កំពង់ធំ៖ ដោយមានការដឹកនាំ និងចង្អុលបង្ហាញពីលោក ឧត្តមសេនីយ៍ត្រី មាស យ៉ត មេបញ្ជាការកងរាជអាវុធហត្ថខេត្តកំពង់ធំ នៅវេលាម៉ោង១៦ ៣៥នាទី ថ្ងែទី២៧ ខែសីហា ឆ្នាំ២០២៣ កម្លាំងមន្ទីរស្រាវជ្រាវបង្រ្កាបបទល្មើស កងរាជអាវុធហត្ថខេត្តកំពង់ធំ ដឹកនាំដោយលោក អនុសេនីយ៍ឯក សុខ ម៉េងហុង នាយការិយាល័យព្រហ្មទណ្ឌ ដោយមានការសម្របសម្រួលពីព្រះរាជអាជ្ញារងអមសាលាដំបូងខេត្តកំពង់ធំ បានចុះស្រាវជ្រាវបង្ក្រាបករណីប្រើប្រាស់ឯកសារសាធារណក្លែង(រថយន្ត) នៅចំណុចភូមិស្រង៉ៃ ឃុំបល័្លង្ក ស្រុកបារាយណ៍ ខេត្តកំពង់ធំ ដោយបានឃាត់ខ្លួនជនស្ស័យ ០១នាក់  និងរថយន្ត០១គ្រឿង ម៉ាក់លុចស៊ីស៣៣០ ពណ៌ស…

កំពត៖ ដោយបានការអនុញ្ញាតពី លោក ឧត្តមសេនីយ៍ត្រី ចាប សុទ្ធាវុឌ្ឍន៍ មេបញ្ជាការ កងរាជអាវុធហត្ថខេត្តកំពត និងមានការសម្របសម្រួលនីតិវិធីព្រះរាជអាជ្ញាអមសាលាដំបូងខេត្តកំពត នៅវេលាម៉ោង ១៦:១០នាទី ថ្ងៃទី២៧ ខែសីហា ឆ្នាំ២០២៣ កម្លាំងជំនាញការិយាល័យប្រឆាំងគ្រឿងញៀន និងអង្គភាពនគរបាលយុត្តិធម៌នៃ មន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថខេត្តកំពត ដឹកនាំដោយលោកវរសេនីយ៍ឯក សេង វិច្ឆិកា មេបញ្ជាការរង ទទួលជំនាញគ្រឿងញៀន បានចុះបង្ក្រាបមុខសញ្ញាជួញដូរ និងប្រើប្រាស់ដោយខុសច្បាប់នូវសារធាតុញៀន ដោយឃាត់ខ្លួនជនសង្ស័យម្នាក់ និងចាប់យកវត្ថុតាងពាក់ព័ន្ធ នៅចំណុចភូមិដំណាក់អំពិល ឃុំល្អាង ស្រុកដងទង់ ខេត្តកំពត។…

ស្វាយរៀង៖ នៅថ្ងៃទី២៧ ខែសីហា ឆ្នាំ២០២៣ សមត្ថកិច្ចជំនាញនៃការិយាល័យប្រឆាំងគ្រឿងញៀនកងរាជអាវុធហត្ថខេត្តស្វាយរៀង បានបញ្ជូនជនសង្ស័យប្រុសស្រីចំនួន០៦នាក់ ទៅតុលាការដើម្បីផ្ដន្ទាទោសតាមច្បាប់ពាក់ព័ន្ធករណីរក្សាទុក ឬជួញដូរដោយខុសច្បាប់នូវសារធាតុញៀន ដែលកម្លាំងបង្ក្រាបបាលនៅវេលាម៉ោង០៣ និង៣៥នាទី ថ្ងៃទី២៤ ខែសីហា ឆ្នាំ២០២៣ ក្រោមការចង្អុលបង្ហាញពីលោក ឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តស្វាយរៀង កម្លាំងមន្ទីរស្រាវជ្រាវ និងបង្ក្រាបបទល្មើស កងរាជអាវុធហត្ថខេត្ត សហការជាមួយមូលដ្ឋានកងរាជអាវុធហត្ថក្រុងបាវិត ដឹកនាំដោយលោកវរសេនីយ៍ឯក ស្រី វុត្ថា មេបញ្ជាការរងកងរាជអាវុធហត្ថខេត្ត ដោយមានការសម្របសម្រួលពីលោក ឡម ពេងស៊ាន ព្រះរាជអាជ្ញារង នៃអយ្យការអមសាលាដំបូងខេត្តស្វាយរៀង…

តាកែវ៖ ដោយបានទទួលបទបញ្ជា លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តតាកែវ នៅវេលាម៉ោង ៦:៣០នាទី ព្រឹកថ្ងៃទី២៧ ខែសីហា ឆ្នាំ២០២៣ កម្លាំងមូលដ្ឋានកងអាវុធហត្ថស្រុកគិរីវង់ ដឹកនាំដោយលោក អនុសេនីយ៍ឯក យិន កុសល់ មេបញ្ជាការរងស្រុក បានចុះរុករកការដាំដុះកញ្ឆាខុសច្បាប់ស្ថិតនៅលើជូរភ្នំបាយង់កោរប្រទះឃើញទីតាំងការដាំដុះមួយកន្លែងនៅម្ដុំស្វាគយខាងលើ ភូមិដើមបេង ឃុំគិរីចុងកោះ ស្រុកគិរីវង់ ខេត្តតាកែវ ដោយចាប់យកវត្ថុតាងពាក់ព័ន្ធនៅ០៤ទីតាំង ផ្ទៃដីសរុប  ៤៥០ម៉ែត្រការ៉េក ញ្ឆាស្រស់សរុប ១,១១៣ ដើម អាងស្ទុកទឹក ចំនួន ២កន្លែងត្រូវបានកាប់…

កណ្តាល៖ ថ្ងៃទី២៣ ខែសីហា ឆ្នាំ២០២៣ កម្លាំងកងរាជអាវុធហត្ថស្រុកពញាឮ ខេត្តកណ្តាល បន្ទាប់ពីទទួលបានព័ត៌មានពីប្រជាពលរដ្ឋថាមានករណីជួញដូរ ឬប្រើប្រាស់ដោយខុសច្បាប់នូវសារធាតុញៀន ស្ថិតក្នុងឃុំផ្សារដែក ស្រុកពញាឮ ខេត្តកណ្តាល។ ដោយមានការដឹកនាំចង្អុលបង្ហាញផ្ទាល់ពីលោក ឧត្តមសេនីយ៍ មេបញ្ជាការខេត្ត និងមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្ត កម្លាំងជំនាញបានចុះដល់ទីកន្លែងជាក់ស្តែង ឃាត់ខ្លួនជនសង្ស័យ០១នាក់ ភេទប្រុស និងចាប់យកវត្ថុតាងពាក់ព័ន្ធ។ បច្ចុប្បន្នជនសង្ស័យ និងវត្ថុតាងត្រូវបានសមត្ថកិច្ចកងរាជអាវុធហត្ថខេត្តកណ្តាល កសាងសំណុំរឿងបញ្ជូនទៅសាលាដំបូងខេត្តតាមនីតិវិធី។

កោះកុង៖ រសៀលថ្ងៃទី២៤ ខែសីហា ឆ្នាំ២០២៣ កម្លាំងកងរាជអាវុធហត្ថខេត្តកោះកុង សហការជាមួយកម្លាំងសាខាគយ និងរដ្ឋាករខេត្តកោះកុង បានឃាត់ចាប់រថយន្តសង្ស័យគ្មានបង្កាន់ដៃពន្ធគយនាំចូល ០១គ្រឿងម៉ាក LEXUS RX ៣៣០ ពណ៌ស ឆ្នាំផលិត ២០០៤ ពាក់ស្លាកលេខក្លែងក្លាយ ភ្នំពេញ ២AQ-៩៥៤១ នៅពេលដែលម្ចាស់កំពុងបើកបរនៅតាមផ្លូវបេតុងដីឡូតិ៍ ភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។ បច្ចុប្បន្នរថយន្តសង្ស័យខាងលើត្រូវបានកម្លាំងគយនាំមករក្សាទុក នៅក្នុងសាខាគយ និងរដ្ឋាករខេត្តកោះកុងដើម្បីបន្តអនុវត្តតាមនីតិវិធី៕

កំពងស្ពឺ៖ វេលាម៉ោង ១១ និង ២០នាទី ថ្ងៃទី២៤ ខែសីហាឆ្នាំ២០២៣ កម្លាំងមូលដ្ឋានកងរាជអាវុធហត្ថស្រុកភ្នំស្រួច ខេត្តកំពង់ស្ពឺ បានបង្ក្រាបករណីចែកចាយគ្រឿងញៀន ញៀននៅចំណុចស្ថឹតក្នុងភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ដោយបានឃាត់ខ្លួនជនសង្ស័យចំនួន ០១នាក់ ឈ្មោះ ស៊ុ សារត្ន័ ភេទប្រុស អាយុ ៤០ឆ្នាំ មុខរបរមិនពិតប្រាកដ រស់នៅភូមិឃុំកើតហេតុខាងលើ និងបានដកហូតសម្ភារៈមួយចំនួន។ បច្ចុប្បន្នជនសង្ស័យ និងវត្ថុតាងខាងលើត្រូវបានមន្ត្រីជុំនាញកសាងសំណុំរឿងតាមនីតិវិធី។

កំពង់ឆ្នាំង៖ នៅវេលាម៉ោង០៨:៣០នាទីព្រឹក ថ្ងៃទី២៤ ខែសីហា ឆ្នាំ២០២៣ កម្លាំងអាវុធហតស្រុកជលគិរី ខេត្តកំពង់ឆ្នាំង ដឹកនាំដោយលោកអនុសេនីយ៍ឯក គង់ សុភិន មេបញ្ជាការមូលដ្ឋានកងរាជអាវុធហត្ថស្រុក សហការជាមួយកម្លាំងចម្រុះ ចុះបង្ក្រាបបទល្មើសនេសាទនៅចំណុចព្រែកឆ្តោ ស្ថិតនៅក្នុងភូមិព្រែកឆ្តោ ឃុំកំពង់អុស ស្រុកជលគិរី ខេត្តកំពង់ឆ្នាំង ដោយបានរុះរើរបាំងស្បៃមុង ២០កន្លែងប្រវែងសរុប ៨០០ម៉ែត្រ, លូស្បៃមុង ២០មាត់, បង្គោលចម្រុះ ចំនួន ៣៥០ដើម, ចាក់លែងកូនត្រីចម្រុះចំនួនប្រមាណ ៣០០គីឡូក្រាម សម្ភារៈខាងលើត្រូវបានបំផ្លាញចោលនៅនឹងកន្លែង។

រតនគិរី៖ នៅវេលាម៉ោង០៣ និង៣០នាទី កម្លាំងមូលដ្ឋានកងរាជអាវុធហត្ថស្រុកអណ្ដូងមាស ខេត្តរតនគិរី ដឹកនាំដោយលោក វរសេនីយ៍ត្រី ហាក់ ប៊ុន្នី មេបញ្ជាការមូលដ្ឋានកងរាជអាវុធហត្ថស្រុកអណ្ដូងមាស ចុះបង្រ្កាបបទល្មើសធនធានធម្មជាតិ ស្ថិតនៅចំណុចភូមិលោម ឃុំម៉ាលិក ស្រុកអណ្ដូងមាស ខេត្តរតនគិរី ដោយបានចាប់យកឈើ (សត្រាវ) ចំនួន១០ សន្លឹក ស្មើនឹង០.៥០០ ម៉ែត្រគូប និងម៉ូតូចំនួន ០៣គ្រឿង ចំណែកម្ចាស់បានរត់គេចខ្លួនបាត់ បច្ចុប្បន្នវត្ថុតាងខាងលើបានប្រគល់ជូនរដ្ឋបាលព្រៃឈើស្រុកបរកែវ ចាត់ការតាមនីតិវិធីបន្ត ។

អាវុធហត្ថខេត្តបន្ទាយជ័យបញ្ជូនជនសង្ស័យម្នាក់ទៅសាលាដំបូងខេត្ត ពាក់ព័ន្ធករណីលួច និងរក្សាទុកដោយខុសច្បាប់នូវសារធាតុញៀន ដែលកម្លាំងបង្ក្រាបបាលកាលពីវេលាម៉ោង១៦និង០០នាទី ថ្ងៃទី២២ ខែសីហា ឆ្នាំ២០២៣ នៅចំណុចភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។