បាត់ដំបង៖ យោងតាមបទបញ្ជារបស់លោក ឧត្តមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្តបាត់ដំបង នៅវេលាម៉ោង ១៥:៣០ នាទីថ្ងៃទី២៩ ខែសីហា ឆ្នាំ២០២៣ ដឹកនាំបញ្ជាផ្ទាល់ដោយលោក វរសេនីយ៍ត្រី សំ វិឡុង មេបញ្ជាការ មូលដ្ឋានកងរាជអាវុធហត្ថក្រុងបាត់ដំបង បានចុះដល់ភូមិកម្មករ សង្កាត់ស្វាយប៉ោ ក្រុង/ខេត្តបាត់ដំបង បានឃាត់ខ្លួនជនសង្ស័យម្នាក់ឈ្មោះ អ៊ឹង គឹមហួ ភេទប្រុស អាយុ ៣១ឆ្នាំ មុខរបរលក់ដូរ មានទីលំនៅភូមិរំចេក៤ សង្កាត់រតន…

នៅថ្ងៃទី២៩ ខែសីហា ឆ្នាំ២០២៣ មន្ត្រីជំនាញកងរាជអាវុធហត្ថខេត្តបន្ទាយមានជ័យ បានបញ្ជូនជនសង្ស័យជនជាតិថៃម្នាក់ ទៅសាលាដំបូងខេត្ត ដើម្បីអនុវត្តតាមនីតិវិធី  ពាក់ព័ន្ធករណីរក្សាទុក ឬប្រើប្រាស់ដោយខុសច្បាប់នូវសារធាតុញៀន ដែលកម្លាំងបង្ក្រាបបានកាលពីវេលាម៉ោង០២និង០០នាទីថ្ងៃទី២៨  ខែសីហា ឆ្នាំ២០២៣ នៅចំណុចផ្សាររាត្រីទឹកពុះ ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។

ព្រះវិហារ៖ នៅវេលាម៉ោង ២:៣០នាទី ថ្ងៃទី២៩ ខែសីហា ឆ្នាំ២០២៣  នៅចំណុចចំការដំឡូង ស្ថិតក្នុងភូមិស្ដៅ ឃុំស្ដៅ ស្រុកសង្គមថ្មី ខេត្តព្រះវិហារ កម្លាំងអាវុធហត្ថស្រុកសង្គមថ្មី ដឹកនាំដោយលោក អនុសេនីយ៍ទោ ស្រី វណ្ណនី មេបញ្ជាការកងរាជអាវុធហត្ថស្រុកសង្គមថ្មី បានចុះបង្រ្កាបករណីជួញដូរ និងរក្សានូវសារធាតុគ្រឿងញៀន ដោយឃាត់ខ្លួនជនសង្ស័យចំនួន ០៣នាក់ និងចាប់យកវត្ថុតាងពាក់ព័ន្ធមួយចំនួន។ បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញកសាងសំណុំរឿងតាមនីតិវិធី។

តាកែវ៖ ដោយបានទទួលបទបញ្ជាលោក ឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តតាកែវវេលាម៉ោង ១៥ និង៣០នាទី ថ្ងៃទី២៨ ខែសីហា ឆ្នាំ២០២៣ កម្លាំងជំនាញការិយាល័យប្រឆាំងគ្រឿងញៀន សហការជាមួយកម្លាំងមូលដ្ឋានអាវុធហត្ថស្រុកត្រាំកក់ ដឹកនាំដោយលោក វរសេនីយ៍ឯក ង៉ែត ចាន់ធី មេបញ្ជាការរង ទទួលជំនាញស្រាវជ្រាវ និងបង្ក្រាបបទល្មើសបានចុះបង្រ្កាបករណីគ្រឿងញៀននៅចំណុចរោងក្រោយផ្ទះ នៅក្នុងភូមិព្រៃជួរ ឃុំពពេល ស្រុកត្រាំកក់ខេត្តតាកែវ ដោយបានឃាត់ខ្លួនជនសង្ស័យចំនួន ០៤នាក់ និងចាប់យកវត្ថុតាងពាក់ព័ន្ធ។ បច្ចុប្បន្នជនសង្ស័យរួមនឹងវត្ថុតាងមន្ត្រីជំនាញបានកសាងសំណុំរឿងបញ្ជូនទៅអយ្យការអមសាលាដំបូងខេត្តចាត់ការតាមនីតិវិធី។

មណ្ឌលគិរី៖ នៅវេលាម៉ោង១៤:២០នាទី ថ្ងៃទី២៦ ខែសីហា ឆ្នាំ២០២៣ កម្លាំងអាវុធហត្ថស្រុកកែវសីមា ដឹកនាំដោយលោកអនុសេនីយ៍ឯក ទ្រី ស៊ាងហ៊ុច មេបញ្ជាការរងស្រុក សហការជាមួយងាយសង្កាត់ព្រៃឈើកែវសីមា បានឃាត់រថយន្តមួយគ្រឿងម៉ាកហាយឡេនឌ័រពណ៌ទឹកប្រាក់ ពាក់ស្លាកលេខភ្នំពេញ ២AU ២៥២៣ ដឹកឈើប្រណិតប្រភេទបេងចំនួន០៤ដុំ (មិនទាន់វាស់វែង) នៅចំណុចក្រោយផ្សារកែវសីមា ស្ថិតនៅភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគីរី បច្ចុប្បន្នវត្ថុតាងយកទៅរក្សាទុកនៅសង្កាត់រដ្ឋបាលព្រៃឈើកែវសីមាដើម្បីចាត់ការបន្ត។

កណ្តាល ៖ នៅថ្ងៃទី២៥ ខែសីហា ឆ្នាំ២០២៣ កម្លាំងកងរាជអាវុធហត្ថក្រុងអរិយក្សត្រ ខេត្តកណ្តាល បានសហការជាមួយសង្កាត់រដ្ឋបាលព្រៃឈើស្រុកកៀនស្វាយ ឃាត់រថយន្តដឹកឈើ ០១គ្រឿង នៅចំណុចភូមិអរិយក្សត្រ សង្កាត់អរិយក្សត្រ ក្រុងអរិយក្សត្រ ខេត្តកណ្តាល ពាក់ព័ន្ធករណីដឹកជញ្ជូនអនុផលព្រៃឈើ(គ្មានច្បាប់អនុញ្ញាត)។ វត្ថុតាងចាប់យករួមមាន៖ រថយន្ត ០១គ្រឿង, ឈើស្រឡៅ ៩៨កំណាត់ សើ្មនឹង ២,៦៤៦ម៉ែត្រគូប, ឈើក្តារ ២៥សន្លឹក ស្មើនឹង ០,៣៧៥ម៉ែត្រគូប។ បច្ចុប្បន្នជនសង្ស័យ និងវត្ថុតាងកម្លាំងកងរាជអាវុធហត្ថក្រុងអរិយក្សត្រ បានប្រគល់អោយ សង្កាត់រដ្ឋបាលព្រៃឈើស្រុកកៀនស្វាយចាត់ការបន្តតាមនីតិវិធី។

កោះកុង៖ នៅវេលាម៉ោង១៣:៣០នាទី ថ្ងៃទី២៥ ខែសីហា ឆ្នាំ២០២៣ កម្លាំងកងរាជអាវុធហត្ថខេត្តកោះកុង សហការជាមួយនឹងកម្លាំងសាខានិងរដ្ឋាករខេត្តកោះកុង បានឃាត់ចាប់រថយន្តសង្ស័យគ្មានបង្កាន់ដៃពន្ធគយនាំចូល ចំនួន០១គ្រឿង ម៉ាក TOYOTA HIGH LANDER ពណ៌ស ឆ្នាំផលិត២០០៨ ស្លាកលេខក្លែងក្លាយ ភ្នំពេញ ២BU-៩៨៦៦ នៅពេលដែលម្ចាស់កំពុងបើកបរនៅលើផ្លូវមុខព្រលានយន្តហោះខេត្តកោះកុង ក្នុងភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។ បច្ចុប្បន្នរថយន្តសង្ស័យខាងលើត្រូវបាននាំមករក្សាទុក នៅក្នុងសាខាគយ និងរដ្ឋាករខេត្តកោះកុងដើម្បីបន្តអនុវត្តតាមនីតិវិធី៕

កណ្តាល៖ នៅថ្ងៃទី២៣ ខែសីហា ឆ្នាំ២០២៣ កម្លាំងកងរាជអាវុធហត្ថស្រុកកៀនស្វាយ ខេត្តកណ្តាល បន្ទាប់ពីទទួលបានព័ត៌មានពីប្រជាពលរដ្ឋថាមានករណីជួញដូរដោយខុសច្បាប់នូវសារធាតុញៀន ស្ថិតក្នុងឃុំគគីរ ស្រុកកៀនស្វាយ ខេត្តកណ្តាល និងដោយមានការដឹកនាំចង្អុលបង្ហាញផ្ទាល់ពីលោក ឧត្តមសេនីយ៍ មេបញ្ជាការខេត្ត និងមានការសម្របសម្រួលនីតិវិធីពីឯកឧត្តមព្រះរាជអាជ្ញាអមសាលាដំបូងខេត្ត កម្លាំងជំនាញបានចុះដល់ទីកន្លែងជាក់ស្តែង ឃាត់ខ្លួនជនសង្ស័យ០៣នាក់ ភេទប្រុស និងចាប់យកវត្ថុតាងថ្នាំញៀន(ម៉ាទឹកកក) ចំនួន ១១កញ្ចប់, ទូរស័ព្ទ ០៣គ្រឿង, សម្ភារៈប្រើប្រាស់ និងវេចខ្ចប់មួយចំនួន។ បច្ចុប្បន្នជនសង្ស័យ និងវត្ថុតាងសមត្ថកិច្ចកងរាជអាវុធហត្ថខេត្តកណ្តាល បានកសាងសំណុំរឿង បញ្ជូនទៅសាលាដំបូងខេត្តតាមនីតិវិធី។

ត្បូងឃ្មុំ៖ ថ្ងៃទី២៨ ខែសីហា ឆ្នាំ២០២៣ កម្លាំងអាវុធហត្ថខេត្តត្បូងឃ្មុំ សហការចុះបង្ក្រាបទីតាំងផលិតបារីក្លែងក្លាយ កម្លាំងគយចល័តតំបន់៦ ដឹកនាំដោយលោក ព្រាប គារ៉ាត់ ប្រធានការិយាល័យស្រាវជ្រាវ និងបង្ក្រាបអំពើរត់ពន្ធតំបន់៦។ ដោយមានការសម្របសម្រួលពី លោក សូរ សុវិទ្យា ព្រះរាជអាជ្ញារង អមសាលាដំបូងខេត្ត ដោយបានការអនុញ្ញាត និងការណែនាំ លោកឧត្តមសេនីយ៍ត្រី រ័ត្ន ចាន់ណា មេបញ្ជាការ កងរាជអាវុធហត្ថខេត្តត្បូងឃ្មុំ លោកវរសេនីយ៍ឯក ឈុំ សាវឿន មេបញ្ជាការស្តីទីកម្លាំងកងរាជអាវុធហត្ថខេត្ត និងមូលដ្ឋានកងរាជអាវុធហត្ថ…

កំពង់ឆ្នាំង៖ វេលាម៉ោង០៨:៣០នាទីព្រឹក ថ្ងៃទី២៨ ខែសីហា ឆ្នាំ២០២៣ កម្លាំងមូលដ្ឋានកងរាអាវធហត្ថស្រុកជលគិរី ខេត្តកំពង់ឆ្នាំង ដឹកនាំដោយលោក អនុសេនីយ៍ឯក គង់  សុភិន មេបញ្ជាការកងរាជអាវុធហត្ថស្រុក សហការជាមួយកម្លាំងចម្រុះ បង្ក្រាបបទល្មើសនេសាទនៅចំណុចបឹងធំ ស្ថិតក្នុងភូមិកំពង់បាស្រូវ ឃុំជលសា ស្រុកជលគិរី ខេត្តកំពង់ឆ្នាំង ដោយចាប់បានវត្ថុតាងមួយចំនួននឹងបានបំផ្លាញចោលនៅនឹងកន្លែង។