទ្ធ នាយការិយាល័យប្រឆាំងគ្រឿងញៀន កងរាជអាវុធហត្ថខេត្តឧត្តរមានជ័យ សហការជាមួយកម្លាំងមូលដ្ឋានកងរាជអាវុធហត្ថស្រុកអន្លង់វែង បានចុះបង្ក្រាបករណីជួញដូរដោយខុសច្បាប់នូវសារធាតុញៀន នៅភូមិអូរគគីកណ្តាល ឃុំអន្លង់វែង ស្រុកអន្លង់វែង ខេត្តឧត្តរមានជ័យ ដោយបានឃាត់ខ្លួនជនសង្ស័យចំនួន ០២នាក់ និងចាប់យកវត្ថុតាងមួយចំនួន។ បច្ចុប្បន្នជនសង្ស័យ និងវត្ថុតាងត្រូវបានកម្លាំងជំនាញកំពុងកសាងសំណុំរឿងតាមនីតិវិធី។

ព្រះសីហនុ៖ អនុវត្តតាមបទបញ្ជាដ៏ម៉ឹងម៉ាត់លោក ឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ នៅវេលាម៉ោង ១៥:៣០នាទី ថ្ងៃទី០៥ ខែឧសភា ឆ្នាំ២០២៣ កម្លាំងជំនាញ នៃការិយាល័យប្រឆាំងគ្រឿងញៀន មន្ទីរស្រាវជ្រាវ និងបង្រ្កាបបទល្មើស កងរាជអាវុធហត្ថខេត្ត បានកសាងសំណុំរឿងបញ្ជូនជនសង្ស័យប្រុស ស្រី ចំនួន ១៩នាក់ រួមនឹងវត្ថុតាងមួយចំនួន ទៅអយ្យការអមសាលាដំបូងខេត្ត ពាក់ព័ន្ធនឹងករណី ជួញដូរដោយខុសច្បាប់នូវសារធាតុញៀន ដែលកម្លាំងបង្រ្កាបបានចំនួន ០៣លើក ក្នុងភូមិសាស្រ្តក្រុងព្រះសីហនុ ខេត្តព្រះសីហនុ។